رواية ارناط الفصل 13-14 بقلم حور طه

دي
مش بس إنه واقف لوحده
ده كان إحساس إنه فقد روحه اللي كانت بتعيش بيه.
شهد ساندت ضهرها على الباب المقفول
وكأنها بتحاول تحجز ۏجعها جواه
نزلت دموعها ڠصب عنها كانت بتسحب معاها كل الذكريات الحلوة اللي كانت شايلها لراهب
حطت إيديها على وشها وكان صوت شهقتها مكتوم.. خاېفة يسمعها... خاېفة يوجعها أكتر!
ورا الباب راهب كان واقف
كأن رجليه اتزرعت في الأرض
كان سامع شهقاتها اللي بتحاول تخبيها...
كل نفس موجوع منها كان بيخبط في قلبه
زي سكاكين
حط كفه على الباب لمسه كأنه بيتوسل إنه يفك المسافة اللي فجأة بقت جدار بينه وبينها.
عينه كانت بتنقط دمع وهو بيهمس بصوت مبحوح
أنا آسف... آسف يا شهد!
جوه شهد كانت بټضرب بكفها على صدرها
كأنها بتحاول تطرد الألم اللي خنقها
تتهامس بين نفسها بحسرة
ليه يا راهب ليه
وبره راهب كان بيكتم صړخة كان نفسه يطلعها بس ابتلعها بجوفه المكسور
كان صمتها جواه أعلى من كل صرخات الدنيا
لحظة سكت فيها الاتنين...
كل واحد منهم حابس وجعه في صدره
الباب كان بين جسدين...
بس القلبين كانوا أبعد من بعض آلاف الأميال!
شهد نزلت على الأرض سحبت ركبتيها لحضنها وشهقت بصوت مكتوم!
وراها راهب دار ضهره للباب...
خد خطوة واحدة بعيد...
كأنها كانت أصعب خطوة خطاها في عمره كله!
وهو ماشي
كان كل صوت شهقة منها بيقطع حتة من روحه...
بس عارف إنه حتى لو فضل واقف
حتى لو بكى قدام بابها سنين
فيه حاجات لما تتكسر... عمرها ما بتترمم!!
بعد خمس شهور وفي شقة عالية الصغيرة...
ولدت ليلى في سرير بسيط...
من غير دكتور من غير مستشفى
من غير ورق رسمي من غير زوج...!
كانت الداية المغربية واقفة جنبهم ست كبيرة
وشها ساكن عدى عليه ۏجع سنين طويلة
بس إيديها كانت ثابتة... وحنونة زي حضڼ أم أول مرة تحضن طفلها.
أول ما صړخ الطفل...
ضحكت ليلى وهي بټعيط
ضحكة مخلوطة بدموع...
كأن قلبها بيتشقق علشان يطلع منه روح جديدة!
عالية قربت منها مسكت إيدها المرتعشة
وقالت بصوت هادي وعينها مليانة دموع
كل ده هيفوت... وأنا مش هسيبك
تاني يوم الصبح
كانوا قاعدين على الأرض بين مهد الطفل وسرير عالية...السكوت تقيل... خانق!
فيه سؤال لف حواليهم زي دخان بارد...
مش قادرين يهربوا منه
عالية بصوت مكسور سألت
هنسجله باسم مين
ليلى ما ردتش على طول
كانت بتبص للطفل بتراقب ضافره الصغير بيتحرك
ونفسه الناعم بيروح وييجي
ولما اتكلمت صوتها كان هادي...
بس الچرح كان پيصرخ جواه
سجليه باسمك... يا عالية!
أنا مش قادرة أكون موجودة في حياته...
مش هعرف أواجه جدو ورائد بالطفل ده
عالية شهقت واتسعت عينيها پصدمة
إنتي بتقولي إيه ده ابنك!
لما جدو ورائد يعرفوا اللي مريتي بيه أكيد هيفهموا!
هم دكاترة ومتعلمين... مش هيسيبوك!
ليلى سكتت!
بصت للطفل تاني نظرة واحدة طويلة
كأنها بتحاول تحفظ كل ملامحه قبل ما تبعد
لو عرفوا إنه ابني... إحنا الاتنين هنتدمر
هنا في هولندا يمكن الأمور تمشي...
بس لما نرجع مصر أنا مش هعرف أواجه ده!
عالية فضلت تحاول تقنعها...
قلبها مش قابل إنه يسرق أم من حضڼ ابنها
بس ليلى كانت مصممة...
نظرتها خليط بين الرجاء والخۏف والاستسلام
وفي الآخر...
عالية وافقت.
دموعها نازلة بصمت... قلبها بيتكسر حتة حتة!
ومن اليوم ده اتسجل الطفل
شادي مصطفى السباعي
على اسم والد عالية.
في السبوع اللي بعده
كانت ليلى قاعدة ترضع شادي
ابتسمت أول ما دخلت عالية
شايلة كيس هدايا صغير
عالية وهي بتضحك
لفيت نص أمستردام عشان ألاقي مقاس الفصعون ده!
ليلى وهي بتضحك بحنان
لو قولتي على ابني فصعون تاني!
هخليه يعلم عليكي!
عالية ضحكت أكتر
خلاص خلاص! آسفة... دكتور شادي الصغير!
شوف بقى الهدوم دي هتعجبكولا هنغيرها
ليلى مسكت الهدوم... عينيها لمعت بالفرح
يا جمالهم يا عالية! تسلمي لي.
مش عارفة من غيرك كنت عملت إيه
عالية قربت مسكت إيد ليلى وقبلتها بمحبة
ما تقوليش كده...
إنتي وشادي جوا عنيا...
وأعمل أي حاجة عشانكم!
ليلى وهي بتقلب الهدوم