رواية دعنى احطم غرورك الفصل 52 بقلم منال سالم
سيلين وهي تلوي فمها بإمتعاض جالها هبوط من السفر ولا لما شافتنا
عز بنظرات صارمة أنا قولت من السفر حضرتك .. فبراحتك عاوزة تصدقي ماشي مش عاوزة Its up to you
اقترب رامز من زوجته ووقف إلى جوارها و..
رامز بصوت فيه فتور سيلين بيبي احنا برضوه جينا من غير معاد فأكيد هما still tired..!
سيلين بنبرة منزعجة unbelievable
عز على مضض وهو مقفهر الوجة تحبوا حضراتكوا تشربوا ايه
رامز وهو يشير بيده No need
سيلين بضيق وقت تاني أما تكون جانا فايقة
عز بنبرة جادة على العموم شرفتوا
رامز وهو يصافحه Glad to meet you Mr Ezz.. مبسوط برؤيتك
سيلين وهي عاقدة ساعديها أمام صدرها أنا لأ
تأمل عز الدين والدة جانا بتمعن وظل يرمقها بنظرات متفحصة تكشف عن طبيعة شخصيتها
عز في نفسه بتهكم أنا كده عرفت جانا ورثتها عن مين
رامز وهو يلتفت إليها بنبرة هادئة بيبي بليز خليكي cool..
عز وهو يبتسم نصف ابتسامة خليها ع راحتها حماتي برضوه ولازم أستحملها
سيلين بتوعد ونبرة تحمل نوعا من الټهديد In your dreams.. الجوازة دي مش هتكمل
عز بحدة وهو يشير بيده شرفتوا مع السلامة
رامز بنبرة هادئة سوري مستر عز يالا سيلين Lets go
رمقت سيلين عز الدين بنظرات ثم سارت بخطوات عصبية نحو باب الفيلا وأمسكت بالمقبض وفتحه ثم دلفت إلى الخارج ولحق بها زوجها
تابعهما عز الدين إلى أن انصرفا خارج الفيلا وهو واضع ليديه في جيبه و..
عز بتهكم العيلة دي باين عليها مجانين مافيش حد طبيعي فيها!!
ثم رن هاتف عز الدين فأخرج الهاتف من جيبه ونظر في شاشته ليجد أن المتصل هي والدته فضغط على زر الايجاب و...
عز هاتفيا ألووو ايوه يا ماما الله يسلمك يا حبيبتي
عايدة .......…
عز ضاحكا هههههههه خلاص احنا في انتظاركم
عايدة .....
عز مبتسما لأ متقوليش كده عرسان ايه بس هههههههههه طيب طيب
عايدة............
عز مازحا مسمعتكيش جانا كانت ولعت فيا
عايدة .........
عز وهو يوميء برأسه حاضر يا أمي في حفظ الله !
أنهى عز الدين المكالمة مع والدته ثم رفع رأسه عاليا لينظر إلى أعلى الدرج واعتلى وجهه ابتسامة غريبة ثم سأر نحو الدرج بخطوات واثقة وأمسك بالدرابزون وصعد على الدرج على عجالة ...
وصل عز الدين إلى غرفة نومه ليجد جانا تنتظره بشغف كبير لكي تعرف ما الذي فعله مع والدتها
جانا بلهفة ها غاروا
عز وهو يلوي فمه في استغراب في حد يتكلم عن عيلته كده
جانا متسائلة أنا بسألك مشوا
عز مبتسما أيوه يا ستي وزعتهملك
تنهدت جانا تنهيدة ارتياح عقب سماع تلك العبارة الأخيرة منه فقد شعرت أن روحها عدات إليها وأن هما كبيرا قد انزاح عن صدرها و...
جانا بتنهيدة هااااااه الحمدلله
عز متسائلا في اندهاش بس مقولتليش انتي مكونتيش عاوزة تقابيلهم ليه وليه أصلا اول ما شوفتيهم
اغمى عليكي
جانا بتردد الحقيقة ..آآآآ... بص.... يعني .. آآآ...مكونتش..
اقترب عز الدين من الفراش ثم جلسه على طرفه بجوار جانا وأمسك بكف يدها وربت عليه بحنية ونظر إليها بنظرات مطمئنة و...
عز بنبرة هادئة وحانية جانا قولي في ايه من غير خوف
جانا بنبرة مضطربة بليز عز مش حابة احكي
أخذ عز الدين نفسا عميقا ثم زفره في هدوء تام ورفع بصره مجددا لينظر في عيني جانا مباشرة و...
عز مكملا بنفس الهدوء بصي يا جانا عاوزك تعرفي حاجة واحدة بس احنا الوقتي زوجين عايشين في بيت واحد وسرنا لازم يكون مع بعض محدش هيحبك أدي ولا هيخاف عليكي زيي يااا رب بس تفهمي ده كويس
ترقرقت عيني جانا بالدموع وبدأت وجنتيها بالتوهج و..
جانا وقد بدأت عيناها تترقرق بالدموع آآآ.. أنا ...أنا ..
عز بنبرة جادة قوليلي يا جانا ع اللي مضايقك واقسم بالله ماهسمح لأي حد انه يأذيكي حتى لو كان مين
سقطت عبرات جانا رغما عنها لټغرق وجنتيها و...
جانا وقد بدأت تنساب دموعها توعدني انك هتصدقني وعمركما هتكدبني !
عز حبيبتي أنا مصدقك
جانا بصوت باكي ومتوجس ولا هتعمل زي مرة النادي
عز بصوت رخيم شششش دي مرة يا جانا وبعدين متنسيش انك كنتي هرياني مقالب ولا نسيتي
فنظرت إليه جانا بأعين مطمئنة هذه المرة و..
جانا وهي توميء برأسها طيب الحكاية بدأت من .. يتبع
