رواية هو انت مين الفصل الاول والثاني والثالث والرابع والخامس بقلم سحر السحرتى كامله

في تاخير ... بس حضرتك تستلم الطلب وتحاسب وباقي الاصطف يقدم الطلبات وينظف الطاولات لاني ملاحظه ان المطبخ جوة مش ملاحق
مش عارف اقول لك ايه انت احرجتيني كنت فاكرك عايزه تمشي
بعد اللي حضرتك عملته معايا امبارح معقوله اسيبك في وقت صعب هدخل انا اساعد 
دخلت المطبخ واستلمت غسيل الاطباق وتوفيرها للشيف كما قالت انتهى اليوم وكانت مجهده عادت للمنزل 
ارادت ان ترتمي فوق السرير وتنام لكنها جلست قليلا مع امها حتى لا تشعر بالسوء على حالها
عملتي ايه النهارده
ابدا جابونا على الفاضي المطعم ما كانش زحمه زي ما توقعوا يمكن بقى الحبيبه فضلوا الكافيهات اللي على النيل 
هو مش انتم بتطلوا على النيل برده
اه بس مطعم و هتلاقيهم بيوفروا هيجيبوا هديه وياكلوهم كمان هههههه ما تدقيش يا ماما 
هههههه عندك حق طيب قومي نامي هتروحي الجامعه بكره
اه بكره محاضره الدكتور اياد وانا حكيت لك على رخامته
انت مش اتصالحتي معاه 
ما لوش علاقه بالمحاضرات اصله جد جدا في الشغل وما يعرفش ابوه
ربنا يوفقك
بقلمي سحر السحرتي 
ذهبت الى الجامعه وبعد انتهاء المحاضره نده عليها اياد 
انسه عنود
نعم يا دكتور
دكتور عزيز كان عايزك فوق في المكتب 
حاضر هطلع بس عندي محاضره
دكتور منصور اعتذر تعالي عشان عايزينك في موضوع مهم 
عاوزيني خير 
هتفهمي لما تطلعي فوق 
صعدت ودخلت
خير يا دكتور عزيز 
مالك مخضوضه كده اقعدي 
اصل حضرتك اول مره تطلبني شوفي بقى احنا محتاجينك تشتركي معانا في المعرض عشان نكسب المركز الاول
انا ما اقدرش ارفض طلبك بس حضرتك اكثر واحد عارف ظروفي وعارف اني بشتغل وما اقدرش اعطل نفسي اسبوعين في التحضير للمعرض 
انت لما اشتركتي معانا وانت في اعدادي كسبنا المركز الاول وكان وشك حلو علينا ... بس من ساعتها ما كسبناش 
وقتها كان بابا موجود والظروف كانت تسمح انما دلوقتي اسفه مش هقدر 
تدخلت اشجان هو انتم هتتحايلوا عليها ما فيش حد بياخذ رايك والا هنقدم لعميد الكليه يفصلك نهائي دى فرصة للى زيك بتتنططي على ايه
مش من حق حضرتك تكلميني كده والاشتراك بيكون تطوع مش اجبار وبيكون للاوائل وانا مش منهم وممكن كمان انا اللي اروح لعميد الكليه اقدم شكوى بس بحترم دكتور عزيز لانه رئيس القسم و استاذي
ما بقاش غيرك 
قاطعها عزيز دكتوره اشجان لو سمحتي حضرتك مش مسؤوله السنه دي عن المعرض كفايه اللي حصل السنه اللي فاتت ... المسؤوليه المره دي هتكون لدكتور اياد ... تعالوا نتكلم في مكان ثاني
عنود اسفه يا دكتور على اللي حصل بس 
ما بسش انا لسه ما خلصتش وعارف ظروفك وعندي الحل نقعد في مكان ونتكلم وبعدين حقك ترفضي او تقبلي
حاضر نروح بقى المطعم بتاعي 
هههههه هو بقى بتاعك 
مش بشتغل فيه يبقى زي بيتي و بتاعي ومين عارف كمان يمكن في يوم من الايام يبقى بتاعي بجد
بقلمي سحر السحرتي 
والحساب المره دي على مين
كح كح كح 
هههههه خلاص فهمت اركبي 
وصلا الى المطعم ورحب بهم حامد
ايه يا عنود مش معادك دلوقتي 
لا انا زبونه لمده ساعه وبعدها اقلب موظفه
ولو عايزه طول اليوم زبونه بعد ما تعبتي امبارح موافق
لا مش للدرجه دي اشيلك امبارح و تشيلني ايام الامتحانات هههههه 
