رواية اسيرة قلب الفارس الجزء الاول كامل من الفصل الاول الي الفصل الاخير بقلم سلمي السيد

متخرجوش منه مش عاوز الدبانة ذات نفسها تطير في الجناح .
رعد و صقر و برق و أسد دخلوا مع تميم جناح الإجتماع هما و كذا وزير و حارس تاني .
تميم بزعيق و عصبية و بيوجه كلامه للحراس تقدروا تفهموني كنتو فين لما دا حصل .
الحارس يا جلالة الملك و الله أحنا كنا موجودين و أول ما سمعنا سمو الأميرة بټعيط جامد و عمالة تكح روحنا بسرعة و لما لاقيناها مش بترد علينا كسرنا الباب و دخلنا .
تميم بزعيق جامد و اي الي مشاكوا من قدام باب جناحها أصلا ! هي لما دخلت جناحها أنتو مكنتوش واقفين لييييييه أنتو المفروض ٢٤ قدام الجناح و بتبدلوا مع بعض ليه مكنتوش واقفين ساعتها ! .
الحارس ٢ يا جلالة الملك أنا أتأخرت في وصولي شوية لميعاد وقوفي في الحراسة ف الحارس كان جايلي يشوفني أتأخرت ليه والله يا جلالة الملك أحنا مكملناش دقيقتين علي بعض غياب من قدام الجناح .
تميم بزعيق دا مش مبرر ليكوا و عقابكوا علي الي أنتو عملتوه دا هيكون شديد أوي بس كل حاجة و ليها وقتها وجه كلامه بشدة و نبرة صوت عالية نسبيا للوزراء و من ضمنهم رعد و قال تحققوا في الموضوع دا كويس أوي وتعرفوا مين الي دخل و عمل كده و كل الي في القصر يتحقق معاهم من ضمنهم أخواتي كلهم و برق و صقر مش عاوز فرد ميتحققش معاه في القصر و في خلال وقت قصير تكونوا عرفتوا مين هو .
الوزراء كلهم بطاعة آمرك يا جلالة الملك .
رعد بص ل برق و أتنهد و بص ل تميم و قال التحقيق من بكرة الصبح هيبدأ يا جلالة الملك متقلقش و في خلال وقت قصير هكون عرفت مين هو الي عمل كده .
تميم أكتفي بهز راسه بالإيجاب بنرفزة و سابهم و خرج و راح علي جناحه .
أما كل الي في جناح الإجتماع خرج و هما خارجين رعد وجه كلامه ل برق بشك و قال تفتكر مين يقدر و يتجرأ إنه يعمل كده .
برق ببرود و حط إيده ورا ضهره و قال و الله أيآ كان مين الي عمل كده ف هو شخص شجاع من جواه فكرة إنه يقدر يدخل جناح الأميرة و يعمل كده و هو عارف إنها من أهل الملك ف دا شخص قوي جدآ و يتقلق منه بصراحة و قلبه حجر .
رعد قرب خطوة منه و قال بنبرة إستحقار ل كلامه و قال قصدك شخص جبان مش شجاع قصدك إنه ضعيف و ژبالة مش قوي الي قوته و قدرته تكفي إنه ېتهجم علي بنت و لا واحدة ست أيآ كانت الطريقة سواء بالضړب أو أي حاجة تانية دا يبقي مش راجل يبقي هو عارف إنه الشخص الشجاع و القوي دا بيكون راجل من ضهر راجل بيكون راجل في أفعاله قبل اسمه بيكون راجل خاېف علي عرضه و عرض أي حد حتي لو ميعرفهوش بيدافع بيضحي بيجاهد بيحمي صاحب أخلاق حنين و كما تدين تدان دا إختصار بسيط لكلمة راجل يا برق الرجولة مش معناها إنك ټأذي و تنهب عشان محدش في قوتك و تقدر تعمل الي أنت عاوزه الرجولة إنك تواجه الراجل وش ل وش و مواجهة أخلاقية و من غير غدر مش تروح تتشطر علي البنات و الستات دا الي يعمل كده يبقي اسمه أظن فهمتني .
ساب برق و مشي من قبل ما يرد عليه و برق كتم غيظه و عصبيته و أتنهد بنرفزة و قال دورك جاي يا رعد جاي .
في جناح تميم .
تميم دخل جناحه و أذن بالخروج للحراس و الدكتورة و سالي كل دا كانت نايمة على سريره بصلها بدموع و حزن و أتنهد و راح وقف في بلكونة الجناح فضل واقف فيها دماغه عمالة تودي و تجيب و مين الي ممكن يكون عمل كده سالي صحيت من النوم بليل فتحت عيونها بتعب و أول ما تميم حس إنها صحيت دخل ليها بسرعة و قعد قدامها بلهفة و خوف عليها و قال بدموع أنتي كويسة .
سالي بدموع أيوه متقلقش .
تميم سالي أنتي متأكدة إنك مشوفتيش الي عمل كده .
سالي بدموع و توتر اه يا تميم متأكدة كملت بدموع نازلة في صمت تميم متسبنيش أبدآ أرجوك خليك معايا دايمآ و خلي بالك من نفسك و خد حذرك من أي حاجة .
تميم مسك إيديها بدموع و قال حاضر والله بس أنتي ليه بتقولي كده دلوقتي خاېفة من أي .
سالي بعياط و توتر عادي مش خاېفة من حاجة بس أنا بقولك بس .
تميم بإبتسامة و دموع طيب خلاص أهدي و روقي كده و متقلقيش والله أنا هعرف مين الي عمل كده قريب نامي