رواية دعنى احطم غرورك الفصل 65 بقلم منال سالم

ولا أي حاجة
عمر بنبرة جادة ليه يا أخينا شايفني ايه قدامك ده انا عمر الفتك
وائل وهو يلوي فمه ماشي يا فتك وعملت ايه معاها 
عمر غامزا وبنبرة لئيمة لسه هستأنف بعد المؤتمر
كور عز الدين قبضة يده في ڠضب أراد أن ېقتله على تغزله الصريح بها ولكنه حاول أن يتحكم في أعصابه بجهد مضني حنى لا يثير المشاكل لذا ...
عز بنظرات حانقة و پغضب ششششش مش عارف أركز اسكتوا شوية
عمر مبتسما في حرج احم .. آآ... سوري يا بشمهندس
وائل على مضض مبسوط جبتلنا الكلام
عمر وهو يغمغم بإيجاز خلاص يا سيدي
وائل بنبرة خاڤتة ومحذرة طب اسكت بس لأحسن اللي كلمك ده المهندس عز 
عمر بعدم اكتراث مين المهندس عز ما أنا زيي زيه ..!!!
وائل بنبرة محذرة لأ ده بعيد عنك بيلعب ملاكمة يعني الزعلة معاه بفورة
أسند عمر ظهره للخلف ووضعا ساقا فوق الأخرى و...
عمر وهو يعيد رأسه للخلف أها قولتلي ما أنا برضوه بلعب مصارعة
وائل بتهكم يا شيخ ده على البلاي استشن مش حقيقي
عمر مبتسما بس برضوه 
.......
ظل عز الدين يزفر في ضيق ولم يرفع ناظريه عن جانا أبدا وتملكه الشعور بأن ينهض حالا من مقعده ثم يتجه إليها ويحملها عنوة على كتفه ويخطفها أمام الجميع ويعود بها إلى فيلته .. 
لقد سيطرت الفكرة تماما عليه وحينما لم يجد مفرا من التحكم في أعصابه قرر أن يهاتفها لعله يستطيع أن ينفرد بها ..
فقام ب إخراج هاتفه المحمول من جيبه ثم ضغط على بعض الأزرار ليتصل بها ولكنه تفاجيء بأن الهاتف مغلق رغم أنه يراها تتحدث حاليا فيه .. فإزداد حنقه .. وتوقع أنها ربما تكون قد تخلصت من شريحة هاتفها القديمة لذا عمد إلى أن يتصل بياسين و.....
عز هاتفيا بنبرة غاضبة انت فين يا زفت
ياسين هاتفيا بحنق اييييييه في ايه هو أنا خلفتك ونسيتك
عز بلهجة آمرة انجز انت فين الوقتي عاوزك 
ياسين بخفوت انا في الحمام 
عز بضيق ملحوظ طب خلص
ياسين بنبرة متهكمة لأ أنا باحب أخد راحتي على الأخر اومال هما سموه ليه بيت الراحة عشان نقعد كده ونستكنيص 
عز بنبرة ممتعضة وهو يلوي فمه ت.. ايه ياخويا 
ياسين بهدوء ماتخدش في بالك
عز بنبرة متجهمة وتحمل نوعا من الوعيد أنا مش فايق لتفاهاتك دي معاك خمس دقايق وتكون قدامي الدقيقة السادسة لو ملاقتكش مش هاقولك هأعمل ايه فيك ..!!!!!
ياسين وهو يزفر في انزعاج اوووف خلاص جاي ... اصبررر
..........................
مرت عدة دقائق ثم دلف ياسين إلى القاعة وجاب ببصره المكان وبالفعل لمح عز الدين وهو جالس وعلامات الانفعال والعصبية المفرطة تتملك كل جزء فيه .. 
ابتلع ياسين ريقه وسار بخطوات متوجسة نحوه ثم جلس إلى جواره و...
عز بنظرات حانقة كل ده !!!!!
رمق ياسين عز الدين بنظرات متعجبة ثم ...
ياسين وهو يلوي فمه في تهكم ايه يا زيزوو هو يعني فاتني فتح عكا ..!!
عز بلهجة آمرة اتنيل بص هناك
ياسين بنظرات زائغة ونبرة خاڤتة أبص فين 
عز بضيق وهو يشير بعينيه هناك على شمالك يا زفت
ياسين على مضض طيب هبص بس ماتشتمش
عز متسائلا بنبرة ساخطة ها شوفت 
ياسين وهو يوميء برأسه وبنظرات غريبة اه شوفت .. ايه بقى 
عز بتهكم وانفعال ملحوظ انت أهبل ياض .. بقولك بص عدل
حدق ياسين بصره للغاية وجحظ عينيه ونظر إلى حيث أشار عز الدين مجددا و...
ياسين بإنزعاج ما أنا باصص أهو على ايه بقى
عز بنفاذ صبر انت هتجنني بص على جانا
ياسين متسائلا ببلاهة جانا مين 
عز