رواية الحب الذى يعذب صاحبه الفصل 12-13

الارض
يحيي احمد ربك ان بدخلك الاوضه اصلا ايه اللي مصحيك لحد دلوقتي
كريم اتنهد بهدوء وقال بمزاح المخده فيها دوشه مش عارف انام عليها وضحك بخفه 
يحيي ابتسم وقال وهل المخده اللي فيها دوشه ولا دماغك اللي فيها دوشه مش عارف تنام منها
كريم بصله وقال بستنكار هتفرق الدوشه منين المهم ان في حاجه فيها دوشه وخلاص
يحيي لما الدوشه تكون من دماغك يبقي نتكلم ونفهم سببها ايه
كريم مسح وشه مدد رجله علي الارض وقال مش عارف سببها مش عارف اتكلم حتي واقول ان انا مش كويس
يحيي بصله بتركيز قولي ليه مش كويس في ايه انا سامعك
كريم بص ل يحيي بهدوء وقال يحيي انا دايب في هوي بنت..
يحيي ابتسم ومالك بتقولها بړعب كدا ليه الحب مش غلط ولا هو حرام
كريم بتردد البنت متجوزه ومعاها جوز بنات
يحيي پصدمه نعم يا روح امك
انتظرو القادم 
الحب الذي يعذب صاحبه 
البارت الثالث عشر 
الكاتبه ندي حبيب 
يحيي من صډمته بكلام اخوه مبقاش عارف ينطق كلمه واحده ساكت ومستنيه يكمل لكن كريم ساكت مبينطقش ومش عارف يقول كلمه 
يحيي مسك ياقة تيشيرت احمد پجنون انطق يابني ادم اتكلم بتحب واحده متجوزه وعندها بنتين ازاي مش فاهم دبيت الكلمه وقعدت ساكت ليه
كريم بص علي ملامح اخوه اللي حرفيا بيتكلم پجنون وضحك جامد وقال هدي نفسك وهدي اعصابك العصبيه الشديده مش حلوه كنت بهزر معاك والله متبقاش قفوش يا جدع كدا
يحيي بصله بشك لكن اعصابه بدأت تهدي شويه بتهزر ولا بتتكلم جد
كريم بضحك والله العظيم بهزر يعني معقول هسيب بنات العالم كله وهروح احب واحده متجوزه بعيالها كمان دا امك كانت جرستني في الشون كلها
يحيي اتنهد بغلب وقال وقتها كنت هحسب ربك مخلقكش وھدفنك بإيدي مربتكش بدم قلبي علشان تجيبلي العاړ انتو الاربعه افديكم بروحي من غير ما اتردد لكن مسمحش لحد فيكم بالغلط
كريم ابتسم لحب اخوه وقال بتردد يحيي هو انت ليه طلقت مراتك الاولي وليه مخبي السر لحد دلوقتي....ومتقولش مفيش سر علشان كلنا عارفين ان في حاجه بس انت مخبيها
يحيي السيره نفسها بضايقه لكن قال بهدوء احنا بشړ والبشر كله بيغلط لكن اللي بيستر علينا هو ربنا ف مينفعش ربنا يستر بني ادم ويجي عبد يفضحه لمجرد انه بيدردش في وقت هو فاضي فيه لذالك متسألنيش السؤال دا تاني
كريم سكت لكن كلام يحيي عملة علامات اسفهام كتيره يعني مراته كان فيها عيب وهو ستره ولا يقصد ايه بالكلام اللي قاله دا قطع تفكيره اذان الفجر 
يحيي قام وقف وقال بهدوء يلا ننزل نصلي متوضي ولا هتتوضي في الجامع
كريم قام وقف وقال متوضي خرج يحيي وكريم من البيت للجامع وكان احمد قاعد مستني الإقامه وايوب جنبه راح قعد علي يمينه يحيي وعلي شماله كريم 
كريم بهمس مش متعود عليك نازل لصلاة الفجر قبل الإقامه هتتحسد وقال بشهقه ولا تكون عفريت مسلم متجسد فيك
ايوب قاعد قدامهم فقال وانا والله اول ما جيت ولقيته تاني واحد في المسجد فكرته عفريت
كريم بص لأيوب بحاجب مرفوع قال يعني انت اللي مقطع السجاده مبنشوفكش غير في صلاة الجمعه
ايوب بغيظ امال انا هنا بعمل ايه دلوقتي مش دي صلاة الفجر برضو ولا انا فاهم التوقيت غلط
كريم بهمس whatever بس برضو مبتجيش المسجد يوميا
ايوب بتريقه whatever! الله يرحم جدك كان بيستحمي بخرطوم الغساله
احمد بصلهم ببتسامه وقال بصوت عالي نسبيا بس يالا انت وهز اخرسو انا هنا من الساعه ٤ بالظبط قاعد بدعي وبحمد ربنا علي النعمه اللي بعتهالي وبص علي وشوشهم وشاف الاستغراب فقال رحمه حامل..
