رواية دعنى احطم غرورك الفصل 55 بقلم منال سالم

ها وبدين 
جانا وهي تمط شفتيها في براءة بس Full stop 
سهير بتهكم وهي تشير بيدها لا والله مافيش حاجة بعد كده 
جانا بجدية لا والله أبدا يا أنطي أكلت ونمت وبعدها سفرنا ورجعنا
سهير بصوت خاڤت يعني هو مقربش منك 
جانا بتردد آآ الصراحة يا أنطي هو قرب مني 
سهير بنبرة فرحة طب كويس أوي وأنتي عملتي ايه معاه 
جانا بكل ثقة ضړبته وزعقتله وشتمته كمان ايه رأيك 
كادت سهير أن تجن من تصرفات جانا الغير مبالية والغير عابئة بمتطلبات زوجها و 
سهير بفزع يالهوي يااااني أصوت ويقولي سهير اټجننت في عروسة تعمل كده مع عريسها 
جانا باستغراب وأنا عملت ايه بس يا أنطي 
سهير على مضض عملتي بلاوي سودة طبعا ده كويس انه مستحملك والحمدلله أن مامته مش هنا كان زمان فضيحتك بجلاجل
جانا وهي تزفر في ضيق اوووف بقى 
سهير وهي تنظر إليها بنظرات جادة متقنعنيش انك مش عارفة العروسة بتعمل ايه مع عريسها ليلة دخلتهم 
أطرقت جانا رأسها في خجل هي فهمت ما ترمي إليه زوجة عمها ولكنها لم تكن تحبذ أن تتطرق إلى هذا الحديث بسبب تجربتها السابقة مع زوج أمها وما تسبب فيه من أثر سلبي على نفسيتها جعلتها تبغض ان يقترب أي رجل منها حتى لو كان هو زوجها و  
جانا بخجل انطي بليز أنا بتكسف 
سهير بنبرة جادة لأ يا حبيبتي ده حق الزوج الشرعي وكويس أوي انه ساكت وراضي وصابر عليكي كمان 
جانا بنبرة منزعجة هو ڠصب يعني 
سهير بنبرة هادئة لأ مش ڠصب بس لما الزوجة بتمتنع عن زوجها بترتكب ذنب ومعصية 
جانا وهي تشيح بوجهها للناحية الأخرى أنطي أنا لسه مخدتش عليه 
سهير بصوت خاڤت خد عليه براحتك بس حابي على جوزك واحمي بيتك بدل ما واحدة تانية تلوف عليه
نظرت جانا إلى زوجة عمها بنظرات جادة و 
جانا بقلق قصدك ايه يا أنطي 
سهير بنبرة جدية تحمل التحذير قصدي يا حبيبتي لما الراجل ميلاقيش راحته في بيته هيدور عليها بره وعز بسم الله ماشاء الله مليون واحدة تترمى تحت رجله لكنه هو فضلك انتي واختارك واتجوزك وفوق ده كله مستحمل اللي بتعمليه فيه ده ليه الجنة والله 
جانا باقتضاب ربنا يسهل
سهير وهي تربت على كتفها يا بنتي أنا بوعيكي كان المفروض مامتك هي الليت فهمك ده بس آآآآ 
جانا مقاطعة بحدة بليز أنطي انا مش حابة أسمع سيرتها ك فاية انتي وأنكل حسين ودينا عليا
سهير وهي تشير بيدها وقبل دول كلهم لازم جوزك 
جانا متسائلة يعني ايه 
سهير بنظرات ثابتة يعني جوزك وبيتك أهم شيء في حياتك وبعد كده نيجي احنا لكن العكس يبقى حياتك معرضة انها تفشل
جانا وهي توميء برأسها في فهم أها 
سهير بنبرة محذرة اوعديني يا بنتي انك تكوني الزوجة الصالحة لجوزك
جانا على مضض هو أنتي معاه ولا معايا
سهير بنبرة هادئة هي مش حرب يا جانا عشان أقف جمب حد معين فيكو لأ دي حياة أسرية بينكم دلوقتي يعني مودة ورحمة وألفة وعشرة ولازم تعملي اللي قولتلك عليه عشان ربنا يرضى عنك ويباركلك في جوزك وحياتك
جانا باقتضاب ان شاء الله
دلفت دينا في تلك الأثناء إلى الغرفة وهي تحمل كوبا من المياه
و 
دينا مقاطعة بترغوا في ايه
سهير بضيق ياساتر عليكي 
جانا وهي تغمز مالكيش فيه
دينا وهي تضع يدها في خصرها Oh بقى كده
جانا بلؤم اطعلي منها وهي تعمر
دينا وهي تمط شفتيها ممم الله الله يا ست جوجو من ساعة ما اتجوزتي ومحدش عارف يكلمك
جانا ضاحكة هههههههههه نحن السابقون وانتم اللاحقون
دينا وهي ترفع بصرها للسماء ههههههههههه يارب يا جوجو يااا رب
سهير بحدة اختشي يا بت 
دينا وهي تنظر إلى والدتها الله يا مامي سيبني أقول رأيي
سهير متسائلة اومال فين عايدة هانم
دينا وهي تشير بيدها أعدة تحت مع الجماعة يالا بقى ننزلهم theyre all asking about us
جانا وقد نهضت عن الفراش اوكي يالا بينا 
سهير وهي توميء برأسها صح لازم ننزلهم لأحسن احنا اتأخرنا أوي عليهم
نهضت جانا عن الفراش وسارت ناحية باب الغرفة فأمسكت بها سهير مرة أخرى من ذراعها ومالت عليها قليلا و 
سهير هامسة متنسيش اللي قولتلك عليه
جانا بصوت خاڤت اوكي أنطي
دينا مقاطعة وهي تتسائل نفسي أعرف بترغوا في ايه كل ده
قامت جانا بدفع دينا بيديها للأمام بدلا من الإجابة على سؤالها و 
جانا وهي تزفر في انزعاج اوووف منك انزلي قدامي 
يتبع
منتظرة رأيكم وتوقعاتكم في التعليقات ومتنسوش لأيك بعد القراءة عشان تشجعوني أكمل نشر الروايات تفاعلكم هو اللي بيشجعني اكمل