رواية زهره لا تدبل الفصل السابع والثامن والتاسع والعاشر والحادي عشر بقلم امانى سيد
المحتويات
مافيوم كانت قاعده مع واحده قريبتها انا كنت نايمه تعبانه وبالصدفه وانا معديه من قدام الاوضه اللى هما قاعدين فيها سمعتهم
اه يا مرفت جوزيها وخدى من وراها قرشين مش هى عايزه تشتغل
اه هى بتشتغل ولو جوزتها مش هاخد من وراها حاجه
لا بصى بقى انا جوزى يعرف ناس مش مصريين بيجوا يفضلوا فتره فى مصر هنا وبيكونوا عايزين يتجوزوا فتره كده لحد ما شغلهم يخلص ويسافروا ايه رأيك تجوزيها واحد من دول وتاخدى من وراها قرشين خلوين ولما يطلقها ويرميها ترجع شغلها ولما نلاقى غيروا ارجعى جوزيها تانى
والناس دى بتدفع يعنى ممكن يدفعوا فلوس حلوه تستاهل
أقل حاجه ٥٠ الف جنيه عشان البت صغيره وكل أما تكبر وتتشطر الفلوس تزيد
عارفه اټصدمت من تفكيرهم ازاى وصلت أنهم يفكروا كده يبيعونى كانهم قوادين لا انا استحاله اوافق ده حرام انا مش موافقه وهتكلم معاها واعرفها برفضى
انتهت زياره ابنه خالتها وقررت انها سوف تزوج مروه الاسم القديم لغزل
لرجل ثرى وتأخذ فلوس من زواجها وعندما ينتهى الزواج ستزوجها مره أخرى
خرجت عليها مروه وقطعت تفكيرها
انا سمعتك وانتى بتكلمى قربتك ومش موافقه
وقفت امامها مرفت وقامت بلطمھا بقوه
انتى فاكره نفسك ليكى رأى هنا إنتى ولا ابوكى
لا يا حلوه انا يوم ماجيت البيت ده ابوكى كان هيطردك وانا اللى قولتله خليها خدامه ليه وخليتك تكملى تعليم عشان تفضلى تحت طوعى يوم ماتخرجى منه اهددك بيه انما انا اللى اقول تعملى ايه وماتعمليش ايه حياتك دى ملكى انا وابوكى نفسه بكلمه منى اقوله يعمل ايه وما يعملش ايه
انا هدورلك على عريس وهاخد قرشين من وراكى وانتى وشطارتك بقى لو عرفتى تقلبيه فى قرشين تانين واهو احسن ليكى برضو من شغلك فى المحلات والمولات
كده حرام أنا مش هعمل كده
حرام ايه يا خايبه ده جواز على سنه الله ورسوله ولو انتى جدعه وشاطره كده ممكن تخليه مايطلقكيش تانى وتكملى حياتك معاه
يا مرات ابويا ابوس ايدك بلاش انا خاېفه ومش هعرف اعمل حاجه وغير كده لسه سنى صغير مش هستحمل
لا هتستحملى ومش عايزه رغى كتير مايمكن الراجل انتى ماتعجبهوش وقتها تبقى ضيعتى وقتى فى الرغى معاكى على الفاضي
غورى اعملى الغدا لحد ما نشوف اخرتها ايه
مر اسبوع وقامت إبنه خالتها بالاتصال بها مره اخرى
مرفت جبتلك عريس انما ايه متريش وعايز يتجوز بسرعه وممكن كمان ياخدها ويسافر
بجد طيب هاتيه وتعالى انهارده بليل
ابوها هيوافق وهى كمان هتوافقة انا مش عايزه اطلع عيله قدامه
ماتقلقيش تعالى بليل اكون كلمته واقنعتهم
اتصلت مرفت على زوجها وقصت له عن العريس وزواجه من مروه
بس البت صغيره دى لسه هتم ال ١٧ سنه
خلاص قربت تتمهم وبعدين ١٦ سنه كبيره تقدر تتجوز وتخلف كمان
وبعدين البت هتتجوز جوازه حلوه وتعيش عيشه حلوه واحنا كمان نستفاد من وراها الراجل هيدفع مبلغ كبير نوضب منه الشقه واجبلى حته صيغه كده
طيب البت هتقنعيها ازاى
انا هتصرف المهم ادخل جهز نفسك كده عشان هيجوا بليل قصص وروايات أمانى سيد
دخلت مرفت لمروه وظلت تقنعها ان توافق وأن الزواج سيكون دائم ليست كما تظن وانه سيأخذها لبلده وستكمل دراستها أيضا وظلت تقنعها بأحاديث وهميه واعطتها ملابس جديده من عندها وقامت بتزينها حتى تبدوا فى شكل اكبر
