رواية هو انت مين الفصل الاول والثاني والثالث والرابع والخامس بقلم سحر السحرتى كامله

حكايتها يا دكتور عزيز انت واضح انك تعرفها 
اه دي بنت شاطره و متفوقه بس ظروفها صعبه شويه وصديقه دينا بنتي من ايام ثانوي 
متفوقه ازاي و بتسقط 
هي مش بتسقط هي بتأجل بس و كل المواد بتجيب فيها امتياز ... بس علشان مصاريف خامات الجامعه عاليه مش بتقدر تمتحن كل المواد لولا ده كانت ممكن تكون معانا هنا زميله لانها في اعدادي طلعت الاولى على دفعتها
اشجان ونسيت تقول كل ده بسبب ان والدها طلع حرامي و اتسبب في الظروف اللي بتمر بيها دلوقتي 
بقلمي سحر السحرتي 
هل ما تقوله اشجان صحيح وما هي الظروف
هو انت مين 
حلقة ٢
نظر لها عزيز پحده وقال 
دكتوره اشجان والدها مش حرامي والدها متعسر في فرق بينه وبين الحراميه لانه دخل صفقه وخسر فلوسه فاضطر يسافر عشان سنه كبير ما يقدرش على السچن لكن ممتلكاته غطت جزء كبير من اللي كان عليه غير الناس اللي بتاخد قرض وتسافر بيها باره البلد واكيد لو كان حرامي كان اخذ مراته وبناته معاه بدل ما هي متمرمطه في الشغل و الجامعه .... وعمرها ما طلبت من بنتي فلوس سلف او اتوسط لها في ماده وهما اصحاب من زمان 
امال اللي بتبيعوا لبنتك ده اسمه ايه 
اديك بتقولي بتبيع مش بتستلف وحاجتها كلها خامات وتصاميم ممتازه غير الحرفيه في التركيب لولا حظها كانت عملت اسم كبير و باعت باغلى من كده غير انها بتدي بنتي باسعار مخفضة 
اشجان ما تصدقش يا دكتور اياد هي اصلا بتحب تعمل غلبانه و مسكينه عشان دكتور عزيز يعطف عليها 
في دخول دكتور معتز معيد معاهم
هي مين دي اللي غلبانه
اشجان اهو دكتور معتز وصل ده بقى دفعتها و هيحكي لك عنها ... بنتكلم عن عنود 
معتز مالها عنود بنت مؤدبه ولولا ظروفها كانت سبقتني لانها كانت متفوقه عليا 
عزيز ممكن بقى يا دكتوره تتعاملي و تتكلمي عنها كويس 
هو انا قلت ايه كل البلد هي اللي بتقول على باباها حرامي 
دي حاجه قديمه بقالها اكثر من خمس سنين كفايه هنحاسبها على شيء ملهاش ذنب فيه .... يلا بينا يا اياد نروح نقعد في اي مكان عشان نتفق على المعرض اللي هتشرف عليه 
بقلمي سحر السحرتي 
ذهب الى مطعم بجانب الجامعه استأذن اياد لدخول الحمام وهو خارج ارتطم بها فقالت وهي تضحك 
احنا فاضل لنا صدفه واحده كمان ويبقى اسمك على البطاقه بتاعتي 
هههههه بتعملي ايه هنا
بشتغل بس ايه ده انت بتعرف تضحك زينا تصدق ضحكتك حلوه
انت بتعاكسيني بقى
احنا هنا باره الجامعه وانت قلت كل حاجه لوحدها 
بما اننا باره فانا ليا طار عندك وهاخده
لا بص انا لقيت الشغل ده بالعافيه عايز تاخد طارك بعيد عنه وخصوصا ان بقى لي شهر بس
لا مش هاخده في الشغل بتاعك اطمني مقدرش أذيك في شغلك بس طبعا الامر ما يسلمش اني ارخم عليك شويه 
وانت استاذ 
نعم حاسس انك بتغلطي سمعيني قلتي ايه
ابدا اروح اشوف الطرابيزه اللي هناك 
اسرعت للعمل وظل يضحك في سره عليها 
وجدت عزيز يجلس في انتظار اياد فقالت بفرحه
دكتور عزيز نورتنا
ايه ده عنود بتعملي ايه هنا بشتغل بدل فرشه الشارع و المناهده مع الناس على سعر البورتريه بس ادعي لي اكمل 
انت طول عمرك شاطره
طالما اول مره تنورنا المره دي على حسابي 
جلس اياد وقال لاستفزازها
خلاص يا دكتور اذا كان على حسابها ناكل بقى
ااااه انتم راسمين على الفلوس اللي اخذتها النهارده وماله عندنا شوربه تحفه 
