رواية الحب الذى يعذب صاحبه الفصل العاشر بقلم ندي حبيب
الحب الذي يعذب صاحبه
البارت العاشر
الكاتبه ندي حبيب
الساعه السادسه صباحا صباح يوم ممطر من ايام فصل الشتاء البارد عيلة رضوان الشيخ كلها متجمعه علي الفطار متجمعين بدري علشان النهارده القاعه والطباخ
كريم بص ل يحيي اللي شكله كله نوم بخبث خير يا يحيي يا اخويا مسقط علي الاخر كدا ليه كنت سهران ليلة امبارح ولا ايه
احمد بص ل يحيي وقال بغمزه سيبه يعم لهفة البدايات بتشد برضو بكرا يتجوز ويندم ندم عمره
رحمه سابت معلقتها بصت ل احمد برفع حاجب واستفسار يندم ندم عمره علي ايه
محمود ببتسامه وهو بيسخن رحمه علي احمد يقصد بالندم هنا انه اتجوز يعني جوزك قصده يقول ان الحياه الزوجيه مش حلوه وبيقول قدامك ولا عاملك اهتمام لمشاعرك بصراحه يا مرات اخويا انتي مش مسيطره خالص
احمد اټصدم من كلام اخوه وبص ل رحمه بلهفه اكيد انتي عارفه ان مقصدش الكلام الاهبل اللي البغل قاله دا
رحمه بستفسار تمام...تقصد ايه بقا بكلمة هيندم دي
احمد حاول يبرر يعني اقصد انه هيندم ع.. علشان لسه خاطب لكن لما يتجوز هيتبسط بالحياه اكتر
يسرا بصت بضيق ل احمد انت بتبرر ايه ما تقول اللي يعجبك وبصت ل رحمه ولا انتي هتعمليه الكلام
رحمه ببتسامه سمجه لما يكون الكلام من حد يخصني لازم ارد يا حماتي ولما اشوف جوزي بيقول لأخوه وانا قاعده انه هيندم ندم عمره لو اتجوز يبقي اشوف ايه اللي يخليه يقول كدا واداويه مش يمكن اكون مقصره معاه وانا مش واخده بالي
يسرا اتنرفزت منها وقالت انتي واحده بالسانين لاء وفوق كدا كمان روحنا جبنا اختك الصغيره وبنت عمك وكملنا الدسته
يحيي قام وقف وهو بيمسح ايده في منديل لما تخلصو النشيد الصباحي بتاع كل يوم حد يعملنا دور شاي يدفينا في التلج دا ومحدش يحطلي سكر في كوبايتي انا نازل عند الطباخ وسابهم ونزل عند الطباخ
كريم قام وقف بسرعه ولف سندوتش ب بطاطس اصبر جاي معاك الطباخ زمانه طبخ الكوارع نديها كوارع علي الصبح ترم عضمنا وتدفينا
احمد همس ل رحمه مقدرش اقاوم الكوارع بصراحه انا نازل وانتي متحتكيش ب أمي خالص علشان خاطري
رحمه شديته من ايده بغيظ اقسم بالله لو اكلت كوارع يا احمد وشميت ريحتها فيك لتنام في اوضة الاطفال النهادره
احمد وقف وبصلها برفع حاجب وخبث ومالو ننام في اوضة الاطفال تجديد برضو ومجربنهاش قبل كدا وسابها ونزل علي الطباخ
آيه راحت قعدت جنب رحمه وقالت بهمس رني علي ايوب يجي ياكل معاهم بيحب الكوارع
رحمه بنفس الهمس وانتي مين اللي قالك انه بيحب الكوارع
آيه كشرت بين حواجبها بستغراب وقالت بتلقائيه هو في اكل ايوب مبيحبوش اصلا
رحمه ضحكت اسكتي والنبي مش ناقصين دوشته بليل هتشوفيه في القاعه اتهدي كدا ها اتهدي
يسرا بصتلهم الاتنين وهي مش مرتاحه الودوده دي سبيكم منها وواحده تكنس البيت وواحده تغسل المواعين وشيلو سجاد الصاله والصالون علشان ميتبهدلش النهارده من دهسة الناس
رحمه قامت وبصت ل آيه اكنسي انتي علي ما اغسل المواعين واروق المطبخ وهاجي اشيل معاكي السجاد ودخلت علي المطبخ
عند الطباخ
اكتر من فرد واقفين يطبخو من العمال اللي جايين مع الطباخ جزء بيعمل حلويات وجزء بيعمل سلطات وجزء بيطبخ في اللحمه
الطباخ سعد وهو راجل في اوئل الاربعين بقولكم ايه يا رجاله انا عايز حد من الحريم يلف محشي لان مفيش وقت