حاولت مروه إقناع نفسها أن ذلك الرجل فرصه للهروب من أبيها وزوجته وإذا كان اكبر منها سنا ويعاملها بلطف إذن لا بأس فأبيها أكبر من زوجته بعشرة اعوام ويدللها كأنها ابنته ليت ذلك الرجل يعاملها كما يعامل ابيها زوجته
وافقت أن تقابله وارتدت الملابس التى اعطتها لها زوجه ابيها وتركتها تفعل بها ما تشاء
اتى الرجل واعجب بها وقرر أن يتزوجها خلال اسبوع وقرر أن يعطى مهرها ٥٥ ٠٠٠ الف جنيه
كان عمر الرجل ٤٠ عاما مقاربا لابيها فى العمر
تم الزواج خلال اسبوع واخذها لشقته التى استأجرها ليجلس بها فتره اقامته فى مصر
كان يتعامل معها مروه ببرود وتعالى فأبيها باع وهو اشترى ولا يحق لأحد أن يسأله ماذا يفعل وأخذ منها البطاقة وقرر أن يستخرج لها زواج سفر لتسافر معه فهو سيحتاجها كثيرا
بقولك يا مروه جواز سفرك طلع واعملى حسابك هنسافر كمان أسبوع وبحذرك مش عايز اسمع منك سيره اهلك دى تانى فاهمه
End flash back
نظرت زهره پصدمه من حديث غزل او مروه وبدأت تسالها
طيب انتى مفكرتيش إن الراجل ده ممكن يكون متجوز
انا كنت طفله ومكنتش اعرف حاجه عنه بس كنت بقول لنفسى اكيد مافيش راجل متجوز هيتجوز مره تانيه
طيب رضيتى بالأمر الواقع ليه
مكنش قدامى غيره وقلت خلاص اعامله حلو واعتبره ابويا يمكن يعتبرنى بنته وفعلا الفترة اللى قاعدناها هنا فى مصر كنت بهتم بيه وبعمله كل حاجه يطلبها مكنتش بقوله لا كنت بحاول أشوف ايه يرضيه واعملهوله وهو خد طريقه تعاملى معاه بشكل غلط فافتكر أنى بعمل كده لزوم الشغل
وهو فعلا كان بيعاملك كويس
عارفه يا زهره اللى فات والاذى اللى شوفته في حياتي كلها كوم وجوازى منه والعڈاب اللى شفته معاه كوم تاني
عارفه انا عرفت إن مرات ابويا ملاك جمبهم
جمب مين
يتبع
البارت التاسع
زهره_لا_تدبل
امانى_سيد
الفصل العاشر زهرة لا تدبل
سافرت معاه ويارتنى ما سافرت
البيه طلع متجوز وبيحب مراته وبنته اصغر مني بسنه وطلع متجوزنى عشان اهله اجبروه يخلف ولد ولو اتجوز واحده من بلدهم او قرايبهم مش هيعرف يطلقها لأن أهله هيرفضوا فاتجوزنى اخلفله ولد وبعدين يطلقنى ويرميلى قرشين تانيين مقابل إنه ياخد ابنى ومش بس كده هو قرر إنه مايقربليش والحمل يكون عند دكتور ويعمل حقن مجهرى وتحديد نوع الجنين
ومراته بعد ما خلفت بنته جالها ڼزيف واضطروا يشيلوا الرحم فاستحاله أنها تخلف تانى
بس انتى كنتى صغيره إزاى أصلا المأذون كتب كتابكم
بابا زور ورق وهو انا أصلا مش فارقه معاه بالعكس انا لو مت هوفرله
حسبي الله ونعم الوكيل طيب احكيلى حصل ايه بعد كده
انا رفضت وفضلت اعافر معاهم لكن كانوا بيتفننوا ازاى يكسرونى
لكن انا مستسلمتش
فضلت معاهم ٦ شهور كانوا بيتكاتروا عليا ويضربونى يمنعوا عنى الاكل والشرب يحبسونى فى اوضه ضلمه لواحدى بيعملوا أى حاجة عشان أوافق على طلبهم واروح معاه للدكتور وأحمل فى ولد وكل ضغط من أهله عليه يجيى ويضغط عليا أنا اكتر وللأسف مكنش ليا أهل اتصل بيهم استنجد بيهم
طيب وإزاى قدرتى تخلصى نفسك
عارفه اللى بيعافر عشان يعيش ومتمسك بالحياه زى اللى بيغرق فى نص البحر وبيطبش لحد ما يلاقى حاجه تنجده ومش عايز يستسلم انا كنت كده
عملتى ايه
فى يوم كنت بروق الشقه وسايبه فرشه البلاط فى الارض مراته داست عليها اتزحلقت وقعت على طرف الترابيزه اتعورت
طبعا اتهمتنى إن انا اللى عملت كده وأنى قاصده اعورها واتصلت بجوزها عشان يجيى وجم يتهجموا عليا كلهم
ها وعملتى ايه حد قدر ېأذيكى
جريت على المطبخ ومسكت سکينه
متابعة القراءة
