رواية زهره لا تدبل الفصل الثاني عشر والثالث عشر والرابع عشر بقلم امانى سيد

اقابلك واتكلم معاكى
عملتى ايه فى قضية الحضانه
الحمد لله كسبتها واحمد معايا واتغير خالص مبقاش احمد القديم
الحمد لله انا مبسوطه اوى إنك أخيرا ارتاحتى فى حياتك
بقولك ايه انا فاضيه انهارده ايه رايك اعزمك على الغدا
ايه ده اما سمعت صح ولا بحلم
هههههه لا يا ستى سمعتى صح هستنامى انهارده فى مطعم ونتكلم براحتنا
خلاص يا زوزو مستنياكى واعملى حسابك هغرمك انتى عارفه انا طماعه
اللى تعوذيه يا قلبى انا فى الخدمه
عند رأفت تم رفده من العمل و اذدادت الخلافات بينه وبين سعاد
انت ايه هتفضل قاعد في البيت كده لا شغله ولا مشغله
اعمل ايه يا يعنى
أنزل دور على شغل
دورت وملاقتش اعمل ايه
بقولك ايه السوبر ماركت اللى على اول الشارع كان عايز حد يشتغل معاهم انزل وحرب حظك
سوبر ماركت ده اللى ناقص ولو حد شافنى يقول عليا ايه بعد ما كنت مدرس اد الدنيا اقف فى سوبر ماركت
بتتنك على ايه انا مش فاهمه ده ياريتهم يقبلوا بيك أصلا ده صاحب السوبر ماركت شارط اللى بيشتغل يكون محاسب انا قولت يمكن يوافق عليك لما يعرف انك كنت مدرس رياضه
غورى من قدامى يا سعاد انتى ادمك فقر عليا
انا برضو اللى فقر أنا من ساعه ماتجوزتك وانا عايشه فى هم دخلتنى محاكم ومقعدنى فى ايجار وحاجة زفت
ليه ياختى وانتى كنتى قبل ماتقعدى هنا قاعده فى فيلا مانتى كنتى قاعده فى إيجار وانا اللى كنت بصرف عليكى انتى وبنتك
ولا نسيتى
يارتنى ماتجوزتك
اه مهو الحړام احلى انا اللى ندمان أنى اتجوزتك وعرفتك ياريتنى مكنت عرفتك ولا طلقت زهره كان زمانها شايله معايا
طلقنى وروحلها
اطلقك ههه تبقى بتحلمى لا يا حلوه زى ما عشنا على الحلوه هنعيش على المره ومن بكره هتنزلى تشتغلى وتساعدينى فى المصاريف بدل ما احلف عليكى يمين طلاق وتبقى لامنك مطلقه ولا منك متجوزه وزى ما نزلت ابنى يشتغل نزلى انتى كمان بنتك تشتغل
انت اټجننت شكلك كده
اټجننت تصدقى انك ست قليله ربايه وانا اللى هربيكى واقترب منها وظل يضربها كمان كان يفعل مع زهره
حاولت سعاد الهروب منه وقامت بضربه هى أيضا لكنها لم تستطع فرأفت يفوقها جسديا
انتهى رأفت وخرج من المنزل وذهب للجلوس على إحدى القهاوى
قابلت زهره هدير كمان اتفقا وتفاجئت هدير من التغيير الذى حدث لزهره
ايه ده زهره معقول الجمال ده ما شاء الله انتى احلويتى اوى وصغرتى فى السن اللى يشوفك دلوقتي مستحيل يصدق 
بجد يا هدير انا اللى كنت عامله فى نفسى كده وكنت هضيع حياتى وهضيع ابنى اوقات كتير الطلاق بيكون الحل
ربنا يكتب لك اللى فيه الخير انتى طيبه وتستاهلى الخير
حبيبتي يا دودو ها تحبى تاكلى ايه بقى
ظلوا مع بعضهم لفتره من الوقت يتبادلون الحديث عن العمل وعن الحياه الشخصيه وبعدها ذهبت زهره لمنزلها وجدت ابنها منهمكا فى مزاكره دروسه
دلفت للمطبخ وقامت بتحضير الطعام له وبعدها ذهبت لغرفتها لتأخذ قسطا من الراحة
وبعد فتره استيقظت على صوت رنين الهاتف وجدت رقم غريب يتصل بها ظنت إنه احدى أولياء الأمور فأجابت عليه
السلام عليكم
وعليكم السلام ازيك يا زهره عامله ايه وحشتينى أوى
رأفت
أه رأفت اللى ندم على طلاقه منك وحس بقيمتك انا آسف لو زعلتك منى ولا ضايقتك
عايز ايه يا رأفت
عايز نرجع تانى لبعض وصدقينى هتشوفى