عزيز يا بخيله هتأكلينا شوربه 
معقول يا دكتور ده انا بفتح نفسكم بيها الاول و املا معدتكم عشان تطلبوا بعدها حاجه خفيفه 
ضحك عليها عزيز 
لا هنشرب ما اقدرش اكل بره البيت
اياد بس انا جعان و هاكل 
همست عنود الاكل هنا وحش صدقني بس ما تقولش للمدير 
نظر لها بخبث برده هاكل 
تحدثت وكانها تتالم بمزح 
اجيب لك المنيو ولا اجيب لك على مزاجي
لا هاتي المنيو
كادت ان تبكي وهي تتحدث بمزح 
طب امانه عليك يا رمضان ما تستغلاش
ضحك عزيز وقال هاتي المنيو يا عنود انا اللي هحاسب 
قالت وهي فرحة 
اتفضل بس لو ما كنتش تحلف مش بحب اكسر حلفانك عشان حضرتك استاذي مش ممكن اكسر لك كلمه ابدا 
ترشحي لاياد ياخذ ايه
شوف الغالي ثمنه فيه دايما وبتبقى حاجه متكلفه
هتاخد ايه يا اياد
هي بقى تختار بس لو ما عجبنيش مش هندفع 
ده انا هطلب لك حاجه تحفه وهوصي الشيف عليها كمان ... هتشرب ايه يا دكتور
لا هاكل مع اياد بما انك بتقولي ان الاكل هنا حلو بس اوعى تقولي لدينا 
بس كده والحلو من عندي وحاجه و صايه
بقلمي سحر السحرتي 
ذهبت لاحضار الطعام استوقفها المدير
مطوله ليه وانت بتاخدي الطلبات و بتضحكي معاهم كمان 
اصل دول الدكاتره بتوعي في الجامعه وكنت بشكر لهم في الاكل لانهم كانوا عايزين يشربوا قهوه 
وطلبوا اكل
اه طبعا ورشحت لهم اصناف غاليه قوي
برافو اروح ارحب بيهم 
ذهب المدير ليرحب بهم
اهلا وسهلا نورتونا عنود بتقول انكم دكاتره عندها في الجامعه 
عزيز اه ده صحيح اقدم لك نفسي عزيزي التهامي رئيس قسم التصوير في الجامعه
عزيز من مدرسه سعد زغلول الثانويه
مين حامد مش ممكن ازيك 
صدفه غريبه بعد سنين طويله
اخبارك اتقطعت بعد الجامعه 
سافرت باره وعملت قرشين جيت فتحت المطعم
ده ... بس شيك وراقي خلي بالك من عنود بقى دي بنت كويسه 
اه ما انا عارف انا بعاملها زي بنتي هي مؤدبه وبتدي روح للمكان
هشوفك كثير هبقى اجي مخصوص علشان نتقابل سوا 
طبعا ونرجع شقاوه زمان 
وضعت عنود الطعام بابتسامتها الجميله
اتفضلوا بالهناء والشفاء 
حامد عنود خلاص الحساب عندي
ليه كده يا مستر حامد انا كنت عازماهم 
عارفك يا بكاشه روحي شوفي الطرابيزه اللي هناك
انت تأمر 
ذهبت وسجلت طلبهم ... وعندما بدات بوضع طلبهم على الطاوله قام احد الجالسين بلمسها بطريقه سيئه تحت نظرات اياد المراقبه لها .... فابتسمت للشخص الذي قام بلمسها فشعر انها تجاوبت معه وكان اياد يستشيط ڠضبا منها .... ولكنه تفاجا عندما صړخ ذلك الشخص بعد ما سكبت الشوربه الساخنه عليه وذات الابتسامه مرسومه على وجهها وبعدها تظاهرت بالفزع 
اسفه حضرتك وقعت مني ڠصب عني
مش تفتحي يا عاميه 
احتدت نبره صوتها
ما انا اعتذرت لك لازمته ايه الغلط بس 
اسرع حامد خير يا فندم حصل حاجه
المتخلفه دي وقعت الشوربه عليا 
نظر لها حامد پحده
انت عارفه انك انت فعلا متخلفه وهرفدك عشان بدل ما كنتي وقعتي الشوربه عليه كان المفروض توقعي الصينيه كلها على دماغه 
تفاجا الجميع برد فعله
انت بتقول ايه ده انا هقفل لكم المطعم ده 
حقك وحقها انها تقدم بلاغ انك اتحرشت بيها والكاميرات مسجله وانا شاهد هتلم الموضوع انت غلطت واخذت جزائك اتفضل امشي من هنا في هدوء 
انصرف لانه شعر بصدق كلامه وانه مستعد لطلب الشرطه له 
بكت عنود من رقه قلب حامد الذي تحدث معها بحنيه