منفعه متبادله يعني
اللي تشوفه حضرتك هههههه 
جلست مع اياد وعزيز وشرح لها كيفيه التعاون معهم 
شوفي انت هتاخدي اجازه اسبوعين من هنا و هكلم حامد و الجامعه هتدفع لك بدالهم من ميزانيه المعرض وجزء من المكافاه اللي هتطلع مع الجائزه لو فژنا بالمركز الاول
بس حضرتك متاكد ان مستر حامد هيوافق اكيد هيحتاج يجيب بديل عني دول اسبوعين
ما لكيش دعوه هو صاحبي واكيد مش هيعترض مش هيرفض 
ممكن تديني وقت افكر 
اياد پحده هتفكري في ايه دي فرصه شغلك يتعرف وممكن كمان مكاتب الديكور تعرض عليك شغل في مكان محترم بدل ما انت ملطشه في كل حته ده يتأمر عليك وده يتحرش بيكي ولة يظهر انت عاجبك الوضع ده
كيف ستتصرف مع كلام اياد الچارح
هو انت مين 
حلقة ٣
احتبست عنود الدموع بداخل عينيها ولكنها كانت واضحه كالشمس لمن حولها 
شكرا يا دكتور حضرتك شايفني ملطشه بس ما حدش بيختار ظروفه
وتوجهت بنظرها لعزيز
دكتور عزيز انا هفكر عشان خاطر حضرتك بعد اذنك ولو سمحت اذا وافقت يا ريت تشوف حد ثاني يتعامل معايا لان مش هقدر اتعامل مع دكتور اياد بالشكل ده اسمح لي 
اسرعت بالانصراف قبل ان يتكلم ايا منهم وتحدثت مع حامد
مستر حامد انا هرجع على معاد الشغل
استني بس يا عنود 
اسرعت ايضا من امامه فذهب للاستفسار من عزيز الذي وجده ېعنف اياد
هو في ايه يا اياد يا ابني هو كلام اشجان اثر على تعاملك مع البنت ... على فكره احنا اللي محتاجين لها وهي فعلا ظروفها صعبه 
حامد في ايه يا دكتور عزيز مالها عنود 
اقعد يا حامد عايز منك خدمه 
خجل اياد مما فعل وقال 
اعذرني يا دكتور عزيز بس دي مجرد طالبه وبنتحايل عليها ووفرنا لها كل حاجه بتتنطط ليه بقى
يمكن هتحسبها مع نفسها الاول او يجوز لان من حقها تفكر لانه مش اجبار
اياد استأذن وبلغها لو وافقت اني هتعامل معاها بشكل احسن من كده 
انصرف اياد وتحدث عزيز مع حامد بشان عمل عنود معه واخبره بظروفها 
بقلمي سحر السحرتي 
بدأ اياد يسير على الكورنيش لانه يشعر بالضيق مما فعل فوجدها تجلس على أحد المقاعد وتبكي فجلس بجانبها على المقعد .... فنظرت له ووقفت كي تتركه وتذهب .. فامسك يدها لكنها نطرتها بقوه واسرعت بالانصراف 
.... امسكها مره اخرى
بطلي لعب العيال ده انا قاعد اتكلم معاكي شويه اقعدي بقى
انا مش عيله لو سمحت يا دكتور انت ما تعرفش عني اي حاجه ومع ذلك من مجرد كلمتين سمعتهم حكمت عليا وغلطت فيا 
ما تزعليش ممكن نتكلم
الاعتذار مش بيبقى ما تزعليش لو عايزنا نتكلم 
بس ما اتعودتش اعتذر لحد 
وانا ما اتعودتش اتكلم مع حد غلط فيا من غير ما يعتذر
طب حقك عليا مش بعملها مع حد 
هي كلمه اسف تقيله على قلبك قوي كده
عنود مش عشان اتكلمت معاكي تزوديها
اكيد من اللي سمعته عني مش من حقي اعتذار المفروض اقبل باي حاجه زي الكلبه لما يترمي لها عظمه
مش قصدي بس انا طبعي كده كلامي ناشف تعاملي جاف يمكن عشان كده الناس مش بتقبلني وبتقول عليا رخم
طبعك اللي هو ايه
شايف نفسي دايما صح ولما بغلط مش بعترف ولا بعتذر 
وانت طايق نفسك كده ازاي لما عايز الناس تطيقك
هههههه انت اخذتي علي قوي 
لا بتكلم بجد الانسان عادي يغلط ويعتذر والناس تسامحه 
يمكن عايز اتغير ومش عارف 
خلاص نبدا من دلوقتي قول ورايا انا اسف 
انا ... 
