رواية زهره لا تدبل الفصل السابع والثامن والتاسع والعاشر والحادي عشر بقلم امانى سيد

عرفت تجبها انا شاكك إنها مزوره وهرفع قضيه
القايمه سليمه وانت كده بتعطل تنفيذ الحكم ولو الدهب مجاش انت هتتحبس 
اجيب منين تمن ١٠٠ جرام ده بالمېت كده عاملين ٤٠٠ ٠٠٠ الف جنيه 
ده من غير الضريبه والمصنعيه 
يعنى ايه 
يعنى ممكن يوصلوا ل ٤٥٠ الف ٥٠٠ 
وفى لجنه هتقيم ده 
ايه ده كله لا كده ظلم 
تحدثت زهره ببرود 
مش مشكلتى يا رأفت يا تجيب الدهب يا تتحبس معاك مهله اسبوع ووقتها انت الجانى على نفسك ده قانون وحكم محكمه مش هزار
تم عمل جدال طويل بين رأفت وبينهم وانتهى على اعطاءه مهله اسبوع 
بعد ذهابهم ذهب رأفت لمحامى ومعه صوره من حكم التنفيذ واخذ رأيه 
اكد له المحامى صحه الإجراءات ويجب أن يعطيها الذهب وبعد جدال مع المحامي خرج رأفت وتأكد أن الطعن او او أى اجراء هو مضيعه للوقت وفى النهاية ستحصل زهره على حقها منه 
ظل يفكر من اين يجهز المبلغ او الدهب إلى أن اتت له فكره ببيع الشقه وأن يؤجر شقه اخرى جاهزه للسكن ويتزوج بها وبتمن الشقه يعطى زهره حقها وباقى المبلغ يزغلل به عين سعاد حتى توافق 
وبالفعل عرض المنزل للبيع وتم تقييمه والاتفاق مع الشارى على مبلغ ٦٠٠ ٠٠٠ جنيه اتصل على زهره وتقابلوا فى القسم وحاول التفاوض معها على اقل مبلغ ولكنها صمتت على رأيها فاعطها ٤٥٠ الف 
اخذتهم زهره وقامت اولا بإعطاء غزل نسبتها والباقى قامت بوضعهم فى البنك 
واستطاعت أن تفرش شقتها التى استأجرتها بفرشها القديم واصبحت شقتها جاهزه للسكن 
وقررت ان تواجه ابنها وتقوم برفع قضيه اخرى على رأفت بسبب اهماله لابنه والضرر له وقامت بتجهيز كل الاوراق المطلوبه والنتيجة الدراسيه التى تؤكد تدنى مستواه وصور له وهو يعمل فى ذلك المكان وصور قبل تركه وبعد تركه وكثير من الأشياء التى تساعدها واتصلت على غزل وحددت موعد لمقابلتها واعطائها ورق الدعوى 
وبالفعل فى اليوم التانى قابلتها 
مش عارفه إزاى اشكرك على وقفتك جمبى بجد انتى مثال للست القويه وقدوه لأى واحده حتبه تاخد حقها 
حبيبتي يا زهره شكرا على كلامك ده انا عملت شغلى 
لا انتى عملتى اكتر من شغلك وقفتك ونصايحك مافيش محامى بيعمل كده بجد انتى انسانه رائعه واهلك اكيد فخورين بيكى 
اهلى ابتسمت غزل بحزن واضح من طريقه الضحكه 
شعرت زهره بالغصه عندما زكرت اهل غزل 
هو انا ضايقتك فى حاجة 
عارفه يا زهره اللى شوفته في حياتى هو اللى وصلنى كده يمكن الظلم والقهر اللى اتعرضتله خلانى كده 
إنتى 
ابتسمت بمرارة 
أه يا غزل ومن قت ما خرجت من محنتى حلفت أنى هساعد وهقف جمب اى حد محتاج 
ياترى حكايه غزل ايه 
ورأفت هيعمل ايه مع سعاد 
واحمد هيقدر ينجح ويتغير 
الفصل الثامن زهرة لا تدبل  
شعرت زهره پصدمه هل امرأة كغزل بقوتها واناقتها التى تجعل كل من يراها يجزم بأنها ولدت وفى فمها معلقه دهب مرت بظروف صعبه  
تتضايقى لو سألتك عنها 
قصتى طويله أوى يا غزل لما اشوفك هحكيهالك انا بس اللى اقدر اقولهولك انتى اهلك كانوا معاكى واخوكى وقف جمبك إنما أنا اهلى باعونى ورمونى 
ربنا يعوض عليكى يارب وماتشوفيش وحش فى حياتك أبدا 
ابنك هيجيلك انهارده 
اه 
مستعده 
جدا القلم اللى اخدته علمنى وقوانى الباب بيخبط شكل حسن جابه وجه لأنى اتفقت مع حسن هو اللى هيجيبه كأنه بيصلح بينا 
