رواية قفلت موبايلي خالص من الفصل التاسع إلى الفصل الثالث عشر بقلم رحيق عمار

جنب زهرة باصص لها وفي عينه حنان غريب حنان الأخ اللي اتحرم سنين من أخته.
أول ما دخلت اتعدل في قاعدته و بص لها وابتسم ابتسامة حزينة
أول مرة أحس إني لاقيتها بجد كنت فاكرها حلم ذكرى من الطفولة بس هي هنا كانوا طول الوقت بيلعبوا ب عقلي.
عمر
بص لي وسكتنا للحظة قبل ما أكمل
انت اتجوزت وسبتني ليه
هز راسه وقال بهدوء
لأ انا متجوزتش..انا كدبت عليكي
پصدمة قولتله
ليه!!
اتنهد وهو بيقوم من مكانه وبيشاور علي باب الاوضة 
خلينا نتكلم برا في البلكونة أحسن بعيد عن زهرة
هزتله رأسي وانا بخرج معاه وبنقف سوا في البلكونة اللي أول مادخلتها حضنت نفسي بدراعتي من لسعت البرد اللي حسيت بيها فجأة ف لقيته قلع الجاكيت بتاعه وحطه عليا ف حطيت ايدي علي الجاكيت وانا بشيله وبقول
لا شكرا انا مش سقعانه.
رجعوا ليا تاني وقالي بحنية
بطلي عند انا عارف أنك بردانه
وبعدها بصلي بنظرة اشتياق وقالي بصوت هادي
وحشتيني اوي علي فكرة
حسيت برعشة في قلبي وعيني وسعت من المفاجأة بس فوقت نفسي وقولتله بحزم
انا عايزة أعرف إجابة سؤالي.
اتنهد وهو بيبعد عني وبيبص قدامه علي الأرضي الواسعة اللي قدامنا وسط ضلمة الليل..
زي ما قولتلك انا كدبت عليكي متجوزتش معرفتش. كنت كل مرة أقول أبدأ من جديد ألاقي نفسي راجع أدور أو خاېف أفتح باب جديد يخليني أضعف. وبصراحة
سكت لحظة وبص لي
أنا مكنتش قادر أنسى. أنتي كنتي دايما في الحتة اللي مش قادر أهرب منها حتى وأنا بعيد.
قلبي بدأ يدق بسرعة قربت خطوة وقولت
بس ليه بعدت ليه فجأة اختفيت من حياتي
عمر اتنهد وقال
عشان جدتي قالتلي وقتها إنك واحدة منهم إنك جزء من العيلة اللي خربت حياتنا وإنك ممكن تكوني خطړ... لعبت على خۏفي وانا صدقت.
بص في الأرض وقال
بس الحقيقة أنا بعدت لأني خفت خفت أحبك أكتر وفي الآخر أخسرك زي ما خسړت الكل.
قربت منه وقولت بصوت هادي
وأنا هان عليك تكسر قلبي بشكل دا!!
بص لي وكان في عينه نفس اللمعة القديمة بس المرة دي فيها ۏجع وسنين من الحنين.
أنا لسه بحبك يا هند.
الكلمات خرجت زي طلقة قصادها سكون تام بس جوايا كان في حاجه اتفجرت.
وأنا كمان بحبك أوي ياعمر.
كان نفسي اقولها لي...بس انا مش قادرة اسامحة علي عدم تمسكه بيا..وعدم ثقته فيه إني مش زيهم لأنه عارفني كويس..قضينا مع بعض الأربع سنين في كلية علوم...كان هو كل حاجة وأقرب حد لي الصديق والحبيب والأهل...حطيت كل أملي فيه وأنه هيكون العوض عن كل حاجة وحشه شوفتها او عشتها كل ما كنت أبقي مهمومة وتعبانة كان أول حد أجري عليه واحكيلة منغير اي تكلف.. كل حاجة كبيرة او صغيرة في يومي كان أول حد يعرفها وبعد دا كله كان خاېف مني وسبني!!
وفي اللحظة دي عرفت إن الطريق لسه طويل لكن يمكن لأول مرة همشي وانا خاېفة بجد خاېفة من الحقايق اللي بكتشفها..عن الوشوش اللي كل اللي حواليا مركبنها البشر هما أخطر شئ علي الإطلاق سبب فساد كل حاجة جميلة...
بصيت لعمر وقولت له...
...يتبع...
رحيق_عمار
بصيت لعمر وقولت له بصوت هادي لكن جواه زلزال
أنا مكنتش عايزة غيرك... كنت كل مرة أقول إنك أكيد ليا وإنك مش هتعمل فيا زيهم بس طلعت غلطانة.
هو بص لي وعينيه بتلمع
أنا عارف وعارف إني جرحتك بس صدقيني أنا كنت ضحېة زيك... كنت محاصر وخفت عليك أكتر ما خفت على نفسي.
بس مافكرتش تسألني! مافكرتش تواجهني! صدقت كلام جدتك بسهولة...