رواية لعبه القلوب المحرمه الفصل 30بقلم امانى سيد

دي ضوابطي مفيش فيها مجاملات ولا ثقة لاى خد منكم اللى هيوافق هيبدأ شغل تانى وهيمسك فرع بس رئيس الحسابات اللى هيكون فى الفرع اللى هيمسكوا تبعى يعنى مافيش اى فرصه إن حد يسرق تانى ولو حاولتوا تشتروا رئيس الحسابات اعتبروا اتفقنا ده لاغى 
بص مراد ومحمد لبعض ولسه كان هيعترض مراد لكن محمد وقفه ورضخوا لأوامر شعيب
وبالفعل بعد اسبوع هشام مسك الفرع الرئيسي تحت إدارة شعيب وخلى كل واحد من اعمامه حتى ابوه يمسك فرع من الشركات وكان طول الوقت مراقبهم والموظفين كلهم كانوا عيون لشعيب 
أتأكد شعيب أن الامور فى الشغل ماشيه تمام وكل الخيوط اصبحت في ايده قرر إنه يتقدم رسمى لمروه 
وبالفعل اتقدم شعيب لمروه وتمت الموافقة من العلتين وقرر انه ياخد معاه جاسر وهو بيتقدم ورحب جاسر جدا وفعلا راح معاه وطلب ايد مروه ووافقت مروه 
وقرروا انهم هيعيشوا مع راضيه فى البيت 
حست مروه بقلق فى البداية وكانت قلقانه انها تعيد الماضى مره تانيه خصوصا انها هتعيش مع راضيه ودخلت عليها الغرفه صفا ولقتها سرحانه 
مالك يا ميرو انا قولت هلاقى هايصه دلوقتي ادخلى الاقيكى بالمنظر ده ... مش ده شعيب حبيب القلب 
قلقانه يا صفا 
من ايه مامته موافقه وشكلها طيب ومحدش من عيلته بيقدر يتكلم معاه قلقانه من ايه 
قلقانه لما اعيش معاهم يتكرر اللى حصلى قبل كده 
يا بنتى انتى بتحبى النكد وتقلقى نفسك على الفاضى ليه 
الموضوع مش كده بس 
مابسش أولا فى فرق كبير ايمن ده كان شحات وبتاع امه كلمه توديه وكلمه تجيبه 
انما شعيب ليه هيبه ومحدش بيمشيه ولا بيلعب فى دماغه 
وبعدين انتى هنا هتعيشى فى فيلا ليكى دور كامل خاص بيكى مش محتاجه تصحى بدرى تحضرليه حنى فطار لأن فيه اللى بيعمل ده 
إنما هنا كنتى فى بيت عيله كل أهله معاه وكل واحد بكلمه
وكل ده فى كفه وطنط راضيه فى كفه تانيه لانها طيبه ومش من النوع اللى بيتدخل او بتحب تحسسك انها فاهمه كل حاجه رغم انها عارفه كل حاجه 
ابتسمت مروه لصفا وحضنتها 
عارفه كنت محتاجه اسمع الكلام ده اوى رغم اننا اختين يا صفا لكن طول عمرك اقوى منى يمكن عشان كنتى قريبه من بابا
لا يا ميرو مش عشان كنت قريبة من بابا
عشان انتي دايما كنت طيبة زيادة عن اللزوم وأنا كنت شقية شوية وأعرف أزق الدنيا قبل ما تزقني.
ضحكت مروة بخفة ضحكة طالعة من قلبها لأول مرة من أيام يمكن بس وجودك جنبي مخليني أهدى ومطمنه يمكن عشان كنتى يتعوضينى حنانه 
مسحت صفا على شعرها بحنان اهدي المرة دي مختلفة وماتقلقيش نفسك على الفاضى 
انتي مش داخلة بيت غريب وإنتي مکسورة
انتي داخلاه وإنتي مختارة ومرفوعة والراجل اللي واخدك عارف قيمتك وانتى نفسك لازم تفضلى عارفه قيمتك ايه وماتسمحيش لحد يجير عليكى 
سكتت لحظة وبعدين كملت بجدية وأي حاجة تقلقك بعد كده تيجي تقوليها على طول
مفيش كتمان تاني.
هزت مروة راسها موافقة وعد.
وفي نفس الوقت كان شعيب واقف في مكتبه بيبص على التقارير قدامه بعين ثابتة.
كل فرع تحت السيطرة كل اسم في مكانه وكل خطوة محسوبة.
قفل الملف وسند ضهره على الكرسي وهمس لنفسه دلوقتي بس أقدر أبدأ حياتي وأنا مطمن.
بس جوه قلبه كان عارف
إن الشغل سهل يتحكم فيهإنما القلوب دي لعبتها أصعب وخصوصا مع مروه 
مسك التليفون وبعت رساله لمروه 
يا سكني وسكينتي ويا من بسطت لها قلبي بساطا لتمشي عليه مطمئنة.
أكتب إليك لأبدد كل خوف