رواية الحب الذى يعذب صاحبه الفصل العاشر بقلم ندي حبيب 

اضيعو في لف المحشي 
يحيي كان واقف جنبه بيتابع نضافة الاكل رد بهدوء هات الحاجه اللي هتتلف هطلعها يلفوها ويخلصوها وهنزلهالك علشان الحريم عندنا معرفش انزلهم وسط الرجاله هنا
الطباخ سعد يا باشا انا اللي يهمني المحشي يتلف وخلاص هنا بقا في الهند المهم يتلف وجاب طلبات المحشي ويحيي اخدهم منه طلعهم فوق يلفوهم ونزل كانو اخواته قاعدين علي الارض في الجراش بياكلو كوارع 
يحيي بصلهم اهو دا بقا فعلا لما الغدر يجيلك من اقرب الناس ليك
احمد بص ل يحيي وكريم اللي نازل اكل بفتراء دلوقتي انا راجل متجوز واكل الكوارع ليا مفيده ومحمود النهارده دخلته يعني محتاج طاقه وصحه الله يقويه كريم بسم الله مشاء الله سف لحد دلوقتي جوز كوارع كاملين متعرفش ليه 
يحيي قعد جنبهم وبدء ياكل وهي الكوارع لازم اكون متجوز علشان اكلها يا جاهل دا في ناس بتاكلها مبتقدرش ترفع ايد ولا رجل حتي
محمود ساب الحته اللي كان بياكل فيها وبصله پصدمه بتتكلم جد..دا انا النهارده لو مرفعتش حاجه الشيخ علي هيشمت فيا شماتة المطلقه بفضيحه
كريم طبطب علي ضهره متخافش كل كل متحرمش نفسك من حاجه ولو احتجت اي مساعده اخوك سداد
محمود بغباء سداد ازاي لامؤاخده هتساعدني ازاي مش فاهمك 
كريم سكت وجاله لحظة ادراك بالي قاله اهدي متفهمنيش غلط انا التعبير خاني كنت عايز اطمنك يعني
يحيي مېت من الضحك علي شكل كريم المخضوض من اللي قاله الراجل هادي وقاعد انت هدي نفسك كدا قلبك هيقف من الخضه وفونه رن وكانت رقيه بطل ضحك وقام وقف خمسه وراجعلكم يا رجاله
محمود ببتسامه وغمزه مين بيرنلك خمسه الصبح دا 
يحيي ابتسم ولفله وقال ب غمزه الجماعه وخرج علي برا رد عليها صباح الخير
رقيه بصوت نايم صباح النور هو امبارح جدي وافق علي خطوبتنا فعلا ولا انا كنت بحلم 
يحيي ضحك بخفه انتي عايزه ايه
رقيه بعدم فهم عايزه ايه ازاي 
يحيي ببتسامه يعني عايزاه يكون وافق ولا رفض
رقيه بلهفه لاء يكون وافق بعدين انا فعلا مكنتش بحلم علشان في مكالمه بينا ٣ ساعات كاملين
يحيي بتأكيد انتي نمتي الاول وانا بعدك علطول قومت علي صلاة الفجر كنتي لسه معايا علي الفون قفلت وروحت صليت
رقيه طيب ليه مقفلتش علطول لما انا نمت 
يحيي اتحرج ومعرفش يقولها ايه ف حط ايده علي رقابته ودي حركه علطول بيعملها لما يتكسف وقال صراحه حبيت صوت نفسك ونمت
رقيه ابتسمت اوي علي جملته وحست ان قلبها بيدق جامد وقالت بتردد هو انت ليه طلقت يا يحيي 
يحيي الابتسامه راحت من علي وشه واتنهد بقوه كأن حد فكره بسبب مخاوفه في الحياه 
رقيه استغربت سكوته ف قالت يحيي انت سامعني
يحيي بنتباه سامعك..
رقيه بهدوء كنت بسألك ايه سبب طلاقك
يحيي بتنهيده قولتلك قبل كدا محصلش نصيب بينا وحصل اختلافات كبيره وفي الاخر كل واحد مننا راح لحاله ليه مصره تكدبيني
رقيه بفضول انا مش بكدبك بس في جزء غامض في الحكايه يعني مثلا ايه الاختلافات اللي حصلت بينكم وصلتكم لطلاق
يحيي اضايق من فضولها لما يكون حد مش حابب يحكي بلاش تجبريه او تضغطي عليه يحكي حاجه
رقيه بستنكار انت مش حد انت هتبقي جوزي وانت بنفسك قولت احنا بنتعرف علي بعض ف لازم نكون صرحاه في كل حاجه مينفعش نخبكي حاجه علي بعض من اولها
يحيي بهدوء وانا مش مخبي لكن حاجه دي حاجه خاصه بيني وبين واحده كانت شايله اسمي