رواية بين سطور الخديعة الفصل الأول والثاني بقلم هبة أبو الفتوح

أي متاعب أنا خاېفة عليه خاېفة جدا.
فكر شوية وبعدها قال
بصي هو إحنا هنعمل إيه ده شغلنا من سنين السنين لو على مراد عندي حل! إنت ليه ما تبعتيهوش عند مامتك اللي أعرفه إنها كانت معارضة شغل أبوك من الأول وبعدت عنه لما أخدك ودخلك معاه في مجاله ابعتي مراد عند مامتك أضمن لحد ما نخلص من الوكر الحقېر ده.
ردت بإعجاب
تصدق الفكرة دي كانت تايهة عن بالي! شكرا جدا يا أمين مش عارفة من غيرك كان ممكن أكون فين!
شد على إيديها وقال بحنية
إمتى يا سهر هتقولي الكلمة اللي قلبي نفسه يسمعها إمتى بقى
ربتت على كتفه بدعم وقالت
قريب أوي يا أمين كل حاجة انت عايزها هتحصل.
كان هيتكلم لكن فجأة دخل مراد وقال بحماس
ماما! إنت بتعملي إيه هنا مش هتيجي تلعبي معايا
قربت منه شالته وقعدته على رجلها وملست على ملامحه اللي كانت صورة طبق الأصل من وليد عيونه الرمادية وشعره الداكن الطويل ابتسمت بحب وقالت
معلش يا قلب ماما أنا كنت تعبانة النهارده ومش هقدر ألعب معاك لكن عمو أمين هيلعب معاك مش كده يا أمين هتلعب معاه
أجابها أمين بلهفة
أيوه أيوه طبعا! ده حبيب قلبي وماينفعش يتعب ماما نهائي لأن أنا مش بحب أي حاجة تتعب حبيبة قلب أمين نهائي!
ما فهمش كلامه لكن ما اهتمش وفضل يكمل لعب.
نزلت سهر بابتسامة وقعدت على الكنبة جنبهم وقالت وهي بتوجه كلامها لمراد
مراد حبيب ماما بلاش تتعب عمو أمين معاك في اللعب.
رد أمين قبل ما مراد يتكلم
ما تقلقيش يا سهر مراد ابني وأنا عندي استعداد أفضل ألعب معاه العمر كله!
قالت بسخرية
تمام إنت حر يا أمين هو كده كده لما هيتعود عليك هيقرفك ومش هيسيبك نهائي اللهم بلغت اللهم فاشهد!
اتكلم مراد وقال ببراءة
ماما إنت ليه شريرة كده! عمو أمين طيب جدا وأنا بحبه! مش كفاية إني مش عندي بابي ألعب معاه
قربت منه قعدت جنبه وربتت على كتفه بحنان وملست على رأسه وقالت
من النهارده يا حبيبي أنا بابا وماما ومش عايزاك تزعل نهائي ولو انت مبسوط باللعب مع عمو أمين العب براحتك ولا تزعل نفسك يا قلبي.
لحظات وبصت لأمين وشاورت له بعينيها نظرة فهمها على طول ثواني وتحركت من مكانها وهو كان وراها ووقفت على جنب بعيد عن مراد استنت لحد ما أمين جالها وبصت له وقالت
وبعدين هنعمل إيه في عيشتنا مع بعض
ما فهمش قصدها فسألها باستغراب
قصدك إيه بعيشتنا مع بعض وضحي كلامك أكتر!
ردت بنبرة فيها ڠضب طفيف
يعني زي ما بقولك كده هنعمل إيه في حياتنا مع بعض إنت شايف إننا ابتدينا نتجه في اتجاه تاني وإنت عارف كويس إن الكذبة اللي قدام الناس مش هتستمر كتير ما تنساش الحرمانية في اللي بيحصل ده كله!
أجابها وهو بيتذكر
آه قصدك على موضوع جوازنا وبعدين هو أنا اللي مأجل ولا إنت! أنا اللي رافض نتمم عند مأذون ولا إنت! في إيه يا سهر ما تراجعي كلامك قبل ما تقولي!
ردت عليه پحقد وڠضب
إنت عارف إني رافضة الجواز ده نهائي لحد ما أجيب تار وليد وأبويا اللي ماټ وأعرف الحقيقة ساعتها يا أمين أنا هكون معاك!
قرب منها بخطوات وقال بحزن
طب وأنا فين من ده كله يا سهر! كل حياتك هتقضيها في الاڼتقام! طب وأنا وحبي ليكي اللي من سنين فين! إنت نسيتي إني تحملت قربك من وليد طول السنين دي كلها مع إني عشقتك قبله! ولسه مصممة ټجرحي في قلبي! طب ده أنا حتى ما