رواية هو انت مين الفصل الاول والثاني والثالث والرابع والخامس بقلم سحر السحرتى كامله

لحد دلوقتي 10
اطلع على فين 
شوف احنا هنروح كذا مكان تحب تبدا بايه الحسين وشارع المعز والفجاله 
كل دول هتخلصيهم النهارده
اه هي محلات معينه بتعامل معاها واكيد عارف اسعار الخامات لو لقيتها غاليه بلاش المحلات دي ونبقى نشوف محلات تانيه في يوم تاني 
عارف الاسعار اركبي نبدا بالفجاله ونكمل بعدها
احسن برضو
ليه احسن
هتعرف بعدين 
قامت بعمل اتصال قبل أن تركب
ذهبا و في الطريق بدا يدردش معها 
وانت ما اشتغلتيش على عربيتك ليه بدل بهدله السواقين ليها وعادي في ستات بتسوق 
الناس كانت بتستصغرني غير بعض التحرشات اللفظيه قلت اديها لحد امين طلعوا كلهم حراميه اكمني واحده ست انت فاهم بقى
بقلمي سحر السحرتي 
وصل الى الفجاله واتفق مع المحلات على ارسال الخامات المطلوبه ووجدها فعلا كما وصفت عنود
ها يا عنود هنروح فين دلوقتي 
الحسين ولا شارع المعز
هما الاثنين جنب بعض بس خلينا شارع المعز في الاخر
طب ايه رايك اعزمك على الغداء الاول 
لا انا عزماك عشان كده مخليه شارع المعز في الاخر
اشمعنا تعرفي محلات كويسه هناك 
انت مستعجل قوي اتحرك بس احسن نتاخر 
على ايه 
على الغداء قبل ما يخلص
ذهب الى الحسين وبعدها في شارع المعز 
اركن هنا و هنكمل مشي لان الشوارع جوه ضيقه شويه وهتتعب على ما تلاقي راكنه 
استمع لها وبدا في المشي معها فهي تعرف جميع الشوارع عن ظهر قلب الى ان وصل في شارع جانبي يوجد به ورشه لصناعه الارابيسك يدويا فدخلت عنود وسلمت على صاحب المحل بابتسامه ساحره 
عم جاد سلام عليكم 
اهلا يا باشمهندسه عامله ايه
يا عم جاد لسه لما اتخرج و اشمعنى دلوقتي طول عمرك تناديني دودو 
شايف معاكي ضيف قلت اكبرك
لا يا سيدي انا معاك قدام اي حد دودو وده دكتور اياد بيدرسني في الجامعه وعايزين شويه حاجات من ايدك الحلوه عشان داخلين معرض وعايزين نكسب 
بس كده من عيني
هروح اقول لماما اننا وصلنا واجيب مفتاح المرسم يكون الدكتور اختار واتفق 
تركتهم ورنت جرس باب المنزل المقابل للورشه وبعد دقيقه كانت تصرخ بعد أن سقط عليها جردل ماء
حرام عليك يا ام جابر مش هتبطلي كل يوم الناس بتشتكي منك كل ما يرن حد الجرس ترمي عليه ميه
اعمل ايه العيال الصغيره جننتني كل شويه يخبطوا و يجروا
اهي جات فيا و ڠرقتيني
وانت بتخبطي ليه مش معاكي مفتاح
عندك حق غلطانه انا هاتي مفتاح المرسم من ماما وقولي لها ان معايا الدكتور اياد
كتر خيرك زي ما تكوني حاسة بيا خليه يطلع يشوف ايدي احسن بتوجعني وبحس انها ساعات هتتشل
والله ما حد هيتشل منك غيري ده دكتور عندي في الجامعه 
يعني لما ايه يوجعني اقول له 
كان اياد يراقبها فضحك ضحكة رجاليه ساحره وهي سمعته فشعرت بالخجل 
ادخلي يا ام جابر نادي ماما 
يوووه حاضر يا ست فاطمه 
والله لو سمعتك وانت بتقولي فاطمه هتعلقك انا حذرتك كثير 
وماله فاطمة مش احسن من الاسم اللي مش بعرف انطقه
نظرت لها والدتها من الشباك
ماما احذفي مفتاح المرسم 
ابعته مع ام جابر 
ابدا لا يمكن بعد اخر مره لا تمسك المفتاح ولا تدخلوا 
هههههه حاضر هو الدكتور معاكي
اه مع عم جاد هدخله المرسم واطلع اغير هدومي 
هي جت فيكي معلش مش عايزه تبطل 
عادت لورشه جاد
ها يا دكتور خلصت
ضحك عليها 
لا كنا بنشاهد فقره الكاميرا الخفيه 
