رواية هو انت مين الفصل الاول والثاني والثالث والرابع والخامس بقلم سحر السحرتى كامله

الاول 
ماما كام مره قلت لك انت ست البيت وست الكل مش كل ما هتيجي تصرفي فلوس هتبلغيني 
مش لازم تعرفي
لا والا بجد هزعل منك و اعملي حسابك تنزلي تشتري فستان حلو عشان تبقي تحضري المعرض
لا اشتري انت بقالك زمان ما اشتريتيش
انا عندي كتير انا كل هدومي ماركات و بتعيش غير اني اخذت منك هدوم و ظبطتهم عليا لما اصريتي
انا مش بخرج انما انت بتلفي طول اليوم 
خلاص بلاش لانا ولا انت نخليهم وقت ثاني لما اعمل معرضي الشخصي
يا رب يا حبيبتي اشوفك اكبر فنانه
بقلمي سحر السحرتي 
في اليوم التالي ذهبت عنود الى مرسم الجامعه لتحضير اللوحه الخاصه بها وكانت تعمل بمفردها الى ان دخل عليها معتز 
ازيك يا عنود 
اهلا يا دكتور كويسه
انت لوحدك 
اه بدات لان لوحتي هتاخذ وقت فحبيت استغل كل دقيقه
محتاجه مساعده 
لا شكرا 
طب كنت بقول لك ....
قاطعته وقالت پحده
دكتور معتز لو سمحت انت عارف من زمان ان التعامل بينا في اضيق الحدود فممكن يستمر على كده 
اقترب ليمسك يدها وهو يقول 
عنود انا لسه بحبك 
ابتعدت على دخول اياد ولكن كان قد سمعه ولم يعلق
عنود كويس انك بدأتي انا فعلا شايف انك تستغلي كل دقيقه لان لوحتك صعبه 
انا كنت عايزه استاذن اشتغل عندي في المرسم هلحق اخلص وما فيش حاجه هتعطلني ... خصوصا ان اوقات كثير طلبه بتدخل للسكاشن وبيكون المكان ضيق 
ممكن قوي وكمان فكرت استأذن دكتور عزيز نأجر منك المرسم احنا كمان الطلبه اللي تقدر تشتغل عندك هيكون افضل وانا كمان هشتغل على لوحتي عندك 
خلاص وانا ماشيه هكلم عربيه عشان انقل اللوحه
لا انا هنقلها لك عشان هستلم النهارده كام حاجه من عم جاد فهكون نفس المشوار هطلع اكلم دكتور عزيز اقول له على اللي عملناه امبارح نص ساعه تقريبا و هتحرك جهزي نفسك 
حاضر يا دكتور هلم ادواتي و اجهز
وانت يا دكتور معتز هتبلغ الطلبه ان اللي هيقدر يشتغل في مرسم معنود تكتب اسمهم والمواعيد عشان نعمل جدول لاننا هنأجر بالساعه واللي مش هيقدر شغله هنا عادي 
وانا هشرف على مين فيهم
هنعمل جدول والاشراف يتقسم بينا كمان حسب جدول محاضراتنا 
ذهب اياد لعزيز وشرح له ما تم انهائه 
كويس يا اياد كده عنود وفرت لنا في ميزانيه الخامات كثير 
فعلا كلها خامات ممتازه كمان كان عندي اقتراح هي عندها مرسم بفكر نأجره و نشتغل فيه لان مرسم الجامعه مش متوفر الا في ساعات معينه وده هيعطلنا 
و المرسم بتاعها ده كويس
اه انا شفته امبارح لما كنا بنشتري الخامات من شارع المعز ده تحت بيتها 
اه دينا كانت قالت لي عليه و بتشكر في المساحه بتاعته واكثر من مره أجرته منها لان والد عنود كان جهزه لما دخلت الجامعه على اعلى مستوى .... طب جهز كشف الاسماء اللي هتروح وطبعا ميزانيه و ابعتها بالليل 
هي عموما استأذنت تشتغل هناك حتى لو ما أجرناش منها المرسم مش عارف ليه حسيت انها عايزه تبعد عن الاحتكاك بدكتور معتز
شيء طبيعي
ليه طبيعي عشان كان زميلها و سبقها و اتعين 
لا طبعا عنود طيبه ومش في دماغها الكلام ده 
امال عشان ايه 
عشان كان خطيبها واول ما حصل الازمه بتاعه باباها فسخ الخطوبه وبعد فتره قصيره خطب بنت زميلتهم ... بنت دكتور سميح في قسم النحت ما انت عارفه 
الا عارفه ده ياما جالي عشان انجح بنته لما شالت الماده سنتين
هههههه وانت ترفض يزعق ويقول مسيرك هتحتاجني 
دي ملهاش علاقه بالفن اطلاقا مش عارف دخلت ازاي
