رواية الحب الذى يعذب صاحبه الفصل 12-13

بتقيسلها الضغط 
شيماء بقلق طمنيني يا نيرا ضغطها عامل ايه
نيرا شالت السماعه من ودنها وقالت عالي جدا ودا غلط جدا
نهله بنواح يابختك المايل يا رقيه الواد يا اختي قال صيده والشيخ علي ما صدق راجل كامل بعزاله هياخدها ويروقه من جهاز واحده فرقت ايه عن المطلقه قوليلي...اااه ياني دماغي ھتنفجر مني يولاد
شيماء قعدت جنبها وقالت بعقل ياستي هو كان حد ضربه علي ايده مش الشيخ علي قال يحيي اللي عرض عليا العرض دا خلاص اللي يحمل يشيل روقي بالك وقالت بهمس وبيني وبينك كدا رقيه مېته علي الولا يعني اسكتي وسيبي المراكب سايره
نهله بنواح اكتر مېته بس....دا دايبه في التراب اللي بيمشي عليه اقول ايه عليكي وعلي اختيارك الهم يا بنتي
نيرا واقفه تسمع كلامهم وهي مربعه ايدها بقولكم ايه فضو الميتم اللي نصبتوه في ثانيه دا علي ما ادخل اصحي رقيه متنكدوش علي البت فرحتها ودخلت علي اوضة رقيه وقفلت الباب 
شيماء وهي بطبطب علي ضهرها قومي بقا خليكي جدعه واقفي مع بنتك في يومها وشرفيها قدام اهل خطيبها ومتنكديش عليها يلا يا نهله يلا يما
وفعلا قامت نهله وهي عصره علي نفسها طن لمون بحاله وبدأت تشوف هتعمل ايه في اليوم دا المضيفه بتاعت المسجد ايوب جايب ناس تفرشها علشان كتب الكتاب اللي هيبقي فيها والشيخ علي واقف جنبه بيتابع العمال 
................................... 
في شقة محمود محمود نايم علي السرير بيبص علي ملامح ميار الهاديه وهي نايمه وزهق من كتر ما صحاها ورجعت تنام تاني 
محمود مشي صباعه علي مناخيرها براحه ف ميتر اتنرفزت وشالت ايده ولفت وشها الناحيه التانيه ف محمود علق يابنتي اصحي هتعفني من كتر النوم جايبه النوم دا كله منين دا انا بقالي اسبوع صاحي ومعرفتش انام غير ساعتين
ميار ردت بضبق وهي نايمه من اول يوم ومستكتر النومه عليا الباقي الغيام هتعمل فيا ايه يا محمود
محمود بحسره انا كنت راسم سيناريو ليوم الصباحيه دا كبير اوي اجيبلك الفطار في السرير ف انتي تقوليلي شكرا يابيبي وتبوسيني بعدين اقولك صباحيه مباركه يا حبيبتي ف تقوليلي الله يبارك فيك و
ميار اتعدلت علي السرير وبصتله ماشي قوم هات الفطار اللي في السرير بقا
محمود بغيظ دا اللي لفت انتباهك من كل اللي قولتله يا ام كرش
ميار رفعت حاجبها بتمثيل الدهشه شوفو مين بيتكلم محمود ابو ودان علي رأيي ايوب بعدين مش انت اول حاجه اجيبلك الفطار في السرير قوم بقا هاته انا مېته من الجوع مأكلتش حاجه من امبارح العصر
محمود بستفسار اجيب ايه مثلا انا محضرتش فطار قبل كدا وقال بتفكير اجيب المحشي والحمام اللي امك عملاهم في حلة الاتفاق
ميار پصدمه محشي ويوم علي الصبح ليه نازلين معركه!
محمود بغمزه الا معركه ومش اي معركه اللي فات حماده واللي جاي حماده تاني خالص لازم اقويكي بدل ما تطبي واقعه من طولك فجأه
ميار بتريقه اطب واقعه من طولي..حبيبي فين رومانسيتك في حد يقول لمراته يوم صباحيته تطبي واقعه مني ويا ام كرش
محمود بغيظ حوش حوش قال البت اللي صحيتني من النوم علي ورد وشموع مش بتقولي يا ابو ودان اصلا حرام عليكي دي خلقة ربنا
ميار سلمت عليه بإتفاق خلاص انت متتريقش عليا وانا متريقش عليك اتفقنا
محمود سلم عليها وقال اتفقنا هنقوم ناكل بقا ولا نقضي اليوم علب الريق
ميار هرشت في راسها واتاوبت بكسل والله جبتلي الاكل لحد هنا هاكل مجبتش ذبني في رقابتك علشان ھموت من الجوع
محمود قام وقف وضربها بالمخده بغيظ تتمني الراحه والجوع وسنتك هتبقي سودا وراح علي المطبخ يشوف هيجيب فطار ايه وميار فتحت الفيس اتفاجأت بمنشور يحيي قامت لبست الروب وقفلته كويس وراحت علي المطبخ بسرعه 
ميار بدهشه محمود يحيي اخوك منزل بيقول كتب كتابي النهارده في مضيفة مسجد الشيوخ
محمود شاف البوست وقال بستغراب فعلا دا يحيي ايه السرعه دي معقول هيكتب علي بنت عمك النهارده
ميار بتفكير مش عارفه هنفطر وننزل نشوف الدنيا حصل فيها ايه من بليل لدلوقتي وسندت راسها علي دراعه وفضلت تتفرج عليه وهو بيقلي البيض 
.................................. 