زعلانه ليه لو غلطتي بجد كنت عاقبتك احنا مطعم محترم بنشغل بنات ناس مش فتيات ليل والزبون يدخل باحترامه والا مع السلامه بناقص طبق الشوربه الزياده اللي هيشربه 
ضحكت عنود شكرا لحضرتك
لو حد تجاوز حدوده معاكي مره ثانيه خدي حقك وما تخافيش مهما كان مين الكاميرات في كل مكان و هثبت حقك 
عاد الكل الى منزله
كانت عنود سعيده بموقف مديرها وروت لوالدتها فاطيما كل ما حدث وذهبت للنوم 
بقلمي سحر السحرتي 
اخذت تفكر في اياد وابتسامته الجميله و مشاكسته لها وتحدث نفسها 
فوقي يا عنود هو مش عشان حلو و كاريزما تفكري فيه و تشغلي بالك ممكن يكون متجوز ... تصدقي يا دودو عندك حق نامي بقى نامت عليك حيطه ليكي نفس تحبي انت وراك هم كبير يا دوب بتلاحقي على مصاريف البيت 
في الصباح كانت تربت عليها والدتها اصحي يا دودو اصحي يا عنود بقى
ايوه يا فطوم انا ظابطه المنبه 
ما فيش محاضرات النهارده عندك
لا مش ناويه النهارده هنزل المطعم بس سيبيني اريح بقى شويه
طب يا حبيبتي ربنا يقويك شايله هم مش قدك
ااااه طالما قلت كده تبقي متضايقه
اه مش بشوفك وكنت عايزه اقعد معاكي
عينيا يا فاطيما هانم بس كده 
لا يا حبيبتي نامي وريحي
لا يا ماما مالك بس هي ام جابر مزعلاكي تحبي نغيرها 
لا دي طيبه قوي بس زعلت عشانك امبارح وانت راجعه برجلك بټوجعك من خبطه العربيه والراجل اللي اتحرش بيكي ما كنا سمعنا كلام ابوكي و سافرنا 
يا ماما هو انا غلطانة عشان بحكيلك اولا التحرش ده ممكن يحصل في اي مكان في العالم والحمد لله ربنا جاب لي حقي واللي يقف معايا .. و هنسافر لبابا ازاي هو انت هتقدري على هجره غير شرعيه نركب مركب نقعد في الميه كام يوم واحنا اثنين ستات لوحدنا ... وبابا هناك شايل نفسه بالعافيه ومن وقت للثاني بيطمن علينا بالتليفون 
يعني ما فيش طيران نسافر بيه 
ازاي واحنا ممنوعين من السفر ومش معايا فلوس لمحامي يتظلم و يشيله واحنا كمان بالعافيه اثبتنا ان البيت ده بتاع جدو ابوكي وانك ورثتيه كان زمانا في الشارع دلوقت .... وبعدين ايه اللي فكرك بالموضوع ده بقى له كام سنه 
حالك مضايقني شايله مسؤوليه كبيره ... اختك مقطعانا لان جوزها اجبرها و اخوك هرب و سابنا هو كمان
اختي كويس انها سمعت كلام جوزها لو كانت قعدت معانا بعيالها ما كنتش هقدر الاحق على مصارفها وخصوصا ان عمرها ما هتشتغل لانها مش بتاعه شغل ... واخويا هو سبب اللي حصل
يعني هتفضلي كده تاخدي السنه في سنتين و مضيعه عمرك من غير جواز 
هو انا اشتكيت لك ومش عايزه اتجوز هي اللي اتجوزت اخذت ايه
يا بنتي ...
قاطعتها ماما ارجوكي بلاش تفتحي السيره دي انا مبسوطه طول ما انت معايا وبخير والناس حوالينا طيبين و يتعاشروا و بيسالوا عليك ... ممكن بقى تعمليلنا احلى سندوتشات من ايدك الحلوه دي و كوبايتين شاي بالنعناع عشان اتاكد انك اخذتي الدواء لان المطعم بعت رساله دلوقتي اهو بيطلب مننا نروح بدري .... اصل النهارده عيد الحب مش فاهمه حب ايه و نيله ايه اللي بيحتفلوا بخيبتهم دول 
احلى سندوتشات دقائق ويكون جاهز 
تناولت الطعام مع والدتها وذهبت للعمل وجدت المطعم ممتلئ كانت تعمل بكل نشاط الى انت توجهت الى حامد 
في حاجه يا عنود 
بتستأذن حضرتك تمسك مكاني
هو ده وقت استئذان انت شايفه المكان مليان ومش ملاحقين 
ما هو يا فندم عشان مش ملاحقين حضرتك امسك مكاني هنا وانا هدخل المطبخ اساعد في غسيل المواعين وتوفير الاطباق للشيفات جوه عشان نقدر نغطي اكبر قدر وما يبقاش