رواية لعبه القلوب المحرمه الفصل 30بقلم امانى سيد

الڠضب باين على ملامحه 
بعد خروجهم من المحكمه وقفلهم شعيب كل الارصده مره تانيه عقاپا ليهم على محاولاتهم 
لكن رصيد والده سابه زى ماهو 
لأن والده كان بيقوله على تحركاتهم بالإضافة أن المساعده اللى فى البيت والجليسه وكل اللى بيشتغلوا عند مراد او محمد كانوا جواسيس لشعيب 
قبل القضية بيوم اتحفظ ماهر على سامح فى مخزن من المخازن وبدأ يضغط عليه وبدأ سامح يديله كل التفاصيل والورق اللى كان مع محمد ومراد 
مع ټهديد شعيب ليه وماهر وخاف أن محمد ومراد يفتكروا انه هو السبب وأنه اداهم معلومات غلط قرر إنه يسيب المحافظه كلها ويسافر مكان تانى
مر تلات ايام وخرج مراد وراحوا كلهم لبيت شعيب اللى رفض أنه يدخلهم او يستقبلهم فى بيته 
كرروا الزياره اكتر من مره واخر مره خرجلهم شعيب ورفض دخولهم 
خير عايزين ايه 
انت لعبت علينا وخلتنا نخسر القضيه وفوق كل ده جمدت حسباتنا كلها
أنا حر اعمل اللى انا عايزه مش انتوا كنتوا فاكرين نفسكم ناصحين وممكن تكسبوا القضية وتاخدوا الإدارة تانى 
اديكم دلوقتي خسرتوا كل حاجه ومالكوش حاجه عندى 
ولو عايزين حاجه ارفعوا قضية إنما انتوا مالكوش حاجه عندى
يعنى ايه هتاكل ورثنا
أه هاكل ورثكم .... انتوا لو كنتوا مكانى مش كنتوا هتعملوا كده 
انت أصلا مالكش ورث اللى ليه أبوك طول ما ابوك عايش المفروض انت ماتورثش
انا مورثتش حاجه انا بدير شركات ومصانع بغبائكم كنتوا بتضيعوها وبتبعوها 
وعشان انتوا شويه حراميه بتسرقوا بعض فاكرينى حرامى زيكم 
...كل واحد فيكم فاكر نفسه هيبقى الاغنى لما يسرق من الأرباح وتخسروا الشركات بدل ما تبنوها 
جدى لو كان شاف فيكم راجل حكيم كان سلمه الإدارة لكن سبحان الله يخلق من ظهر العالم فاسد 
ساد الصمت ومكنش حد فيهم قادر يتكلم ولو دخلوا طريق القضايا هتطول وفلوسهم تقريبا شبه خلصت عشان كده مش من مصلحتهم انهم يعادوا 
قرب محمد من شعيب وحاول يكسب وده 
بص يا شعيب انت ابن اخويا زى ابنى وأنا معنديش مشكله شخصية معاك انا بس حابب اطمن على الحسابات بصفتى وريث 
ولنا الاوراق اللى جتلى فيها تلاعب اتوجهت للقضاء يمكن غلطتنا لما اتسرعنا ووصلنا الموضوع للمحاكم والمفروض اننا نجيلك الاول نتكلم معاك 
بس إحنا ولاد بكره احنا نبدأ من جديد ووعد منى مش هتدخل تانى فى ادارتك
شعيب ما ردش على طول سحب نفس بطيء عينه بتلف في وشوشهم واحد واحد كأنه بيعدهم مش بيبصلهم
ابتسم ابتسامة خفيفة مافيهاش ولا ذرة طمأنينة وقال بهدوء تقيل
وأنا ايه اللى يخلينى أوافق 
شوف اللى يناسبك وأحنا موافقين كل الضمانات اللى انت عايزها إحنا موافقين عليها
شعيب ركز على محمد بنظرة حادة وقال ببطء
تمام بس قبل ما أوافق الضمانات اللي عايزها واضحة
الإدارة كلها بإيدي أي قرار كبير أو توقيع على عقود يحتاج توقيعي أنا بس. يعنى هتتنازلوا عن حقكم فى التوقيع 
أي مراجعة مالية أو حسابات لازم محاسب قانوني أختاره أنا يكون مشرف شخصيا على كل الأوراق.
أي محاولة تدخل من أي حد منكم في الإدارة فسخ فورا 
كل الأسهم اللي تخص الإدارة تبقى تحت اسم العيلة بس أنا المتحكم الوحيد في التصويت وإدارة الشركات.
أي مستند أو محضر رسمي يثبت حقوقي قبل ما أوافق على أي شراكة مستقبلية أو توكيلات.
إذا حصل أي تلاعب بعد كده الحق القانوني علي من غير نقاش والإجراءات تبدأ فورا.
أي مراسلات أو عقود جديدة مع أي طرف خارجي لازم تمر علي شخصيا قبل التوقيع.
رفع حاجبه وقال بصوت تقيل