شكرا يا رب تكون عجبتكم .... عايز نذيع قول ذيع .... اتفضل معايا على المرسم وبعدين كمل عم جاد مش بيقفل بدري استأذنت من جاد ودخلت المرسم الخاص بها في الدور الارضي من منزلها وفتحت الشبابيك المطله على الشارع 
ما قلتليش انك ساكنه هنا المكان جميل قوي
الحمد لله ده بيت جدو ابو ماما ربنا عوضنا بمكان حلو وناس احلى غير ان عم جاد عرفني على كل المحلات اللي شفتها النهارده
بقلمي سحر السحرتي 
دخلت ام جابر بكوبين من العصير فاسرعت عنود قبل ان تدخل 
استني عندك من على الباب اوعي تدخلي
يوووه يا عنود مش عايزه تنسي
انسى انت كنت هتضيعي لي الشغل كله اللي تعبت فيه بقالي ٣اسابيع وكنت هسلمه 
واهو ربنا ستر مش هتخليني انظفها بدل ما انت سايباها معفنه كده 
ردت بغيظ حاسبها معفنه و هنظفها لما افضى رغم انها اصلا نظيفة بس انت نفسك تدخلي
طب ست فاطمه بتقول نص ساعه والاكل يكون جاهز
خلاص هنشرب العصير ونطلع 
اياد هي عملت ايه مش عايزاها تدخل
كانت عايزه تغسل لوحات كنت بشتغل عليها لافتتاح كافيه وكنت نايمه سمعتها وهي بتقول لماما هاتي صابون وليفة احسن عنود سايبه لوحات معفنه اغسلها لها .... طرت من فوق السرير اسرع من سوبر مان ماما اتخضت شافت عفريته شعرها منكوش والڠضب على وشها وبتطلع ڼار من كل حتة .... كان حته يوم ومن يومها وانا قاطعة رجلها والمفتاح مستخبي مع ماما حتى لما حد بيجي يستخدم المرسم بياخذ المفتاح منها ويسلمه لها يدا بيد
هو انت بتسلفيه 
لا بأجره للطلبة وقت المشاريع انت عارف اكمن الموضوع مش ثابت اي دخل بيسند الايام الصعبه دي 
طب اطلعي غيري احسن تبردي
لا مش مشكله نشرب العصير ونطلع سوا 
لا اطلعي وانا مستنيك هتفرج شويه على المرسم شكله حلو قوي و متوضب كويس 
اه بابا وضبه هديه نجاحي في الثانويه عشان ابقى قريبة من مكان بيع الخامات وطول عمري بستريح نفسيا هنا من ايام ما كان جدو عايش و بنزوره .... هو كان عايز يشتري واحد جاهز في مكان كويس بس رفضت ...طب هطلع وانت تشرب العصير وتطلع و تقفل الباب وامانة عليك يا رمضان المفتاح تديه ليا أو ماما احسن ام جابر عينيها عليه عايزه تنظفه وعارفه لو دخلت هتجيب ضرفها 
انصرفت وظل يضحك بعد 10 دقائق صعد ورحبت به والدتها كانت عنود قد بدلت ملابسها وتحضر السفره مع ام جابر
معلش يا ام جابر ممكن تنزلي الصينيه دي لعم جاد 
هو انتم لاقيين تاكلوا لما كل شويه تبعتوا له اكل 
اسكتي فضحتينا الحمد لله الاكل كثير 
يعني معاكي فلوس زوديني بقى 
هو انت بتقولي كده عشان ده الله يسامحك حاضر اول ما هتجيلي فلوس هزودك
سمعتها والدتها ام جابر عندنا ضيوف وصوتك عالي وما يصحش كده 
حاضر يا ست فاطمه وانا قلت ايه يعني ما حدش طايق لي كلمه في البيت ده خالص 
عنود نظرت لها بغيظ
اتفضل يا دكتور واتمنى ما تكونش سمعت حاجه 
هههههه سمعت
فاطيما اسفه يا دكتور بس اصلي تعبانه وليا اكل مخصوص و عنود طول النهار باره لما بترجع مش بتقدر تاكل من التعب عشان كده ارجوك ما تاخدش على كلامها
اكيد طبعا دي ست طيبه قوي 
اه كل ما افكر اغيرها تصعب عليا هي بتجنني ساعات بس ونس 
عنود اقعدي يا ام جابر كلي ولة مش عايزه
لا ازاي طب ده حتى والدتك اللي طابخه ونفسها في الاكل عمري ما اكلت زيه 
تسلم ايدك يا ماما 
بعد الانتهاء من الطعام
تسلم ايدك يا طنط بجد الاكل حلو تعبتي نفسك
بالهنا والشفا لا تعب ولا حاجه احنا بنحب الناس تزورنا بس ظروف شغل عنود مش بتسمح غير يوم اجازتها
