رواية دكتورتى الجميلة الفصل 12 بقلم رنا تامر النشار

أدم بهدوء كان فيه فرصه اني اخرجها ب كفاله بس بابا لما عرف قرر انه يسيبها قالي عشان تتعلم الأدب ومتكررش اللي عملته ده تاني.
لينا بحيرة رغم اني متضايقه منها بس صعبت عليا وبجد بتمنى اني اعرف اساعدها.. ثم اكلمت بتساؤل.. طب انت ناوي تعمل ايه
أدم بتنهيدة مش عارف والله بس انا لازم الاقي حل.. انا مقدرش اشوف اخت في الحبس وافضل قاعد ساكت كده.. انا ااه عايزها ټندم على اللي عملته بس مش عايزها تفضل في الحبس دي ممكن يجرلها حاجه.
لينا بإبتسامة بص انا هساعدك في انك تعرف تخرج ريم.
أدم بسعاده بجد!! ازاي
لينا بإبتسامة جهز عربيتك عشان هنروح القسم وانا هقولك هنخرجها ازاي.
اخذوا إذن بالخروج من المدرسه وركبوا السياره وأدم قاد السياره بحماس. 
في الجامعه..
حازم بحب وحشتيني أوي.
ساره بسخريه ده على الاساس انك مش بتشوفني كل يوم.
حازم بإبتسامة ساحره انت بتوحشيني كل ثانيه.
ساره بخجل وابتسامة احم.. وانت كمان على فكره.
حازم بخبث وانا كمان ايه
وجهها احمر وهو قال بضحك ينهااار كل ده عشان قولتلك وحشتيني اومال لو قولتلك بحبك هتعملي ايه!!
ساره بخجل يا حازم بطل بقى.
حازم بإبتسامة عيون وقلب حازم من جوه.
جاء هشام وقال بسخريه ما تخف شويه يا روميوا.
حازم بتوتر احم.. اده هشام انت هنا من امتى
هشام بسخريه من ساعة ما خليت وشها يحمر من الكسوف.
حازم بإبتسامة توتر حيث كده بقى انا مضطر استأذن عشان مستعجل استعجال محصلش.
ذهب حازم وهشام قال بضحكه ساخره كداب ده عيل صايع.
ساره ضحكت وقالت خف شويه معاه عشان كله سلف ودين.. ثم اكملت بغمزه.. وانت فاهمني يا ايتش.
هشام بإستيعاب وفهم ف دي عندك حق.
نظرت له وهي تضحك وذهبوا هما الاثنين الى محاضراتهم. 
في لندن..
ذهب اليها بعدما انتهى من عمله وقال بإبتسامة تسمحيلي اعزمك على فنجان قهوه.
اجاب عليه بعد تفكير وقالت no problem.. يلا بينا.
مراد ابتسم بسعادة وذهبوا الى الكافيه.
بعد مرور بعض من الوقت.. وصلوا هما الاثنين وجلسوا وكل واحد منهم طلب الذي يريده..
مراد بجديه بصي يا نور الصراحه انا جايبك هنا عشان اكلمك في موضوع مهم.
نور بإهتمام اتفضل انا سمعاك.
مراد بمشاعر صادقه فاكره لما قولتلك عن الشعور الغريب اللي بيفضل ملازمني طول ما انت بتغيبي عني او حتى لما بشوفك.
نور بعدم فهم ايوه فاكره.. بس ده ايه داخله بالموضوع المهم اللي انت عايز تقوله
مراد بحماس وحب ما هو ده الموضوع المهم.. انا عرفت ايه معنى الشعور ده وهو اني طلعت بحبك يا نور.
نظرت له پصدمه وعدم استيعاب ومن ثم نظرت له وقالت بسخريه قول كده بقى انه انت جيت ورايا لندن.. وحجزت في نفس الاوتيل اللي انا قاعده فيه.. وبتشتغل معايا كل ده عشان تمثل عليا وتفهمني انك بتحبني.. ثم اكملت پحده وصرامه.. شوف يا مراد انا دكتورة نفسيه وباباك جه واتفق معايا اني اخليك تتغير للاحسن وانا وافقت.. من الاخر انت كنت بالنسبالي حاله انا كنت بعالجها وانتهيت من علاجها.. و من النهارده الكلام بينا هيكون في إطار العمل لحد ما نرجع مصر.. انت فاااهم يا بشمهندس!!
يتبع..
تفاعل كتيررر يا حلووووين.
رنوووووش.