رواية زهره لا تدبل الفصل الأول والثاني بقلم امانى سيد
من غير مانجرح بعض لكن بتقوليلى انا كداب طيب انا بقى هوريكى انى مش بكدب
فتح الهاتف على صوره تجمعه بسعاد وابنتها وابنه
كان رأفت ممسك بيد سعاد يقبلها وابنه بجانبه ومن جانب سعاد تقف مايسه وكانوا يضحكون
من يرى تلك الصورة يظن أنهم عائله سعيده وان تلك المرأة هى زوجته وليست هى التى تقف أمامه الان
سحب الهاتف من يدها ووضعه في جيبه وهو ينظر لها بشماته
ها صدقتى شوفتى بقى الستات شكلها عامل ازاى انتى ماتسويش ضفرها اللى بتقصه
شايفه شكلها عامل ازاى اللى يشوفها يقول ماكملتش ال ٢٨ وهى عندها ٣٣ يعنى اصغر منك
هى دى اللى افتخر قصاد الناس انها مراتى وابنك يقدر يوريها للناس على انها امه
بس انا بقيت كده بسببك بعت ورث اهلى وصرفته عليك وانت كنت بتصرف على غيرى انت لو صرفت عليا مكنش وضعى بقى كده منك لله منك لله انت وابنك انا خصيمتكم ليوم الدين وبلغ احمد انى غضبانه عليه مش مسمحاكم على قهره قلبى حسبي الله ونعم الوكيل فيكم
ظلت تررددها وهى تجمع اشيائها لا تعلم أين ستذهب قررت الذهاب إلى اخيها ومن داخلها تعلم علم اليقين إنه لن يتقبلها لانه حظرها اكثر من مره
ستتحمل ما يقوله وما يفعله إلى أن تجد مكان اخر
وبالفعل ذهبت إلى اخيها واستقبلتها زوجه اخيها ببرود ورفض لتلك الزيارة
خير يا زهره جايه ليه ومن غير معاد
حسن موجود
دلوقتي افتكرتيه ادخلى هو جوه
دخلت زهره وقابلها اخيها بضيق
ازيك يا حسن
كويس خير يا زهره فى حاجة
انا اتطلقت وجايه اقعد عندك يومين
اتطلقتى وانا مالى
هقعد عندك يومين اكون اتصرفت فى مكان اقعد فيه
مالكيش مكان عندى يا زهره من يوم ما اصريتى انك تبيعى بيت ابوكى وتاخدى نصيبك تصرفيه على جوزك وانا من وقتها قولت أنى ماعنديش اخوات انا حذرتك وانتى عملتى كده في نفسك لو كنتى سمعتى كلامى كان زمان ليكى بيت تقعدى فيه إنما انتى اتصرفتى من دماغك وجوزك وقتها فضل يقولك انى طمعان فيكى ومش عايزك تبعيه عشان انا اللى هقعد فيه ومش هديكى نصيبك وانتى وقتها سمعتى كلامه وللأسف خلتينا نبيع بالخساره عشان ترضيه على حسابى فاكره ولا لاء وانا وقتها قولتلك تنسى إن ليكى اخ فاكره
اماءت زهره برأسها هى من كانت تسمع حديث زوجها دون تفكير لم تكن تقوى ان تقف امامه وها هى النتيجة الآن
طيب استحملنى للصبح وهمشى على طول
ماشى يا زهره نامى هنا على الكنبه للصبح واصحى ملاقكيش
ثم تركها ودخل لغرفته برفقه زوجته ومنع اولاده من الخروج للصاله
حاولت زهره النوم لكن هاجمها الجوع ولم تستطع أن تطلب منهم الطعام حاولت النوم لكنها لم تستطع من التفكير والجوع إلى أن ان الصبح واخذت حقيبتها وءهب للمدرسة
خرج اخيها من غرفتها للاطمئنان عليها لكنه وجدها تركت المنزل وذهبت كما قال لها
خرجت خلفه زوجته
مشيت
أه
كنت قاسى عليها أوى
سبيها هى دى نتيجه تصرفاتها يمكن تفوق اللى كانت هنا دى مش اختى انتى فاهمه ودخل لغرفته مره اخرى يحاول اسكات ضميره عن ما فعله مع اخته ولكنه چرح منها كثيرا
خرج لزوجته مره اخرى
لو جت تانى اعملى معاها زى ماعملت
كده خليها تبات بس هدديها ان دى اخر مره انتى فاهمه لكن أوعى تمشيها وابقى زودى الاكل
ثم دخل لغرفته ليبدل ملابسه ويذهب للعمل
فى المدرسه
كانوا جميعا وافقين ينظرون لجدول الامتحان ويتهامسون
دخلت اليهم زهره بحقيبتها
خير يا جماعه فى ايه
جدول الامتحانات اخر السنه نزل وبعد الامتحانات المدريره هتدى اجازه لكذا مدرسه مننا بدون أجر
طيب عرفتوا هتدى مين فينا
لا لسه ماقالتش عشان طبعا مانمشيش من دلوقتي لكن هتقول بعد الامتحانات زى السنه اللى فاتت واللى قبلها
ربنا يستر
نظرت هدير للحقيبه التى تجرها زهره
خير يا زهره ايه الشنطه دى
حاولت ظهره تمالك نفسها لكنها لم تستطع
فسحبتها لغرفه المدرسات لتتحدث وذهبت خلفها احدى المدرسات الاخريات لتفهم ما حدث معها
ظلت زهره تقص لهم ما حدث وهى تبكى بحرقه وامامها هدير تبكى على حالها
طيب اهدى اهدى هتتحل إن شاء الله
هتتحل ازاى انا هنام فى الشارع
تحدثت زميلتها الخرى وتدعى حنان
بصر يا زهره فى حاجة كده انا هحاول اعملها ويارب تنفع
هتعملى ايه
ياترى زهره هتلاقى حل ولا هتفضل ضعيفه مذل وله
هل اخوها صح ولا كان لازم يحتويها وتفضل على ضعفها عايزه اسمه ارائكم
البارت الثاني
امانى_سيد
زهره_لا_تدبل
