رواية لعبه القلوب المحرمه الفصل 16 بقلم امانى سيد

ارتاح انت وانا هاخد بالى من كل حاجه ومش هأذيهم 
انا هجبلك عربيه اسعاف تنقلك عندى أنا مش هقدر اسيبك هنا
العمر خلاص مافيهوش بقيه أنا عايز ارتاح هنا وغير كده انت وماهر هتبقوا حوليا وصفاء ربنا يباركلها مش سيبانى ست اصيله بحمد ربنا أنى اتجوزتها 
أرتاح يا جدى هسيب تنام وانا هخرج اتكلم معاهم وماتقلقش هيوفقوا على كلامك أنا عارف هقنعهم إزاى 
خد بالك من نفسك يا شعيب هشام فى بذره كويسه بس أهله ربوه على كده 
خد بالك منهم انا بدعى من ربنا إنك تقدر تعمل اللى أنا فشلت فيه 
ماتقلقش يا جدى وماتخفش نام انت وارتاح 
خرج شعيب لقى ماهر قاعد والكل پيتخانق معاه 
وبدأ مراد يرميله كلامه اللى زى السم 
أنت عيل خاېن مع اول مصلحه ليك بعتنا 
عايش طول عمرك فى خيرنا وفى الاخر بتعض الايد اللى اتمدتلك 
تحاهل ماهر الكلام لكن شعيب رد بداله 
أنت مصدق نفسك يا مراد ماهر برضو اللى خاېن 
قصدك ايه 
قصدى أنى اعرف كل حاجه عن كل واحد فيكم اعرف عنكم اللى انتوا نفسكم ماتعرفهوش عنها 
وأعرف اللى باع شركه وحاول يعمل شركه تانيه من الباطل لحسابه وللأسف خسر فيها ملايين 
واللى كان ماشى ورا واحده وضحكت عليه فى كام مليون 
واللى واللى واللى 
ماهر بنى نفسه بنفسه وكان بيشتغل مع ابوك بدون مقابل وبسبب دماغه وشطارته قدر يوصل للى هو فيه وكان دراع جدى اليمين ويعرف عنه اللى انتوا ماتعرفهوش وبنى معاه كل اللى انتوا بتهدوه وكنتوا عايزين تبيعوه ورغم كده ايده ماتمدش على ماله رغم إن الحاج طلب يكتبله ارض او شقه او شركه لكن هو رفض وبدأ من الصفر 
أنت عايز ايه يا شعيب وتنسى كل اللى اتقال جوه 
بص يا مراد اللى جدى قاله هو اللى هيتنغذ بالملى 
ولو رفضنا 
يبقى من بكره شركاتكم كلها هتعلن افلاسها 
أنت اټجننت شكلك كده 
أنت لسه ماتعرفنيش ولا تعرف عنى حاجه شعيب الطفل اللى كنتوا بتيجوا عليه عشان مركب النقص عندكم وكنتوا بتيجوا على أمه كبر والماضى مانسيتوش وبصراحه كده نفسى تعمل حاجه تخلينى احيب القديم والجديد واطلعه عليكم 
وعايز تتأكد من كلامى ماتجيش بعد بكره اجتماع مجلس الإدارة وشوف مقتها الفرع بتاعك هيحصل فيه ايه 
اليوم اللى بعده هتلاقى حد غيرك قاعد فى الكرسى بتاعك 
اټصدم الجميع من كلام شعيب حست جملات أن ولادها هيخافوا من شعيب وهيعملولوا حساب قررت انها تدخل مش على اخره الزمن هيجي واد زى ده يبقى كبيرهم وقتها هيطلع عليهم القديم والجديد 
اتدخلت جملات بجبروت 
والله وطلعلك صوت يا ابن راضيه ... بقى أنت عايش السنين اللى فاتت دى زى الفار ومستخبى وجاى تتكلم دلوقتي 
مين ده اللى زى الفار يا ... يا جملات 
مش مشكلتى ان