رواية الحب الذى يعذب صاحبه الفصل العاشر بقلم ندي حبيب
المحتويات
سايبه بيتها واهلها وناسها وجيالك انت عايزك تكونلها اب واخ وسند قبل ما تكون زوج خليك دايما معاها مش عليها وحط آيه قدامك علطول اللي متقبلوش عليها من اي بني ادم انت كمان متقبلوش علي مراتك فاهمني
محمود ابتسم وحضنه حضڼ أخوي وقال بصدق اوعدك ان هشرفك علطول ابويا خلفنا وماټ بس انت اللي ربيت وتعبت وشقيت انت سلكت الطريق لوحدك وأمنته لينا واحنا مشينا مطمنين طول عمرنا بسببك انت يا يحيي
يحيي طبطب علي ضهره بقوه وقال ببتسامه ربنا يتممها عليك بخير يا حبيب قلب اخوك وبص لكريم واحمد اللي واقفين يبصلهم ببتسامه صوره جماعيه بقا
كريم فتح فونه بسرعه دا النهارده يوم الصور اصلا اقفو يلاا التلاته وقفو جنب بعض ايديهم علي كتف بعض وكريم وقف قدامهم ولقط الصوره
يسرا دخلت عليهم الاوضه ووراها آيه اللي ماسكه المبخره وورا آيه رحمه يحميكم من العين يا ضي عيوني واخدت المبخره من ايد آيه وبدأت تبخرهم الاربعه
احمد صفر بإعجاب لمراته اللي لابسه فستان بيج سمبل وهادي مع طرحه من نفس اللون اوعا علي المز بتاعي وقرب منها باس دماغها ايه القمر والرقه دي
رحمه اتكسفت خصوصا ان كلامه قدام الكل بجد شكلي حلو مش مرهق
احمد بس خدها بلامبالاه لكل اللي واقفين بذمتك قي حد يبقي مرهق قمر كدا امال لو مش مرهقه بقا كنتي عملتي في قلبي ايه
يسرا بلوية بوز محڼ الكلاب لسه هيشتغل وبصت ل يحيي هنعمل ايه انا وعمتك واختك هنركب مع كريم وانت خد كوكب معاك
يحيي برفض كوكب ايه اللي اخدها معايا انا هاخد آيه اختي وكوكب تركب معاكي ومع امها
يسرا اتكلمت بهمس دا مش كلامي دا كلام عمتك قالت لكوكب اركبي مع يحيي
كريم بص لأمه برفع حاجب بعيدا عن ان مينفعش كوكب تركب مع يحيي لوحدهم بس يعني انتي مش شايفه ان فعلا مينفعش لو الشيخ علي شافها معاه هيضايق خصوصا بعد ما اعلن عن خطوبته ب رقيه
احمد اتكلم ببتسامه وهو حاطط ايده علي كتف مراته يا معلم انت وهو الحركه دي متخطك ليها عمتك بتحاول تلزق كوكب في يحيي اخوك ويبقي زيتنا في دقيقنا وكدا
محمود بعدم فهم تلزقهم ازاي يعم انت ما هي كانت قاعده والشيخ علي بيوافق علي خطوبة يحيي ورقيه وفونه رن ف بصلهم دي ميار هتخلص عليا انحزو البت متلقحه في الكوافير بقالها سلع ساعات ونزل من بيتهم بسرعه ركب اول عربيه متزينه وهو بيرد عليها حبيبي
ميار بغيظ حبيبك اه انت نسيتني هنا ولا ايه يا محمود
محمود ضحك بخفه ودي تيجي برضو دا انا انساكي في اي يوم الا الليله يقلب محمود انا خمس دقايق بالظبط وهكون عندك
ميار بهمس علشان محدش يسمعها هات اكل وانت جي مېته من الجوع من الصبح مأكلتش حاجه وكل ما اقول للبت اللي بتعملي الميكب جعانه تقولي الفاونديشن هيشقق
محمود بدهشه هيشقق! هيشقق ليه هي ممحره وشك ولا ايه
ميار بنفس الهمس الفستان تقيل وطابق علي نفسي وحطالي رموش حاسه ان حد ماسك في رموشي وتقيله كدا ولينسز مرغوش الرؤيه عندي
محمود پصدمه ايه كل دا هما انا بقيت خاېف اجي
ميار اتنفست اوي واتكلمت بنفس الهمس وكله كوم والضوافر اللي مركباهم كوم تاني مش عارفه امسك اي حاجه بإيدي منهم
محمود دور العربيه لما شاف اخواته ركبو العربيات ويحيي اطمن ان كل المعازيم ركبو الاتوبيس وراحو علي القاعه محمود مشي بعربيته وهو
متابعة القراءة