تقيل على لسانك قولها بسرعه سف 
سف 
مش هحكم عليكي بسرعه 
مش هحكم عليكي بسرعه ....بس انت حكمتي عليا ومطلوب منك اعتذار انت كمان 
ايه ... انا ... امتى ده
لما قلتي علي رخم من غير ما تجربي 
ابتسمت رغما عنها
بس انا جربت وطلعت حقيقه
نعم
اسفه اني حكمت عليك 
بتوهي ماشي ممكن اعرف انت رافضه ليه
تحدثت معه بأريحية رغم ما فعله لا تدري لماذا
بصراحه خاېفه اخسر الشغل ويعتبر لقطه في مواصفات كثير قريب من الجامعه وكمان ساعات محدوده وراتب محترم انا بجد بتبهدل من فرشه الرصيف ومش بتجيب همها ساعات 
انا شفت شغلك معقول ولا مكتب ديكور عايز يشغلك 
عايزين تفرغ يا اما ابقى متدربه والراتب ما يكفيش دواء والدتي وساعات بيبقى المدير مش محترم اعمل ايه 
مفيش حد من قرايبك يقدر يساعدك
للاسف القرايب اللي تتعود تاخد بس عمرها ما تقدر تدي 
عموما انا مش عايزك تزعلي واي قرار هتاخديه مش هياثر على كونك طالبه عندي ولو وافقتي اكيد طريقه التعامل هتكون مختلفه
انا كمان عايزاك تعرف انه يشرفني اشترك في المعرض 
رن هاتفها ده مستر حامد بعد اذنك هرد .. ايوه يا مستر معقول ممكن ارجع عادي اكمل ... مش هتبقى متضايق ... انا مش عارفه اشكرك ازاي .... طب لو دكتور عزيز موجود لسه انا جايه ابلغه اني موافقه .... لا مش مش تعبانه من امبارح ولا حاجه .... خلاص هروح شكرا 
خير شايفك مبسوطه
مستر حامد وافق واداني النهارده اجازه كمان
طب تعالي اوصلك 
لا مش عايزه اتعبك انا بركب الاتوبيس
معقوله اتوبيس مش تاكسي 
مستغرب ليه حتى دي مواصلات الشعب وفيها فوائد كثيرة 
ايه بقى يا فيلسوفه
بيوفر لان اجرته بسيطه يقدر عليها جميع المواطنين 
وايه كمان
اهم ميزه بيساعد على التخسيس
نعم ازاي يعني
هو يجري وانا اجري وراه هو يجري وانا اجري وراه
هههههه عندك حق بس تعالى اوصلك
معلش مش هينفع 
خلاص بكره تعالي بدري
مفيش عندي محاضرات بكره 
صح انت رابعه دايما بنسى طب هستناكي في المرسم الساعه 1200 اكون خلصت محاضرات نتفق هنعمل ايه مع باقي الطلبه عشان نبدا 
بقلمي سحر السحرتي 
في اليوم التالي كانت في الموعد مع باقي الطلبه اجتمع بهم اياد وكان معتز معه
لاحظ اياد نظرات معتز لعنود كانت نظرات عاشق وليست دكتور لطالبه
شعر ببعض الضيق لا يدري لما الى ان تحدثت عنود
دكتور اياد انا ممكن اعرفك على الاماكن اللي بشتري منها الخامات باسعار مخفضة و 
ممتازه
في نفس الوقت رد معتز 
بسرعه انا ممكن اجي معاكي 
رد اياد عليه
لا انت مسؤول هنا عن التنفيذ انا مسؤول عن توفير الخامات وكمان لو حاجه مش موجوده هعرف اوفرها
و توجه بالكلام لعنود 
تقدري تنزلي معايا امتى 
النهارده لو تحب عشان نكسب وقت 
خلاص بعد الاجتماع كل واحد يحط تصور للوحه بتاعته وانا هنزل مع عنود وبكره تكون كل الخامات متوفره 
عنود انا امبارح بدأت لاني كنت اجازه و جهزت اللوحه بتاعتي لاني شاركت قبل كده في المعرض 
اظهرت لوحه صغيره مرسومه بحرفيه مذهله ادهشت كل الطلبه حتى اياد ومعتز انبهروا من جمالها
اياد بجد تحفه بالالوان كمان وكلها متناسقه هتقدري تنفذيها بالمقاس الكبير 
طبعا انا عارفه المعرض المره دي مهم ازاي لدكتور عزيز ومش حابه اخذله
معتز طول ما انت معانا اكيد هنكسب
نظرت له مستغربة كلامه أمام الطلبة
نقول ان شاء الله يا دكتور
اياد طب يلا بينا ... دكتور معتز اتناقش بقى معاهم ناويين على ايه عشان ما فيش لوحه تتكرر .... يلا بينا يا عنود 
ذهبت تحت نظرات معتز الغاضبه من ذهاب عنود مع اياد 
وصلت عنود مع اياد الى سيارته 
هتركبي معايا ولا هتجري ورايا 
هههههه يرضيك لا هركب عشان اعرفك الطريق ولا تحب اسوق انا اسهل 
انت بتعرفي
كان عندي عربيه محترمه كانت هديه نجاحي في الثانويه ودخولي فنون جميله 
وراحت فين
قلبتها تاكسي 
نعم 
حولتها اوبر تجيب قرشين بس اللي بيسوقها قرب يقلبها خرده 
طب اركبي وعندي واحد امين لو عايزه تغيري السواق 
يا ريت ده انا مغيره