يحيي ابتسم بسعاده ومسح علي ضهره ببتسامه مبارك يا ابو حميد ربنا يقومها بالسلامه وينور الدنيا شافي معافي يحبيبي
احمد ببتسامه عقبال فرحتك الكبيره وبعدها ب تسع شهور ينور الدنيا ولي العهد الحقيقي لعيلة رضوان الشيخ يا اخويا
الشيخ علي بص ليحيي ساو الصفوص يا جماعه قوم قيم الصلاه وصلي بينا انت يا يحيي وفعلا صلي بيهم يحيي بصوته الهادي المريح وقرأته الصحيح في القرآن 
الستات في مصلي السيدات بيصلو بخشوع ورا يحيي اللي كل فين وفين بيصلي بيهم من ضمن الستات رقيه وآيه ونيرا 
بعد صلاة الفجر 
آيه قعدت قدام نيرا ورقيه وقالت بهمس علشان محدش من الستات يسمع ايوب جيه معاكو صح
نيرا برفع حاجب استغفر الله العظيم ناس جايا تصلي لله وناس جايا علشان تشوف ايوب ابو دماغين
آيه بصتلها بغيظ جايا اصلي برضو يا استاذه بس مفيش مانع لما اشوفه برضو
رقيه كانت بتسبح علي ايدها فسكتت وقالت غضي بصرك يا محترمه ومتضيعيش مننا صلاة الفجر بعدين الدنيا ضاقت بيكي اوي كدا ملقتيش غير ايوب ابن عمي
آيه قلبت شفايفها اللي تحت وقالت بحبه طيب اعمل ايه ما انتي كمان الدنيا ضاقت بيكي اوي وملقتيش غير يحيي اخويا رغم انه كان متجوز قبل كدا
رقيه اضايقت جواها لكن ردت بهدوء وايه يعني لما يكون كان متجوز قبل كدا وطلق ملوش حق يتجوز تاني ويستقر في حياته
آيه ردت بتبرير ليه حق اكيد بس بيقولك العين لازم تكون شوافه يعني يتجوز واحده ارمله مطلقه زيه مش بنت لسه
رقيه قالت بدفاع ليه ميتجوزش بنت هو معيوب ولا ايه دا بنات الشون كلها ھتموت علي كلمه منه وانا اولهم بعدين انتي ازاي تتكلمي عن اخوكي كدا يا آيه
آيه بهدوء زي ما انتي مش متقبله كلمه علي حبيبك انا برضو مش متقبله كلمه علي حبيبي هتقوليلي دا ابن عمي وانا حره اقول اللي اقوله هقولك ودا اخويا انا حره اقول اللي اقوله انا بحب ايوب زي ما انتي حبيتي يحيي واكتر بمراحل ومستحيل اتخلي عن حبه
نيرا بعقل بس هل ايوب حاسس بيكي ولا هو شايفك اصلا يا آيه بجد انا حاسه ان بعيد قصة رقيه ويحيي من تاني بختلاف الاسماء
آيه بهجوم وهل يحيي كان حاسس بحب رقيه يا نيرا
رقيه اضايقت من كتر ما هي عماله تذكر اسمها واسم يحيي وقامت وقفت وقالت بضيق استغفر الله العظيم نيرا انا هستناكي قدام المسجد تحت وسابتهم ونزلت وهي متغاظه 
الشباب كلهم كانو واقفين تحت قدام المسجد زي العاده بيتكلمو شويه قبل ما يروحو 
كريم شاف رقيه نازله من مصلي السيدات بتنفخ فقال جماعتك نازله من مصلي السيدات يا يحيي بس الله يعينك علي البركان القادم منها
يحيي استغرب جماعته مين وبص وراه لمح رقيه واقفه مربعه ايدها وسانده علي الحيطه مستنيه البنات تلقائي رفع حاجبه وراح عندها صباح الخير
رقيه بصتله واترسمت ابتسامه علي وشها صباح النور يا يحيي
يحيي برفع حاجب وحضرتك بتعملي ايه هنا يا انسه
رقيه بعفويه جيت اصلي الفجر جماعه مع نيرا وايوب
يحيي پحده خفيفه في زفت بني ادم اسمه خطيبك لو مش واخده بالك يعني كنتي عرفيه من باب العلم بشيئ حتي بدل ما انا متفاجئ بيكي كدا
رقيه بغباء هو لازم استأذنك