رواية زهره لا تدبل الفصل الثاني عشر والثالث عشر والرابع عشر بقلم امانى سيد

عماتها او خالتها يتحدثون معها ويحاولوا التقرب منها
ذهبت زهره لمكتب ساجد وطرقت الباب وأذن لها ساجد بالدخول
استاذ ساجد حضرتك فاضى محتاجه اتكلم مع حضرتك
اماء لها ساجد رأسه بنعم واشار لها بالدخول
بصراحه يا استاذ ساجد انا كنت حابه اتكلم مع حضرتك بخصوص مليكه
ملها مليكه عرفتي هي بټعيط ليه
بدأت زهره تتحدث بتوتر ولجلجه
اه يعنى هو بصراحه سبب بسيط هو حضرتك عندك اخوات بنات
لا وايه علاقة السؤال ده بعياط مليكه
طيب هى عندها خالات
عندها بس من وقت وفاه والدتها وعلاقتنا شبه مقطوعه فحضرتك ظمكن تقوليلى في ايه عشان انا القلق بدأ يذيد عندى
لا حضرتك ماتقلقش بس هو الموضوع محتاج لواحده ست يعنى هتفهم اكتر
هى مليكه بتحب حد و على علاقه بيه ولا ايه 
لا يا فندم حضرتك دماغك راحت بعيد كل الموضوع ان مليكه كبرت
ايوه يعني ايه كبرت حضرتك بتتكلمي الغاز انا مش فاهم
يعنى بلغت يا استاذ ساجد بلغت وهى مكنتش تعرفت فخاڤت واتخضت
تنفس ساجد الصعداء وابتسم هل حقا صغيرته كبرت وهو لا يشعر وأصبحت تخجل منه
طيب هى ليه مابلغتنيش
هى محرجه ومكسوفه ومحتاجة فتره على ما تتأقلم على الوضع انا اتكلمت معاها وفهمتها إن ده وضع طبيعى فكنت حابه اعرف لو فيه قرايب حريم ليها يتكلموا معاها
للاسف انا عايش مع والدى فى بيت عليه والدى الشقه اللى تحت وانا ساكن فوقه على طول واخواتى الصبيان بيشتغلوا بره مصر وطبعا صعب أنى اتكلم مع حد من مراتتهم واطلب منهم حاجه زى كده كلنا هنشعر بإحراج
تمام فهمت حضرتك عموما انا موجوده وبعتبرها والله زي بنتي انا ما عنديش بنات عندى ولد بس وكان نفسى اخلف بنت عشان كده بعتبر مليكه بنتى
وهى كمان بتحبك جدا واول مره تتعلق بحد كده
خلاص حضرتك ماتقلقش انا مش هسيبها وهفضل معاها فى أى حاجة تحتاجنى فيها
شكرا جدا يا استاذه زهره مش عايز اتعب حضرتك
لا طبعا انا بحبها وبعمل كده بحب مش حاجه مفروضة عليت
تمام فهمت حضرتك وشكرا جدا مره تانيه
خرجت زهره من مكتب ساجد وعادت لمليكه تخبرها أنها تحدثت مع والدها شكرتها مليكه وعادت لاصدقائها
انتهى اليوم وذهب ساجد لمنزله وجد ابيه جالس يقرأ إحدى الكتب القديمه
اقترب منه وقبله على جبهته وجلس بجانبه ودلفت مليكه لغرفتها مسرعه حتى تبدل ملابسها
ازيك يا بابا عامل ايه
الحمد لله انت عامل ايه
بخير الست جت انهارده نضفت الشقه
اه جت نضفت وحضرت اكل الاسبوع كله
طيب تمام هقوم أسخن الاكل عشان نتغدى
مالك يا ساجد شكلك مش عاجبنى
مليكه بتكبر ومحتاجة ام وفى حاجات انا مش عارفها ومش هقدر اساعدها فيها 
تخيل إن مليكه جاتلها البريود وكانت بټعيط ومڼهاره وأستاذه زهره كلمتها وفهمتها ومش بس كده دى كمان مليكه كانت مكسوفه تيجى تتكلم معايا
طيب ما بإيدك تتجوز وتجيب واحده
بابا اجيب واحده تعمل عليها مرات اب وبدل ما اساعد بنتى واربيها اعذبها
يابنى هى كل واحده اتجوزت واحد مخلف تبقى مرات اب وحشه كل حاجه فيها الحلوه والوحشه
وأنا اضمن منين انها متتغيرش بعد الجواز
من الأصل يا بنى
دى حاجة بإيد ربنا وفرضا اتجوزت واحده وطلعت مش كويسه رينا حللك الطلاق
واجيب واحده بدل المرحومة
يابنى دى سنه الحياه رينا حللنا حاجه احنا بنحرمها على نفسنا ليه هو احنا لا سمح