رواية لعبه القلوب المحرمه الفصل العاشر بقلم امانى سيد

لعبه القلوب المحرمه بقلم أمانى سيد
تعرفى إنك ست معدومه الكرامه يا صفاء بجد . انا قولت وقت ما تعرفى إن انا ومتولى هنتجوز هتاخدى موقف وتاخدى عيالك وتمشى لكن انتى الكرامه عندك صفر صدقينى يا صفاء أنا هخايه يطردك بعيالك فى الشارع
منك لله يا وفاء انا عمرى ما أذيتك ليه بتعملى معايا كده
أنا لسه معملتش حاجه يا صفاء خاېفه على نفسك وولادك سيبى البيت وامشى
ده بيتى انا وولادى ومش همشى منه امشى انتى
يبقى انتى اللى جبتيه لنفسك
وقفت وفاء فى وسط الصاله تنادى بصوت عالى
متولى يا متولى تعالى هنا بسرعه الحقنى
خرج متولى وخرج الاولاد على صوت وفاء
خير يا حبيبتي فى ايه حصل ايه
مراتك عايزه تطردنى من هنا وبتقولى انى ماعنديش كرامه وإن ده بيتها هى وولادها عجبك كده
حقك عليا يا حبيبتي البيت ده بيتك انتى .
لأ لازم تاخد حقى منها يا إما هسيبلك البيت وهمشى أنا مش جايه هنا اتهزق
وقفت صفاء مصدومه من كلام وفاء وانها بتغير الحقايق بالشكل ده
كانت لسه هتتكلم قرب منها متولى بعصبيه وضربها بالقلم قصاد ولادها
حطت صفاء ايدها مكان ضړب متولى ليها وبصتله پصدمه إنه حتى محاولش يسمعها
اسمعى يا صفاء انتى هنا خدامه ليها فاهمه يعنى ايه مره تانيه تغلطى فيها هتشوفى منى وش تانى خالص أنا سايبك بس عشان ولادك دول
مش كفايه عليه عايش معاكى ١٤ سنه بشكلك ده ومنظرك ده ١٤ سنه غاصب على نفسى ومش طايق ابص فى وشك
اعتبرى نفسك هنا خدامه ليها ولو زعلتيها ولا عملتى حاجه هطردك من البيت بعيالك فاهمه
قرب منها ولادها بعياط وحض نوها وبصوا لابوهم بكره حاول ماهر إنه يتطلم او يدافع عن امه لكن ضعف جسمه خلى متولى يكتفه ويضر به بسهوله
قربت صفاء منه وحض نت ابنها واخدت هى الضر..ب مكانه
خلاص سيب الواد يا متولى سيبه حرام عليك ابنى
بعد متولى عنها واخد وفاء ودخل الاوضه
وكانت وفاء بتبصلها بشماته
فى اليوم التالى كانت وفاء قاعده بتتفرج على التلفزيون وبتقرا الجرنال ونادت على صفاء
صفاء انتى يا صفاء انتى يا زفته خدى هنا
خرجت صفاء على صوتها
خير عايزه ايه يا وفاء
انزلى هاتى خضار واعملى محشى انهارده وهاتى بطه كمان
مش معايا فلوس اجيب حاجه
طلعت وفاء فلوس ورمتها على الأرض
خدى انزلى هاتى اللى قولتلك عليه ومتتأخريش عايزه اتغدى محشى وبط
وطت صفاء واخدت الفلوس ونزلت تجيب الاكل قبلت من جواها انها تعمل كده مقابل أنها تأكل عيالها اكله مفيده ليهم
من وقت مۏت حماها وأبوها وولادها مأكلوش لحوم
خرجت صفاء عشان تشترى كل الطلبات وبعد خروجها نادت وفاء على وفاء الصغيره
انتى يا بت يا وفاء انتى يا زفته
خرجت وفاء پخوف