رواية لعبه القلوب المحرمه الخاتمه بقلم امانى سيد

ومروة وكأنها حلم وردي مبيخلصش البيت كان مليان هدوء وحب وشعيب كان بيعوضها عن كل لحظة خوف عاشتها. كان بيعاملها كأنها جوهرة ېخاف عليها من الهوا الطاير وكل يوم حبه ليها بيزيد والتعلق بيكبر.
كان الجو هادي في صالة الفيلا مروة قاعدة وسط راضية ووالدتها والكل باين عليه القلق لأن مروة من الصبح وشها شاحب ومش قادرة تقف على رجلها. فجأة سمعوا صوت عربية شعيب بره ودقائق وكان داخل الفيلا بخطواته السريعة اللي باين فيها اللهفة.
أول ما عينه وقعت على مروة وهي ساندة راسها بتعب على الكنبة رما مفاتيحه وحاجته وجري عليها نزل على ركبه قدامها ومسك إيديها اللي كانت باردة
مالك يا مروة مامتك كلمتني وقالت إنك تعبانة.. فيكي إيه يا حبيبتي انطقي حد ضايقك حاسة بۏجع فين
مروة كانت بتبص له وعينيها مليانة لمعة غريبة مكسوفة من وجود والدتها وحماتها بس فرحتها كانت غلباها. راضية ابتسمت وبصت لوالدة مروة وقالت لشعيب بهدوء
اهدى يا شعيب مفيش حاجة تقلق هي بس دوخة بسيطة..
شعيب بص لأمه بقلق 
دوخة إيه يا أمي مروة وشها أصفر تماما! يالا يا مروة قومي معايا إحنا هنطلع على المستشفى حالا مش هستنى ثانية واحدة.
مروة مسكت إيده بقوة عشان تهديه وقربت من ودنه وهمست بصوت يادوب مسموع بس الكل سمعه من هدوء المكان
اهدى يا شعيب.. الموضوع مش محتاح مستشفى... أنا عملت تحليل وطلع ايجابى 
شعيب جمد في مكانه كأن الزمن وقف بيه فضل باصص في عينيها وهو مش مستوعب سأل بصوت مهزوز
يعني إيه تحليل إيه اللي إيجابي يا مروة
مروة ابتسمت بدموع وقالت بوضوح أكتر
يعني إنت هتبقى أب يا شعيب.. أنا حامل.
السكوت ساد اللحظة شعيب فضل باصص لها بذهول وبعدين بص لأمه ووالدة مروة كأنه بيتأكد منهم ولما شاف دموع الفرحة في عينيهم رجع بص لمروة وضغط على إيديها وباسهم پجنون.
حامل بجد يا مروة يعني اللي في بطنك ده ابني
مروة هزت راسها بأيوة فقام شعيب فجأة وشالها من على الكنبة ولف بيها وهو بيضحك بۏجع وفرحة مكتومة وكأنه مش مصدق إن الدنيا أخيرا ضحكت له للدرجة دي.
يا رب.. يا رب لك الحمد! أنا هبقى أب يا ناس! مروة أنا مش عارف أقولك إيه أنا حاسس إني أسعد واحد في الكون.
نزلها براحة جدا كأنها من زجاج وفضل ماسك وشها بين إيديه وهو بيترعش
من النهاردة مفيش حركة مفيش تعب مفيش شيل ولا حط. إنتي تقعدي ملكة لو عوزتي لبن العصفور هيجيلك لحد عندك.
رجع لمروة وحضنها قدامهم بكل رقة وهمس في ودنها أنا كنت خاېف عليكي من الهوا دلوقتي بقيت مړعوپ. إنتي شايلة أغلى حاجة في دنيتي دلوقتي يا مروة.. ربنا يتمملك على خير يا حبيبتي.
راضية مسحت دموعها وقالت بضحكة خلاص يا شعيب البنت هتتخنق من كتر خۏفك سيبها تتنفس!
شعيب ضحك من قلبه وهو لسه مش عايز يسيب إيد مروة وكأن الخبر ده كان الختم اللي أكد له إن حياته مع مروة هي الانتصار الحقيقي.
مرت شهور الحمل الأولى ومروة في حضڼ اهتمام شعيب اللي كان بيعاملها كأنها فص ملح وخاېف يدوب وزاد البيت بهجة وجود صفا ووالدتها في الفيلا بيجهزوا لأجمل يوم في حياة صفا.. يوم فرحها على ماهر.
الفيلا كانت خليه نحل ريحة البخور والبرفانات الفخمة مالية المكان وصوت الزغاريد بيقطع الهدوء بين لحظة والتانية. صفا كانت قاعدة في جناحها والماكييرة Makeup artist بتلمس لمساتها الأخيرة