بقلمي سحر السحرتي 
هو كان مفكر انه يقدر ينجحها بعلاقاته وفعلا في دكاتره نجحتها من زنه و غلاسته 
هههههه تمام همشي انا عشان استلم شويه خامات وانقل لعنود لوحتها
ما تنساش الميزانيه واسماء الطلبه 
حاضر كلمت معتز يحضرهم بجدولهم 
تمام عايز قبل ميعاد المعرض نكون جاهزين مش زي السنه اللي فاتت سهرنا للفجر وما لحقناش 
و توجه بنظره لاشجان التي كانت مسؤوله عن هذا المعرض
لا اكيد هنلحق معانا مجموعه كويسه من الطلبه وكلهم بيشتغلوا من قلبهم بس الاسبوع اللي قبل المعرض محتاج نستأذن لهم من الدكاتره عشان يتفرغوا بالكامل 
ما تقلقش عامل حسابي واللي هيفوته شرح هطلب من دكتور الماده يعيد له
شكرا يا دكتور الحق امشي
اتفضل
عاد لمرسم الجامعه وجد عنود وبعض الطلبه مستعدين للذهاب معه 
ايه يا شباب لسه دكتور عزيز ما وافقش 
احد الطلبه بصراحه يا دكتور حتى لو ما وافقش احنا هنأجر مرسمها على حسابنا لاننا بجد مش عارفين نشتغل هنا ... انا شخصيا كنت بأجر مرسمها قبل الامتحانات عشان انفذ المشروعات العملي و بستريح جدا هناك المكان مجهز ومريح 
خلاص متفقين بس العدد مش هينفع تركبوا كلكم معايا هاخذ البنات والشباب تتصرف
معتز انا ممكن اجيب الباقي معايا
بلاش النهارده عشان تقابل الباقي وتتفق معاهم
فاضل بس اثنين 
خلاص استناهم وحصلنا عشان نعمل الجدول و الميزانيه 
هما قدامهم نص ساعه و محاضرتهم تخلص و هنحصلكم 
ذهب اياد مع عنود وباقي الطلبه الى المرسم ورحبت بهم والدتها 
وارسلت لهم عصير و سندوتشات قالت عنود بمرح 
ضيافه النهارده من بكره الطلبات بفلوس 
ضحك زملائها فقالت بجديه 
بجد مش بهزر اللي يدوق من سندوتشات ماما بيدمنها 
ثم ضحكت ضحكه عالية واشارت الى وجوههم 
والله شكلكم يضحك وانتم مصدقين بهزر بس الجد دي ضيافه مره واحده ما تاخدوش على كده 
وبدات تكح قليلا ثم وضعت يدها على راسها شعر اياد بها واتجه اليها ووضع يده على جبهتها 
انت سخنه شكلك اخذتي برد من امبارح 
بقلمي سحر السحرتي 
كان معتز في هذه اللحظه يدخل من الباب ورآه لكن لم يهتم و اكمل اياد 
اطلعي كفايه النهارده و هجيب لك دواء
ردت بتعب وارهاق لا مش هقدر بعد ساعتين لازم اروح اسلم تابلوه لبازار
مش مهم النهارده انت تعبانه 
ردت وهي في غايه الحزن لاظطرارها العمل وهي متعبة
لا الميعاد النهارده والا في شرط جزائي هيتخصم من حقه
طب اطلعي ريحي نكون خلصنا بعد ساعتين اوصلك تسلميه
رد معتز مسرعا ما تتعبش نفسك يا دكتور اياد انا ممكن اوصلها
نظر له وتحدث بجديته المعهوده 
لا انا خلاص قلت لها ... اطلعي يا عنود خدي الدواء وريحي ولما نيجي نمشي هطلع واحده من زميلاتك تنده عليك
ارادت ان تحرج معتز 
حاضر شكرا يا دكتور اياد بس مش هتعبك
لا ما فيش مشكله 
صعدت وجلس اياد مع معتز وباقي الطلبه ينظمون جدول تاجير المرسم كان اياد يتعمد ابعاد معتز عن المرسم او يكون تواجده في نفس توقيته
انتهى اياد من تنظيم المكان والمواعيد وارسل طالبه لعنود حتى تنزل ليوصلها وانصرف الجميع 
ظل في انتظارها فوجدها تتحرك ببطء و صعوبه 
خلاص خليكي وانا هروح اسلمه واجيب لك الفلوس 
تحدثت وهي تكح للاسف مش هينفع اصل صاحب التابلوه ده بيحب يجادل وما هيصدق اني مش موجوده فيخصم حاجات كثير 
طب و بتتعاملي معاه ليه 
تحدثت بحزن سمعت عن الحوجه انا لو ليا مورد شهري ثابت هعتمد عليه لكن للاسف شغلنا ممكن يوم يتطلب مني لوحتين ثلاثه و 20 يوم لا فلازم اي فلوس اقدر اوفرها عشان علاج ماما اهم حاجه عندي ومش بعرف اشتغل حاجة غير الرسم والاكسسوارات 
