رواية حياتي المفقودة الفصل الاول والثاني والثالث والرابع بقلم هاجر نورالدين
رواية حياتي المفقودة الفصل الاول والثاني والثالث والرابع بقلم هاجر نورالدين
أنا عايزة أنزل الجنين اللي في بطني
قولتها لصاحبتي اللي كانت قاعدة معايا واللي أول ما سمعتني إتنفضت وقالت پصدمة وتساؤل
ليه يا سهر بتقولي كدا إي اللي حصل وإزاي أساسا جالك قلب تقولي كدا دا فارس هيتجنن عليه ومبسوط من ساعة ما عرف
بصيت على صوابعي بتوتر وبعدين جاوبتها وقولت
عشان خاېفة يا ريم خاېفة إن شكلي يبوظ ومرجعش زي الأول وإنت عارفة طبيعة شغلي وكدا
بصيتلي صاحبتي بذهول وقالت وهي مش مصدقة
يابنتي إنت عبيطة عايزة تقت لي حتة منك عشان المواضيع التافهة دي وكمان شغل إي اللي بتقولي عليه أه أنا عارفة إنك عايزة تبقي ممثلة وكل حاجة وبدآها ب موديل بس هرجع وأفكرك إن فارس مش موافق ودا غير كمان إنه مش بيتمنى في حياته كلها قد الطفل دا!
سكتت شوية بفكر وبعدين قولت بكل بساطة
عادي يعني إحنا لسة عارفين وبطني لسة مكبرتش هروح أعمل العملية وبعدين هوقع نفسي قدامه ونتتفق مع دكتور يقول إن الجنين خلاص بح
بصتلي من تاني بإشمئزاز المرة دي وقالت پغضب واضح
عارفة لولا إني بحبك وبعزك مكنتش كملت القاعدة دي معاك وقومت روحت لفارس وقولتله على كل حاجة
بصيتلها بتحذير وقلق وقولت بسرعة وأنا بقرب منها شوية ومسكت إيديها
إوعي تعملي كدا يا ريم إنت عارفة إني بحب فارس وحاجة زي دي هتخليه يبعد عني
بعدت إيدي عنها وقالت بنفس الڠضب مني
لو بتحبيه مش هتعملي كدا في حتة منه ومنك يا سهر وأنا قولت إني بحبك وبعزك يبقى عليا إني أنصحك يا سهر
إتنهدت وبعدين بصتلي وكملت كلام وقالت
حبيبتي اللي إنت عايزة تعمليه دا حرام هتقت لي روح وكمان لو بالصدفة فارس عرف والأكيد إنه هيعرف عشان الكدب والغش مالهوش رجلين هيبقى موقفك وحش أوي وهيسيبك
سكتت وبدأت أفكر ولكن مش في كلامها في إني غلطت لما عرفتها بخطتي أنا مستحيل أضحي ب شبابي ومستقبلي عشان خاطر طفل أنا حتى مش مؤهلة نفسيا ليه
بدأت أوضحلها عن طريق ريأكشنات ملامحي بالتمثيل إني مقتنعة بكلامها والندم بدأ يلمسني لحد ما أقنعتها إني إقتنعت وقعدنا بعدها شوية مع بعض ومشيت
وهي على الباب كلمتني وقالت بتحذير وخوف عليا
سهر إوعي بالله عليك تفكري في الموضوع دا تاني إنت لو عملتي كدا حياتك هتبوظ فعلا مش العكس زي ما إنت فاكرة
طبطبت على كتفها وقولت بإبتسامة وملامح إقتناع كذابة
متقلقيش أنا خلاص فوقت الحمدلله إني قولتلك عشان تفوقيني من حاجة زي دي يا ريم حقيقي أنا بحبك
حضنتني بعدها وودعتني ومشيت وأنا دخلت وقعدت على الكنبة ورجعت راسي ل ورا وأنا بتنهد إني خلصت من موضوع ريم
مسكت موبايلي فضلت أقلب فيه شوية عشان أجيب من صاحبتي رقم الدكتور اللي عملها العملية المماثلة دي وبمجرد ما بعتتلها الرسالة سمعت صوت المفتاح في الباب
كان فارس جه ومعاه حاجات كتير أوي للبيت وليا وكمان بوكيه ورد كانت الإبتسامة من الودن للودن
قومت وإبتسمتله بحب حقيقي وقولت
إي كل اللي إنت جايبه دا
نزل كل حاجة في الأرض ما عادا البوكيه وعلبة شيكولاتة من النوع اللي أنا بحبه وقال وهما بيديهوملي
مفيش حاجة تغلى عليك يا روح قلبي أنا بقيت بحبك أكتر من الأول بكتير تقريبا الضعف ليك وللبيبي القمر
إبتسمت إبتسامة حزينة