طيب روحي وابقى طمنيني 
حاضر 
ذهبت زهره وفتحت الباب ووجدت اخيها وبرفقته ابنها 
سلمت على اخيها وتجاهلت ابنها 
دخلوا جميعا وجلسوا على الركنه وقامت زهره بتحضير مشروب لاخيها وتجاهلت ابنها 
بدأ حسن يرتشف الشاى ثم بدأ في الحديث 
ازيك يا زهره عامله ايه انا عارف إن الزيارة مفاجأة ليكى بس انا جاى من عشمى فيكى 
ما تقولش كده يا حسن احنا اخوات انت تؤمر وانا انفذ 
احمد يا زهره عرف غلطته وجاى يتأسفلك ويبوس ايدك وراسك عشان ترضي عنه 
صعب يا حسن قوي ان انا اسامحه انا ماكنتش متوقعه ان ابني يعمل فيا كده ابنى اللى استحملت عشانه ابوه واللي كان بيعمله فيا 
هو عرف غلطه ووعدنى إنه مش هيعمل كده تانى وعرف قيمتك 
طيب أفرض سامحته وجه يعيش معايا واتجهه للشرب والقرف ده وقتها انا وضعى ايه 
وقتها انا هقولك أنى اسف أنى اتدخلت من الأول واعملى اللى يريحك 
بدأ أحمد يتحدث ويؤكد حديث خاله
جربينى يا ماما صدقينى انا اتعلمت واخدت الدرس وبوعدك قدام خالى انى هبقى واحد تانى ولو طلعت كداب اعملى اللى انتى عايزاه 
والسجاير 
والله بطلتها اسألى خالو 
ماشى يا احمد هديك فرصه تانيه بس هتكلم معاك قبلها 
خلاص يا زهره انا همشى وانتى اتكلمى مع ابنك براحتكم وشوفوا هتعملوا ايه 
تسلم يا حسن ربنا يخليك لينا يارب سلملى على وفاء وولادك 
يوصل يلا سلام عليكم 
خرج احمد وجلست زهره مع ابنها 
بص يا احمد انا الاول كنت باجى على نفسى بزياده لدرجه انى تعبت جسديا ونفسيا ومش هكرر كده تانى وانت دلوقتي كبرت وبقيت راجل وانا وانت هنعيش لوحدنا عشان كده لازم نساعد بعض ونتشارك فى كل اعمال البيت 
ازاى 
اولا انا هحضر الأكل واسيبه فى الثلاجة اليوم اللى هيكون عندى شغل فيه او متأخره انت تقوم تسخن وتحضره وانا هعلمك ازاى تعمل كده 
ثانيا المكان اللى تكركبه تروقه يعنى تقوك الصبح تلم حاجتك وتروق مكان لعبك 
ثالثا ودى اهم حاجه مستقبلك ومزاكرتك عايزاك ترجع لمستواك واكتر كمان 
ماتقلقيش هعمل كل ده انا أصلا عايز انجح واعوض اللى فات 
لما نشوف دلوقتي انا وانت بس هنعيش سوا والمفروض اننا نساعد بعض وننجح فى حياتنا انا عايزاك تبقى راجل اعتمد عليه وابقى فخوره بيه 
بس انتى يا ماما اتغيرتى أوى انا عمرى ما كنت اصدق إنك ممكن تاخدى حقك من بابا 
انا كنت بتنازل عن خقى عشانك عشان تفضل عايش بين اب وأم لكن للأسف ابوك لا يستحق إنه يكون اب وانا هعرف اجيب حقك منه إزاى أهم حاجة تسمع كلامى وانا عمرى ما هطلب منك تسمع كلامى فى الغلط 
حاضر يا انا موافق على كل كلامك 
كيب بكره هننزل نحيب الكتب وهشتركلك فى النت عشان تزاكر واللى مش فاهمه شغل فديوهات عن الماده والدرس واسمع شرح المدرس ولو مفهمتش انا هذاكرلك وافهمك اللى مش فاهمه اتفقنا 
اتفقنا 
طيب يلا خش خد شاور وحط هدومك فى الغساله وانا هشغل عليها الغساله ولما تنشف البسها وننزل بكره نجبلك كام طقم جداد كده تلبسهم 
حاضر وقام من مجلسه واتجهه للمرحاض ثم عاد مره اخرى وقام بحضن والدته بشده يعوض فى حضنها كل التعب الذى رآه فوجودها أمان وراحه فهو من دونها أصبح ضائع بلا مأوى وبأقل حديث معها عادت له حياته مره اخرى وعادت له أحلامه كيف له لم يرى فضلها عليه من قبل وكيف كان يستعر منها فهو تأكد الآن أن أمه مثال للام