رواية المتناقض الفصل الثالث والرابع بقلم حازم الباشا

ۏحشي !!!
اقتربت الممرضه من امجد وانجي وهي تصرخ وتبكي بحرقه الحقني يا دكتور امجد 
مستر عماد بتاع جناح ١٢ 
اټهجم عليا وانا برتب اوضته
وكان عاوز يغت.....صبني
قاطعها امجد بصوت هاديء طيب اهدي الاول 
وفهميني ايه اللي حصل بالظبط ....
ثم قال مخاطبا انجي اتصلي بالأمن 
واعرفيلي ايه اللي حصل بالظبط!!!
هدأت الممرضه قليلا ثم قصت على امجد ما حدث ...
حيث دخلت كالمعتاد لترتيب غرفه ذلك الكهل المدعو عماد شوكت والذي اشتهر بأنه زير نساء !!!
فعرض عليها بعض النقود في مقابل ان تنزع ثيابها ولكنها نجحت في الافلات من قبضته
الا ان ذلك الحقېر هددها بأنه سوف يتهمها بسرقه ساعته الثمينه اذا حاولت ان تفضح فعلته الدنيئه !!!
كان امجد يستمع الى الممرضه بانصات شديد حتى وصل الامن الى مكتبه واكدوا روايه الممرضه حيث انكر عماد انه تهجم على الممرضه بل واتهمها بسرقه ساعته !!!
قام امجد من مكتبه وتقدم ببطء من الممرضه وصفعها صفعه قويه على وجهها !!!!!!!
وسط ذهول حاد من انجي وافراد الامن !!!!!!
ازداد نحيب الممرضه وصړاخها وهي تقول حسبي الله ونعم الوكيل فيك يا ظالم يا مفتري
قاطعها امجد بصوت صارم مخاطبا انجي الكلبه دي تصفيلها حسابها 
وما اشوفش وشها هنا تاني !!!
لم تصدق انجي ما سمعت وما رأت فبرغم اعتيادها على تصرفات امجد المجنونه الا انها لاول مره تشعر بالاشمئزاز منه !!!
انتهى المشهد بأن رضخ الجميع لاوامر امجد فقادوا الممرضه الى خارج مكتبه ثم قذفوا بها خارج المستشفى بأكملها والمسكينه لا تزال تبكي وتهمهم بعبارات السخط على امجد
ء
مضت بضع دقائق ....
حتى وصلت مدام شروق الى مكتب امجد وادخلتها إنجي حيث استقبلها الاخير بحفاوته المعتاده
فبرغم ان شروق قد تجاوزت الاربعين بقليل الا انها تتمتع بأنوثه طاغيه ساهم في اظهارها ذلك الفستان الضيق المثير !!!
خرجت إنجي من مكتب امجد ومازالت تشعر بالسخط والاشمئزاز من تصرفه مع الممرضه وتركته مع تلك الفاتنه شروق حيث دار بينهما الحوار التالي ...
شروق انا عارفه ان وقت حضرتك ضيق 
عشان كده هادخل في الموضوع على طول
ثم التقطت شيكا من حقيبتها وناولته لأمجد وهي تقول ده شيك بتلت اضعاف مبلغ العمليه اللي حضرتك طلبته من عصام جوزي
رد امجد وهو يتصنع عدم الفهم والمبلغ ده كله مقابل ايه 
شروق مقابل انك تقنع عصام بتأجيل العمليه دي سنه ولا اتنين 
انت ما تعرفش انا وعصام اتعذبنا اد ايه 
لحد ما ربنا كرمنا ب هيثم 
وانا خاېفه عليه اوي 
الولد لسه ما كملش خمس سنين 
ومش حمل عمليه كبيره زي دي في المخ !!!
امجد باندهاش انا عارف كويس انكم عملتوا اكتر من سبع عمليات حقن مجهري وتلقيح صناعي 
عشان عصام بيه كان نفسه في طفل يشيل اسمه 
ويورث الامبراطوريه بتاعته بعد عمر طويل
ثم استطرد وهو يرمق شروق بنظره ثاقيه متفحصه لكن ابن حضرتك بيتعذب 
والورم اللي عنده ده سبب له شلل كامل في كل الاطراف !!!
شروق بنبره مستعطفه رقيقه ارجوك يا دكتور امجد 
انت عارف ان عصام داخل على سبعين سنه 
ولو هيثم بعد الشړجراله حاجه في العمليه 
ابوه مش هيستحمل الصدمه 
وممكن يروح فيها !!!
استرخى امجد وقد اغمض عينيه واسترخى قليلا ايذانا بأنه على وشك ان يطلق احدى خططه الجهنميه !!!
ثم فتح عينيه وقال بصوت حاد انا عمري ما شفت بني ادمه بالحقاره دي !!!
انتي ازاي مستحمله نفسك !!!
تسمرت شروق في مكانها وقد الجمتها الصدمه !!!
بينما استطرد امجد وهو ېمزق الشيك ويقذفه في وجه شروق قائلا انا عارف ان هيثم مش ابن عصام بيه !!!
وانك عاوزه تأجلي العمليه لحد ما