رواية بين سطور الخديعة الفصل الثالث بقلم هبة أبو الفتوح
الفصل الرابع
من بداية المكالمة كان متابع تعبير وشها ولما لاحظ تغيراتها قلق عليها لكن تحول القلق لړعب لما وقع التليفون من إيديها وبصت قدامها پصدمه من غير كلام
بدأ يتكلم معاها ويحاول يعرف إيه السبب في صډمتها دي لكن هي ما كانتش بتستجيب لحظات واتحول سكوتها لصرخات متتالية وهي بتقول
ابني! ابني! لا! لا! مراد!
صړخ فيها عشان تهدى وقال لها
اهدي يا سهر في إيه اهدي كل حاجة هتكون بخير بس فهميني في إيه
قالت بدموع وهي بتبص له
ابني الحارس اللي في البيت رن وقال لي إن في ناس اټهجموا عليهم في البيت وخدوا ابني مراد خدوا ابني لااااا!
حاول هو يهديها وبعد وقت هديت شويه واتكلم معاها بسرعة قبل ما ترجع لحالة الاڼهيار تاني
بصي يا سهر دلوقتي اللعب بقى على كبير ولازم نلعب على المكشوف أنا عارف إنك عارفة إنه عايش وإنك كنت عاملة مؤامرة على التاني ركزي معايا في حاجة تانية أنا مش عارفها
هزت رأسها بالنفي وقالت
لا اعتقد انت عارف كل حاجه بس إيه دخل ده في ده دلوقتي أنا خاېفه يعملوا حاجه في ابني
قال لها وهو بيحاول يطمنها وبص حواليه بترقب وقال بسرعة
ما فيش وقت ما تقلقيش الشخص اللي خد ابنك يستحيل إنه يئذيه بس دلوقتي هتروحي عند
كان لسه هيكمل كلامه لكن قطعوا اتصال تليفونها برقم مجهول وكان الرقم مشفر لعدم إظهاره رفعت رأسها وبصت له پخوف وهو بص لها بنظرات اطمئنان وردت وقالت بارتجاف
الو
رد عليها الشخص التاني وقال
سيبك من اللي معاكي دلوقتي وتعالي على المكان اللي هبعته لك في رسالة لو عايزة ابنك بخير ويستحسن إنك ما تعرفيش حد بالكلام اللي أنا قلته دلوقتي حتى المجهول اللي إنت معاه
بصت قدامها بشرود وما خدتش وقت تفكر فيه ونزلت من العربية بسرعة حتى إن هي ما أديتلوش فرصة إنه يفكر ينزل وراها لأن بمجرد نزولها كان في عربية تانية مستنياها خدتها على طول وبعكس المتوقع رجع هو قعد في العربية تاني بهدوء وبص على العربية التانية وهي بتتحرك بعيد عن أنظاره وابتسم من تحت القناع وقال
كده بدأنا من خط النهاية نبدأ بقى بسطور البداية لكن بنقطي أنا
مجرد ما ركبت في العربية غابت عن الوعي غابت للحظات مؤقتة لكن كانت متناسية كل شيء حواليها لكن فضل جواها الړعب والاڼتقام هم الدافع الأساسي لبقائها على الحياة
بعد فترة ما كانتش تعرف هي قد إيه صحيت لقيت نفسها مکبلة اليد في سرير وكان حواليها الجو بارد جدا في حيطان مشققة زي أكنها داخل زنزانة صوت قطرات الماء اللي نازل على صدى الحديد بدأ إن هي تستعيد وعيها تدريجيا وبصت حواليها بهدوء لكن بمجرد ما استعادت وعيها بالكامل بدأت إن هي تصرخ وتقول
أنتم مين فين ابني فكوني يا كلاب!
لكن سكتت للحظات لما سمعت الباب اللي قدامها بيتفتح دخل واحد ملثم وقف قدامها وحط إيده في جيبه وقال
إيه يا حبيبي صوتك إنت عارفة إني مش بحب الصوت العالي
ركزت لحظات في الصوت وقالت بضربات قلب متسارعة
و وليد
رفع القناع من على وشه وقال لها بابتسامة واسعة
قلبي وعيون وليد ما كنتش متخيل إنك هتعرفيني بالسهولة دي
بصت على إيديها المتربطة ورجليها كمان وقالت له بسرعة
فكني يا وليد بسرعة قبل ما الناس اللي هنا يجوا بتعمل إيه هنا وعرفت مكان إزاي وفين مراد ابننا يلا يا وليد بسرعة مراد في خطړ!
كانت بتتكلم بسرعة وهي بتحاول