يحيي واقف في اوضة نومه في شقته بيرتب هدومه في دولابه ومعاه مكالمه علي الفون 
يحيي بهدوء انت دلوقتي وصلت لحد فين يا ريس
المندوب بيبص حواليه علشان يحدد مكانه فقال انا حاليا واقف قدام مسجد اسمه مسجد الشيوخ
يحيي حلو اوي اول بيت جنب المسجد علي يمينك اطلع من بوابته علي تاني دور خبط علي الباب اللي هيرد عليك سلمه الفستان واتوكل علي اللي خلقك يحبيب اخوك
وفعلا المندوب عمل نفس اللي يحيي قاله ونيرا استلمت الفستان ودخلت علي جوا 
رقيه قاعده في الصاله بتركب ضوافر فوق ضوافرها بصت علي نيرا بستغراب ايه اللي معاكي دا
نيرا فتحته وقالت بنبهار واوو والله ان يحيي طلع ذوقه يجنن كان فستان ابيض رقيق منفوش نفشه بسيطه بطرحته اللي نفس اللون وجزمه بيضه بكعب بسيط لكنها شيك 
رقيه بصت علي الفستان ببتسامه سعيده يويلي علي جماله نيرا دخليه الاوضه بدل ما يتوسخ علي ما اكلم يحيي ومسكت فونها واتصلت عليه 
يحيي رد ببتسامه صباح الخير يا عروسه
رقيه ببتسامه صباح النور الفستان يجنن يا يحيي ذوقك تحفه بجد
يحيي فرح لما حس بفرحتها في صوتها وقال تتهني بيه يا رقيه ثم انتي اللي بتحلي اللبس
رقيه ابتسمت بسعاده ربنا يخليك ليا يا يحيي الفستان حلو فعلا
شيماء جت عليها وقالت لو بتكلمي يحيي يا رقيه عرفيه ان انا وايوب جايبين لبسك وجايين نرتبه
يحيي رد علشان سمعها قوليلها بيقولك تنورو في الوقت اللي يعجبكم وهو مستنيكم
رقيه قالتلها مسنتيكم يا ماما شيماء وقالت ل يحيي انا هقفل علشان الحق اجهز نفسي يا يحيي
يحيي ماشي يا روكا وقال بتحذير مش عايز اڤوره في حوار الميكب دا علشان مسودش اليوم عليكي اللهم بلغت
رقيه ضحكت بخفه حاضر متشلش هم وقفلت معاه ودخلت اوضتها كانت نيرا بدأت تجهز مسكات الوش والجسم وبدأت تجهزها وشيماء راحت علي شقة يحيي ترتب كل حاجة رقيه 
...........................
في بيت المرحوم الحاج رضوان الشيخ البيت اقل ما يقال عنه مهرجان آيه واقفه في المطبخ مع يسرا وبيجهزو اكل اشكال وانواع ورحمه واقفه بتلقط اي حاجه مالحه 
يسرا تابعتها بعيونها وهي بتاكل خيار مخلل وتذوده بالملح فقالت بغيظ ارحمي نفسك المخلل كتره غلط عليكي وعلي اللي في بطنك هيجيبلك املاح وشدت الطبق منها 
رحمه مع شدة الطبق من ايدها حست ان روحها هتطلع وقالت برجاء بالله عليكي اديني واحدة خياره بالله يا شيخه انا لسه اول مره اكل مخلل دلوقتي ملحقتش اشبع منه
يسرا بدهشه انتي بتترجيني علي خياره مخلله معقول!
رحمه بصتلها وريقها بيجري علي الطبق اعمل ايه ھموت علي اي حاجه مالحه عايزه اي حاجه منقوعه في ملح وانا انسفها
احمد دخل عليهم المطبخ يطمن علي رحمه حبيبي عامله ايه دلوقتي الدوخه راحت ولا لسه وحط ايده علي
راسها يشوف حرارتها مرتفعه ولا لاء 
رحمه بصتله الدوخه راحت لما اكلت المخلل بس امك مش راضيه تخليني اكل منه تاني
احمد بص لأمه بستفسار مدام نفسها في حاجه خليها تاكل منها براحتها متحرمهاش من حاجه واخد الطبق منها حطه في ايد مراته 
يسرا الموالح غلط في الحمل وانا كنت خاېفه عليها لكن مش بحرمها من حاجه وكلم محمود اخوك شوف اخباره ايه
رحمه بتدخل مش لازم يكلمه دلوقتي هو عريس اكيد كويس لو كان محتاج حد فينا كان طلب لكن هو دلوقتي محتاج مراته بس وبصت لاحمد بتحذير اوعي تكلمه انا قولتلك اهو
يسرا بصتلها من فوق لتحت وانتي مين سمحلك تتدخلي في كلامي انا وابني
رحمه وهي بتاكل من المخلل وقالت بلامبالاه محدش دخلني انا لوحدي ادخلت وعزمت بحتت خياره علي احمد ببرائه تاكل يا حبيبي حته
احمد رفض وقال بنفاذ صبر بقولكم ايه الواحد مصدع ومفيهوش حيل يفض خلافاتكم اللي مبتنتهيش دي ف عدو اليوم علي خير متنكدوش علينا وشد رحمه من ايدها تعالي عايزك
رحمه راحت معاه لحد الصاله وقالت بعدم فهم واخدني علي فين
احمد بصلها بتحذير ملكيش دعوه ب امي ومهما تقول مترديش عليها علشان مكسرش دماغك الحلوه دي
رحمه زقيته علي برا ملكش انت دعوه بينا انا وحماتي حرين مع بعض يومك سعيد يا حبيبي شوف وراك ايه يلا يلاا
احمد نزل علي السلالم وقال بصوت عالي انا حذرتك وانتي حره مش هعيد كلامي تاني وارحمي نفسك من المخلل شويه ونزل احمد راح علي حارة الشيخ علي ودخل المضيفه يشوف الوضع 
انتظرو القادم