رواية فى قبضة الفهد الفصل 15-16-17 بقلم جنات
رواية فى قبضة الفهد الفصل 151617 بقلم جنات
روايه فى قبضة الفهد س
الفصل ١٥
فهد ساب الشباب وطلع جناحه وبص على تمارا اللى نايمه دخل غير هدومه اللى كلها ډم وخرج كان لابس بنطلون بلون الاسود وعارى الصدر ونام جمب تمارا وشدها لحضنه وبعد شعرها عن وشها ونام
صباح يوم جديد فى بيت حسن اخو تماارا
سماح والله ده الكلام اللى قالته ياحسن
حسن يعنى اتجوزت وعايشه حياتها ومش فارق معاها اى حد
سماح وانت اللى صدقت البت صاحبتها اهى طلعت متجوزة اللى معاها فى الصورة
حسن الموضوع انتهى خلاص ربنا يسعدها فى حياتها
حسن قام خرج وسماح كانت فرحانه
فى جناح الفهد تمارا بدات تصحى وحست بجسم تقيل ماسك فيها لقيته فهد اخدها فى حضنه ونايم
تمارا صوتت وزقته وفهد صحى
تمارا نهارك اسود انت بتعمل ايه هنا
فهد رفع نفسه وسند راسه على السرير ومسح وشه بعصبيه
تمارا انا بكلمك على فكرة انت ايه اللى جابك هنا وازاى تنام جمبي بمنظرك ده
فهد بصوت عالى ممكن تخرسي بقي
تماارا وليك عين تبجح كمان وانت غلطان
فهد بصلها اوى غلطان فى ايه
تمارا جاى اوضتى ونايم جمبي ومش لابس هدوم ايه قله الادب دى
فهد اولا انتى اللى فى جناحى ثانيا انا نايم جمب مراتى وثالثا بقي مش بعرف انام غير كدا فياريت تتعودى
تمارا بصت حوليها انا كنت نايمه فى اوضتى ايه اللى جبنى هنا
فهد انا اللى جبتك ومن هنا ورايح هتفضلى هنا فى جناحى
تمارا نعم ليه ان شاء الله
فهد هو كدا
تمارا من عصبيتها بتحط ايدها على راسها لقت نفسها من غير حجاب وبصت على هدومها نهارك مش فايت انت عملت ايه
فهد عملت ايه مش فاهم
تمارا فين طرحتى وهدومى
فهد ماتسالى نفسك انا جيبك من اوضتك كدا
تمارا شهقت بقوة لما افتكرت اللى حصل صح صح افتكرت ده حصل ضړب ڼار .... وانت قټلت ٣ رجاله بالمسډس في راسهم ... ودراعك اټصاب
فهد حمد لله على سلامتك
تمارا بصيتله اوى انا شوفتك وانت بتقتل الرجاله
فهد وفيها ايه
تمارا انت محسسني انك قاټل ٣ صراصير مش بني ادمين
فهد اللي يتجرأ ويدخل قصر الفهد عقابه المۏت
تمارا ودراعك
فهد ببرود ړصاصه عادى يعنى
تمارا اى البرود ده انت محسسنى انها قرصه ناموس مش ړصاصه
فهد بكرة تتعودى على كل ده
تمارا انا رايحه اوضتي
فهد مسك ايدها مافيش حاجه اسمها اوضتك
تمارا مش فاهمه
فهد اسمها اوضتنا ومش هعيد كلامى تانى
تمارا وانا المفروض اسمع كلامك صح ...انسي
فهد برفعه حاجب نعم
تمارا بقولك انسي
تمارا لسه هتخرج كان فهد اسرع منها وقفل الباب ببصمته
تمارا حولت تفتح مش بيفتح
فهد ارتاحى مش هيفتح غير ببصمتى
تمارا اتعصبت انا عايزة اروح اوضتى وحالاا
فهد بحدة صوتك
تمارا ماله صوتى
فهد مايعلاش مره تانيه عشان لسانك الطويل ده مايوحشكش
تمارا انت بتهددني يعني
فهد سميها زي ما تسميها... النهارده ممنوع تخرجي من الجناح
تمارا اشمعنا يعنى
فهد النهارده في حفله هتتعمل في القصر ومش هتخرجي من الجناح غير وقت الحفله
تمارا وحياتك ولا حتى وقت الحفله
فهد يعني ايه
تمارا يعني مش هحضر حفلتك
فهد مسكها من ذراعها وشدها عليه كلمتي تتسمع علشان ماتندميش ... شويه كده وهيجيلك الفستان اللي هتلبسيه في الحفله
تمارا بعدت عنه اوووووف ... طب انا عايزه اروح اوضتى اجيب هدومي ما انا مش هفضل قاعده قدامك كده
فهد قرب عليها ليه
تمارا اتوترت وبعدت عنه ايه اللى ليه
فهد مش عايزة تقعدى قدامى كدا ليه...مش انا جوزك بردو
تمارا لا مش جوزى ومش معتبره ده جواز اصلاا
فهد مشي خطوتين بعيد عنها ومسك ازازه البرفيوم
