رواية لعبه القلوب المحرمه الفصل العاشر بقلم امانى سيد

من غرفتها
نعم
غورى اعمليلى فنجان قهوه
مش بعرف
مش بتعرفى ليه آمال لزمتك ايه ابقى خلى امك تعلمك عشان مازعلكيش بعد كده
وغورى دلوقتي اعمليلى كوبايه شاى
دخلت وفاء للمطبخ تعمل كوبايه شاى لمرات باباها وقدمتهولها
بقولك ايه غورى روقى الاوضه بتاعتى واياكى تمدى ايدك تاخدى حاجه من حاجتى فاهمه
عارفه لو ايدك اتمدت على حاجتى هخلى ابوكى يقطعهالك
اصبحت وفاء الصغيره بتنفذ كل طلبات وفاء الكبيره پخوف انها تأذيها او تسلط عليها ابوها ومكنتش بتقول لامها حاجه عشان ماتخليش أمها تزعل اكتر
رجعت صفاء البيت ووقفت تحضر الاكل وقرب رجوع جوزها بدأت تجهز الاكل على الترابيزه
وصل جوزها لقى الاكل جاهز قعد هو ووفاء يتغدوا ونادت صفاء على ولادها عشان يكلوا لكن وقفتها صوت وفاء
بتنادى على مين يا خرفانه انتى
على ولادى
وبتناظى عليهم ليه
عشان ياكلوا
ومين قالك انى هسمحلكم تاكلوا معانا
انا رضيت باللى انتى عملتيه ونزلت عشان اعمل الاكل عشان خاطرهم
بقولك ايه انتى تاخدى طبق محشى ليكى ولولادك وانسى إنك تفكرى فى يوم تقعدى تاكلى معانا على ترابيزه واحده امتى شكلك يسد النفس وانا ولا متولى عايزين حاجه تسد نفسنا والبط ده لمتولى عشان ده راجل شقيان
حرام عليكى انا تعبت فى الاكل ده عشان ولادى
غورى من وشى يا صفاء بدل اقسم بالله ماحرمك انهارده من الاكل انتى وولادك
قالها متولى بعصبيه
خاڤت صفاء ينفذ متولى تهديده ليها ودلخت غرفت طبق محشى واكلت ولادها
مرت الشهور وكانت صفاء عايشه فى نفس الحياه
مافيش حد تلجأله اهل جوزها اتخلوا عنها وقالولها انتى خايبه مش عارفه تحافظى على جوزك
وبيت اهلها ايجار مجرد ما ابوها ما ت اخد صاحب البيت الشقه
كانت صفاء كل يوم ټعيط وتدعى ربنا يفرجها عليها وعلى ولادها
عدت سنه وهى فى الوضع ده
بدأ ماهر يصبح عدوانى فى المدرسة وكل يوم يذداد كرهه لابوه وبيتمنى يكبر عشان يجيب حق مامته
عكس وفاء اخته اللى كانت بتحاول ترضى مرات ابوها عشان ماتخليش ابوها يضربها او يضرب امها
وكانت صفاء بتنزل تشترى الاكل وتطبخ وتروق عشان تقدر تأكل ولادها
فى يوم نزلت صفاء تشترى الطلبات وقررت وفاء تزود معاناه صفاء وولادها عشان يمشوا من البيت وهى تجيب ولادها
وقت ما قربت صفاء ترجع من السوق نادت وفاء على وفاء الصغيره
انت يا بت يا وفاء
جريت وفاء عشان تشوف طلباتها
نعم
ادخلى سخنى ميه وهاتى طبق وتعالى اغسليلى رجلى
وقفت وفاء ټعيط مش عارفه تعمل ايه وخاېفه ترفض وفاء تضربها أو ټأذى اخوها
انتى مبلمه كده ليه يا بت انتى ادخلى غورى نفذى اللى قولته بدل ما اوريكى شغلك انا أصلا صاحيه قرفانه
دخلت وفاء وسخنت الميه وجابت الطبق وحطته تحت رجل وفاء وجت تدلق الميه وفاء اتلسعت لسعه بسيطه لكنها