طب تعالي وانا هعرفك على واحد صاحب بازار هياخذ منك شغل باستمرار باسعار كويسه
بجد تبقى عملت فيا معروف
بقلمي سحر السحرتي 
ذهبت معه الفضول كان ېقتلها تريد ان تعرف اذا كان متزوج لا تدرى لماذا 
اسفه بعطلك عن بيتك و المدام ممكن تزعل
لا ابدا عادي هو اسبوعين المعرض دائما بكون مشغول 
تمتمت في نفسها
هي دي معناها متجوز ولة لا 
فبدات بسؤاله عن اطفاله
احنا اول ما نخلص المعرض لازم ارسم بورتريه هديه لاطفالك ... الا بالحق عندك كم طفل 
ولد واحد عنده ثلاث سنين 
اكملت تمتمة
كده اجابه مؤكده يبقى متجوز ... ربنا يخليه خلاص جيب لي صورته وانا هعمل له بورتريه ما حصلش ولو تحبها صوره عائليه كمان ما فيش مشكله حضرتك تستاهل
متشكر نخلص المعرض ونشوف الموضوع ده بعدين 
انا بكره ما فيش عندي محاضرات هاجي اشتغل شويه شغل خاص بيا و هيبقى حسابه بعيد عن حساب الجامعه
لا طبعا عيب حضرتك تشرف في اي وقت انت استاذي ما يصحش اخذ منك فلوس
انت تعرفي عني اني بكرر كلامي الا في شرح المحاضره بس 
ونظر لها پحده و جديه مطلقه فاجابت بطاعه وخجل
بس ماما لو عرفت هتزعل
ده شغل ما يزعلش وشغلي هاخد منه فلوس يبقى تاخدي حقك
قالت بمرح يبقى نفطر مع بعض بكره وما تقولش لا
ابتسم ابتسامه جميله سرحت فيها قليلا خلاص مش هزعلك انت مش عندك محاضرات بكره 
لا سخنه ومش هروح
انا حاسس انك بتتلككي عشان ما تروحيش 
لا حاسه ان الدور بيزيد هريح بكره من الجامعه
وصل ونزلت واخذت التابلوه وقال لها 
هشوف مكان اركن و احصلك
لا خلاص شكرا ليك ما تتعبش نفسك انا هسلمه واروح
انا لسه قايل مش بعيد كلمتي اتعودي تسمعي من اول مره ولا محتاجه سماعه 
هههههه لا مش محتاجه 
دخلت البازار فاستقبلها عدلي مالكه بنظرات وقحه
اهلا بالفنانه
على الوقت اتفضل وهات باقي المبلغ
مش لما اعاين الاول 
وامسك يدها وهو يمسك منها التابلوه
استاذ عدلي لو سمحت انا كده هبطل اتعامل معاك 
ما انت عارفه انا عايز ايه وانت تقلانه 
بقول لك لو سمحت عاين التابلوه و اديني باقي المبلغ عايزه اروح قبل الوقت ما يتاخر
مستعجله ليه خليكي معايا وانا هزودك
مش عايزه زياده عايزه حقي 
ظل يقترب منها وهو ممسك بالتابلوه وهي ترجع للخلف الى ان دخل اياد وشعر بتوترها فاشار لها انها لا تعرفه
عدلي مساء الخير حضرتك بتدور على حاجه معينه
لا بتفرج 
عنود لو سمحت ممكن الفلوس عشان امشي
اه بس في حاجات ناقصه من اللي اتفقنا عليها 
لا كلها موجوده وانا مسجله طلباتك على الموبايل بصوتك عشان كل مره بتعمل كده
لا مش عاجبني هخصم ....
قبل ان ينطق قاطعه اياد 
ممكن اشوف التابلوه
شعر عدلي انه قد يفقد التابلوه او الزبون فقال سريعا مش هيعجبك 
مين قال لك انا فنان وليه نظره وممكن اتفق مع الانسه
اذا كان على الانسه فهي هتعجبك قوي لكن شغلها مش حلو 
ردت عنود پعنف
احترم نفسك دي اخر مره اشتغل مع واحد زيك هات باقي الفلوس او هات التابلوه
رد اياد خلاص يا انسه تعالي بره نتفق على السعر
رد عدل بسرعه لا التابلوه ده بتاعي ودافع عربون عايز تشتريه مني 
عنود كمل فلوسه الاول قبل ما تتحكم فيه
اخرج باقي المبلغ وهو مجبور و اعطاه لها وكانه يصفعها بهم على يدها
اتفضلي ومش عايز شغل منك تاني
ده على اساس اني اصلا هعملك حاجه ثانيه او عايزة اتعامل معاك
خرجت و استأذن اياد هو الآخر ولم يعود تحدث معها بعصبيه مفرطة