نزلت عنود واياد الى المرسم 
شكرا بجد يا عنود اكل والدتك لذيذ بشكل و القعده معاكم لطيفه
العفو يا دكتور ايه رايك في المرسم بتاعي 
بجد مريح نفسيا المكان كله مريح هو ينفع اسالك سؤال شخصي
بقلمي سحر السحرتي 
ماذا سيسأل اياد
حلقة هدية لكل الناس اللي قالت لي كلمه حلوه 
هو انت مين 
حلقة ٤
اتفضل يا دكتور و مكسوف ليه 
اصل الفضول قاتلني عرفت انك بتشتغلي عشان تصرفي على البيت وشفت ام جابر .... ازاي جايبه خدامه وانتم يعني فهماني طبعا 
ام جابر مش خدامه هي بس بتقعد مع ماما اصل ماما مريضه سكر وضغط ولما حصلت الظروف الصعبه اللي مرت بينا تعبت قوي ودخلت في غيبوبه سكر وكانت حالتها صعبه جدا وقعدت فترة طويلة في العناية المركزة .... فانا بخاف اسيبها لوحدها انما ام جابر بتساعد حب مش اجبار هي كل شغلها تقعد مع ماما و تديها الدواء لان طبعا طول اليوم بشتغل وزي ما سمعت الاكل بتاع ماما مخصوص مش جايبينها فشخره 
ما قصدتش اصل لقيت والدتك اللي عملت الاكل فقلت لازمتها ايه
ماما اصلها طول عمرها بتعشق المطبخ بس لازم حد يكون موجود احسن تتعور لان جرحها صعب من مرض السكر انت عارف خطورته .... تعالى نروح لعم جاد نتفق معاه 
ضايقتك بسؤالي صح
لا ابدا اكيد الفتره الجايه بحكم شغلنا مع بعض هنتعرف على بعض اكتر و هتحب تعرف عني حاجات وانا كمان ولا ما تحبش نتعرف ... انا عارفه علاقاتك محدوده مع الطلبه 
بس انت مش زي اي طلبه
ونظر لها بهيام وشرد قليلا 
مش فاهمه 
قصدي ان لسانك طويل حبتين وما حدش فيهم يجروء يتعامل معايا زيك 
هههههه انت مش بتقول جوه المحاضره غير بارة واما ببقى زيهم جوه عمري ما اتكلمت وحش معاك قدام حد بيبقى بيني وبينك ولو بتضايق بلاش
لا بلاش ازاي انا بيتهيالي اني ما ضحكتش في حياتي قد ما ضحكت عليك 
شكرا يا دكتور انا كمان بيتهيالي انك ما بتضحكش خالص
حلو بترديها
احب اخلص حقي اول باول 
حاسس ان لسانك ده هيجيب لك الكافية قريب
جاب من زمان
بقلمي سحر السحرتي 
بعد ان اتفق مع جاد على الخامات ونقلها الى سيارته بمساعده عنود والعمال واتفق على استلام الباقي بعد عده ايام انصرف 
صعدت عنود لمنزلها سعيده فلاحظت والدتها ذلك
خير يا عنود مبسوطه كده ليه 
ابدا اصل كنت مش بطيق دكتور اياد بس معاملته بقت كويسه معايا قوي 
كدكتور وطالبه طبعا 
فهمت عنود ما ترمي اليه والدتها فأرادت طمئنتها او طمأنة نفسها
طبعا يا حبيبتي ما تقلقيش انا عارفه حدودي كويس قوي 
عارفه وكمان متاكده ان من حقك تحبي بس اختاري كويس المره دي اياد باين عليه لطيف لكن جد قوي و دوغري 
مفيش مرات يا ماما هي كانت مره واحده و انا مش فاضيه واياد ما اعرفش عنه حاجه ومش عايزه اعرف 
ليه بتقفلي قلبك لمجرد تجربه فاشله 
مش عايزه يا ماما خلاص الواحد لما بيبقى صغير و يتجرح الچرح بيلم بسرعه لكن لما بيكبر الچرح صعب يلم 
وليه تحكمي انك هتتجرحي
مش وقته الكلام ده نخرج من ازمتنا الاول ونقف على رجلينا وبعدين نبقى نشوف 
طب هتنامي
لا هقعد معاكي شويه ونشوف هنعمل ايه في لسان ام جابر اللي ڤضحتنا عشان عايزه زياده 
بصراحه عندها حق بقى لها كتير ما زادتش والحياه غاليه
يا ماما انا خاېفه اديها زياده النهارده ما اقدرش اديها بكره 
زوديها وربنا هيفرجها انت عارفه بتجوز بنتها
حاضر انت معاك الفلوس اتصرفي
لا انا بعرفك