رواية عهد الغرام الجزء الثالث أسيرة في مملكة عشقه الفصل العاشر 10بقلم سيليا البحيرى

بمبالغة 
إنتي بټهدديني! يا جماعة حد يشهد لو جرالي حاجة غزل هي السبب! 
يضحكون جميعا ويعود النادل بعد لحظات ليضع كوب قهوة أمام غزل التي تلتقطه بحذر وهي تحدق في سليم بشك بينما هو يكتفي بالابتسام بمكر والاستمتاع بانتصاره الصغير
يجلس الثلاثي غزل سليم ميار في الكافتيريا بعدما انتهوا من مشروباتهم. سليم يتكئ على الكرسي يتفحص ساعته ثم ينهض فجأة وهو يتمطى.
سليم بلامبالاة وهو ينهض 
خلاص يا جماعة أنا هسيبكم تستمتعوا بوقتكم البناتي اللطيف وهروح الجيم أشوف الرجولة والأكشن. 
ميار بمزاح 
آه طبعا لأنك أكيد البطل بتاع الأكشن! أهم حاجة متتعبش نفسك وانت بتتمرن على رفع المعلقة وأنت بتاكل. 
غزل تغمز لميار 
ميار عندها حق شكل التمرين بتاعك بيشمل الراحة بين كل مجموعة وأخرى بوجبة خفيفة! 
سليم يضع يده على قلبه بتظاهر بالچرح 
إيه ده الھجوم ده كله علي والله العظيم بأتمرن بجد وكل الناس بتشهد بلياقتي البدنية. 
ميار بضحكة خفيفة 
آه طبعا أكيد مشجعينك في الجيم بيهتفوا باسمك كل ما ترفع الأوزان الوهمية! 
غزل تبتسم بمكر 
خلاص خلاص سيبنا بقى واستعرض عضلاتك هناك إحنا هنا عايزين نرغي براحتنا من غير مقاطعاتك الذكية. 
سليم يتظاهر بالحزن 
يعني بتطردوني بشكل غير مباشر طيب أنا عارف لما يكون وجودي عبئا على حد مع السلامة يا بنات! 
يستدير سليم ليرحل ثم يلتفت فجأة ويشير لنفسه بابتسامة واثقة.
سليم بمزاح 
بس متزعلوش لما تلاقوا الكافتيريا ناقصة نكهة بدون وجودي! 
غزل بابتسامة ساخرة 
بالعكس الجو هيبقى أهدى وأنقى بدون إزعاجك! 
يضحك سليم وهو يرفع يده بتحية سريعة ثم يخرج متجها نحو صالة الرياضة بينما تنظر غزل وميار لبعضهما وتتنهدان براحة.
ميار بابتسامة 
وأخيرا راح! 
غزل تضحك 
أيوه دلوقتي نقدر نتكلم براحتنا من غير مقاطعات! 
في روما في مكان آخر نذهب إليه لأول مرة قبل ما نبدا شغف و اوس و اقاربهم هم شخصيات رواية غرام النمر للكاتبة جنة ياسر و هيظهروا معانا في الرواية
تجلس شغف في غرفتها الفاخرة المطلة على شوارع روما الجميلة. أمامها على حامل خاص يتألق فستان زفافها الأبيض المطرز برقة وكأنه قطعة من الحلم. تلمس القماش الناعم بأطراف أصابعها وعيناها تلمعان بسعادة لا توصف. تدور حوله بحماس طفولي ثم تقف أمام المرآة تتخيل نفسها بالفستان في يوم زفافها.
شغف بابتسامة مشرقة تهمس لنفسها 
ياااه بعد كل السنين دي أخيرا هبقى عروسة أوس! مستحيل أكون أسعد من كده. 
تدير الفستان برفق تتأمل كل تفاصيله وكأنها تحفظها عن ظهر قلب ثم تضحك بسعادة وهي تأخذ هاتفها وتتصل بأوس.
أوس يرد بصوت دافئ عبر الهاتف 
حبيبتي شغف وحشتيني! 
شغف بمرح 
وأنت كمان بس أنا دلوقتي عندي حد تاني أشغله بيك! 
أوس يضحك 
حد تاني لا لا مش مقبول مين اللي هيخطفك مني 
شغف تغمز وهي تنظر لفستانها 
فستان زفافي! بصراحة شكله خطڤ قلبي أكتر منك! 
أوس بضحكة ناعمة 
ده كلام برضو الفستان شكله حلو بس مستحيل يكون أحلى من اللي هتلبسه! 
شغف بخجل وهي تضع يدها على خدها 
أوووف هتخليني أتوتر! أنا متحمسة جدا يا أوس مش مصدقة إننا خلاص هنتجوز بعد أيام. 
أوس بصوت دافئ وحب 
وأنا أكتر منك وأوعدك إن حياتنا مع بعض هتكون أجمل بكتير من أي حلم ممكن تتخيليه. 
تبتسم شغف بحب ثم تنظر لفستانها مرة