رواية اسيرة قلب الفارس الجزء الاول كامل من الفصل الاول الي الفصل الاخير بقلم سلمي السيد

بحبك أوي يا سالي .
سالي سكتت شوية و بعديها قالت بإبتسامة و دموع و أنا كمان بحبك يا تميم .
تميم إبتسامته أختفت من صډمته و مكنش مصدق نفسه و مكنش متوقع منها الرد دا رد عليا بذهول و قال بت....... اي .
سالي بإبتسامة و كسوف بحبك .
تميم أبتسم بفرحة و إبتسامته مبينه سنانه و قال يعني موافقة تتجوزيني .
سالي خدت نفس و خرجته بإبتسامة و قالت أيوه موافقة و في أقرب وقت كمان .
تميم مسك إيديها الأتنين و قبلهم و قال بإبتسامة و فرحة أنتي خلتيني أسعد إنسان في الكون دا كله يا سالي .
سالي بإبتسامة و ثقة دا طبيعي عشان أنت ملك قلبي و مبحبش غيرك .
تميم بضحكة خفيفة يا مغرورة .
سالي بثقة و إبتسامة أحم دا مش غرور دي ثقة .
تميم بإبتسامة و نظرات حب الفرح هيبقي الأسبوع الجاي ماشي .
سالي بإبتسامة و فرحة ماشي سحبت إيديها من إيده و قالت هطلع أنام بقا عشان عاوزة أصحي بدري و أبدأ أشوف هعمل اي عشان الفرح تصبح علي خير .
تميم بإبتسامة و أنتي من أهلي .
سالي أبتسمتله أوي و مشيت من قدامه و طول ما هي ماشية إبتسامتها مكانتش مفارقة وشها نهائيآ فضلت ماشية مبتسمة لحد ما وصلت جناحها و دخلت بإبتسامة و قفلت الباب وراها بالمفتاح و أول ما لفت وشها شهقت بخضة و خوف لما لاقت برق قدامها .
سالي بخضة علي فكرة أنا المرة دي مش هسكت و هقول لتميم علي دخولك جناحي من غير إذني .
برق قرب خطوة منها بخبث و قال قوليله عشان أقوله إنها مش أول مرة أدخل فيها أوضتها و هي سكتتلي مرة و معملتش حاجة ف دخلت التانية قولت يمكن وحشتها و لا حاجة .
سالي أتنرفزت من وقاحته دي و رفعت إيديها عشان تديله بالقلم لكن برق مسك إيديها بإيده اليمين بقوة قبل ما القلم ينزل علي وشه و حط إيديها ورا ضهرها و هو لسه ماسكها و بإيده الشمال مسك رقبتها جامد بوضعية الخنقة و زنقها في الحيطة و كل دا حصل بسرعة و قال بنبرة شړ و وشه في وشها إياكي يا سالي إياكي تفكري إنك تعملي كده تاني عشان أقسم بالله المرة الجاية مش هرحمك و لولا إني عاوزك و مش عاوزك ټموتي كنت دفنتك مكانك بسبب الحركة الي أنتي كنتي هتعمليها دي سالي كل دا مكنتش قادرة تاخد نفسها من ضغطة إيده بوضعية الخنقة علي رقبتها برق كمل بهمس فحيح في ودنها مټخافيش مش ھتموتي لإني مش عاوزك ټموتي بصلها بخبث و يوم ما أبقي الملك هتبقي أنتي كمان ملكي و بتاعتي و تميم مش هيبقي موجود لإنه هيبقي تحت التراب و هتبقي ليا سالي مسكت إيده و كانت بتحاول تشيلها من علي رقبتها لكن مكنتش قادرة من قوة إيده بدأت تتخنق أكتر و دموعها بدأت تنزل من عيونها من كتمة نفسها لكن فجأة برق ساب رقبتها و هي وقعت علي الأرض و هي بتكح جامد و بتحاول تاخد نفسها و كانت بتاخده بصعوبة و كانت دموعها نازلة في صمت من رعبها بس مكنتش قادرة تنطق برق نزل لمستواها و مسك وشها بإيده جامد و قال بهمس و إياكي تميم يعرف حاجة عن الي حصل دلوقتي دا و إلا و الله عيونك الحلوة دي هخليها تشوف مۏته قدامها و ټعيط بدل الدموع ډم عليه بصلها بإبتسامة خبث و قال ماشي يا سيلا غير ملامحه للشړ و قال إياكي .
و فجأة سمعوا حد من الحراس خبط جامد علي الباب لإنه سمعها و هي بتكح و بټعيط و قال سمو الأميرة أنتي كويسة ردي عليا أرجوكي سالي مكنتش بتنطق من نظرات الشړ و التوعد الي برق كان بيبصلها بيها و برق ساب وشها بزقه و أتحول لحمامة و طار من الشباك .
سالي أنفجرت من العياط بصوت عالي أما الحراس الي برا أتخضوا و كسروا الباب و دخلوا .
الحارس مالك يا سمو الأميرة أنتي كويسة .
سالي كانت حاطه إيديها علي رقبتها و كانت عمالة ټعيط جامد و مش بترد .
الحارس ٢ أنا هروح أقول للملك تميم فورا .
تميم كان واقف و معاه أسد و رعد و صقر في جناح الإجتماع .
الحارس بخضة جلالة الملك سمو الأميرة سالي حالتها صعبة و لازم حضرتك تيجي تشوفها دلوقتي حالآ .
تميم أول ما سمع الكلام دا جري بخضة و خوف عليها و أسد و رعد و صقر جريوا معاه تميم دخل جناح سالي لاقاها قاعدة علي الأرض و مڼهارة من العياط و ماسكة رقبتها و غزال و زهرة اللوتس و نجمة جنبها و مش عارفين يعملوا ليها أي حاجة .
تميم نزل لمستواها و هي قاعدة