رواية موضوع عائلي بيت الهنا الفصل 38بقلم رحاب القاضي

ان احنا مهمين وانتي خلاص واحده مننا احنا كلنا حبناكي واتقبلنا وجودك معانا فهنستنااكي النهارده اووكي..
رضوي 
طيب هقول لماما وهرد. عليكي
منه 
اسمها هتقنعي ماما وهتيجي هتبعتلك اللوكيشن وهتبقي عندنا الساعه تمنيه اوكيشن يا اسطا..
رضوي بحماس
اوكي حاضر ان شاء الله هاجي..
منه 
اشطا واحنا هنستناكي باي باي...
_قفلت معاها رضوي وهي مبسووطه من مكالمة منه ليها واهتمامها هي وزمايلها انها تبقي موجوده معاهم وفي الوقت ده خرجت ليلي من اوضتها وقالت..
ليلي
ايه ده بتضحكي ده انا بقالي كتير ما شوفتش الابتساامه الحلوه دي..
رضوي 
ماما كنت عايزه منك طلب..
ليلي
مش فاضيه رايحه لابوكي عشان عنده معاد مع الدكتور هنطمن عليه وهيغديني بره النهارده جهزي بقي انتي الغدا لاخواتك
رضوي 
هو انتي وجوزك تروحو تدلعو وتدبسوني انا بس انا ممكن اجهز الغدا وكمان اعملك كل شغل البيت من غير ما تبقي شايله هم حاجه..
ليلي 
قولي يا رضوي المقابل اللي انتي عايزااه واخلصي...
رضوي 
فاكره يا ماما صحابي اللي حكيتلك عليهم اللي اتعرفت عليهم في الكورس اللي باخده..
ليلي 
ايوه كورس المجانين..
رضوي 
ما اسموش كورس مجنين اسمه كورس تنميه نفسيه..
ليلي 
ايا كان اسمه عارفه يا رضوي لو حد عرف انك بتروحي هناااك هتتنفخي انا مش عايزه حد يقول عليكي بايره عشان مجنونه..
رضوي بغيظ 
شكرا يا ماما وما تقلقيش ما حدش هيعرف المهم هما عازميني علي العشا النهارده وانا عايزه اروح..
ليلي
طيب رووحي بس ترجعي الساعه تسعه
رضوي
يا ماما انا رايحه الساعه تمنيه بصي. والله هاجي قبل 12.
ليلي
انا مش عايزه اسمع كلمه كده ولا كده من ابوكي واخوكي تروحي وتيجي بدري يا رضوي..
رضوي
حاضر والله روحي يلا بقي لاحسن تتاخري علي بابا ما تخليش الراجل يستني..
ابتسمت ليلي بهدوء وقالت
مااشي خلي بالك من اخواتك والبيت وابقي البسي حاجه حلوه وانتي رايحه لصحاابك بلاش الالوان الغامقه بتاعتك دي..
رضوي
حاضر..
بقلم_الكاتبه_رحاب_القاضي 
_وبالليل في الصعيد كان قااعد شعبان مع خلف وقاله بقلق وپخوف..
شعبان 
الرجاله اختفو كأنهم فص ملح وداااب
خلف بجمود
عبدالله طالع ومش ناوي علي خير معني اني ابعت رجالتي عشان تديه درس محترم وما يرجعوش يبقي هو بيخطط لحاجه اكبر من اللي احنا مفكرين انه ممكن يعملها..
شعبان 
وهنفضلو قاعدين اكده ما احنا لازم نلاقي حل يا ابوي..
خلف 
عبدالله لازم يمشي من البلد البلد ليها كبير واحد اللي هو انا وما ينفعش عبدالله يبقي موجود بكره هروح للحج سلطان وهو بطريقته هيطلع عبدالله من البلد..
شعبان 
ويرجعو اسرار بت عمتي ومكانها معانا احنا مش معاهم..
خلف 
يادي اسرار وسنين اسرار انا مش هحط موضوع البت دي في اعتباري تاني انا اللي يهمني فيها الارض بتاعتي وبس انا طالع انام وانت ما تتصرفش من قبل ما ترجعلي يا شعبان اديني بحذرك..
شعبان بضيق
حااااضر يا ابوي...
بقلم_الكاتبه_رحاب_القاضي 
_وبالليل في بيت الاستاذ حسن كان طارق هو وحسن لوحدهم وطارق قاله پحده..
طارق 
هي موافقه وانا موافق ومتفقين علي كل حاجه انت بقي معترض ليه يا بابا..
حسن 
هنا صغيره يا طارق ولسه قدامها مستقبل كبير وهي طموحها اكبر...
طارق 
وانا يعني اللي هوقف طموحها بالعكس ده انا اكتر واحد هدعمها فيكم..
حسن 
مش عليا انا الكلام ده انا عارفك كويس بتقول دلوقتي كلام وفيما بعد لو طلعت في دماغك ما تخليهاش تكمل تعليمها هتعمل كده وما حدش فينا هيقدر يقولك حاجه ما هي هتبقي مراتك فعشان كده انا مش موافق..
طارق 
ليه بتعمل فيا كده يا بابا اي اب في الدنيا بيبقي نفسه ومني عينه يجوز ابنه ويفرح بيه الا ابويا انا....
حسن 
سيبك من الموضوع ده دلوقتي وقولي العريس اللي متقدم لاختك ده انت متأكد انه كويس..
طارق
لا لا فكك منه وما تقولهاش اني قولتلك
حسن 
ما تكلمني كويس يا حيوان انت ماله يعني ما انت قولتلي انه محترم وابن ناس..
طارق
فتحت الموضوع مع رضوي هي مش عايزه تتجوو واحد ارمل ومعاه طفل وبعدين حقها تختار واحد تبقي هي اول فرحته يا بابا...
قعدت ليلي معاهم وقالت 
اختك مش صغيره عشان نقول الكلام ده خليه يجي ويمكن لما تشووفه تغير رأيها..
حسن 
بالعكس يا ليلي المره دي طاااارق معاه حق مش هرمي انا بنتي لواحد عايزها عشان تربيله عياله
طارق 
انت تعرفه علي فكره يا بابا اسمه جاسر عبدالرؤوف
حسن 
انا شوفته واتكلمت معاه مش ده اللي هو دكتور اسنان فااكره يا ليلي الدكتور اللي لما كنت عامل العمليه جه واطمن عليا وقالي انه هيجي يطمن عليا تاني بس ما حدش شاف وشه..
طارق 
ما هو في الوقت ده مراااته ماټت يا بابا وظرووفه كانت زي الزفت...
ليلي 
ايوه افتكرته اخو صاحبك دراجل طول بعرف وشكله محترم تديه 35 سنه كده او اكبر شويه وشكله كويس وابن نااس يبقي نرفض ليه يا حسن سيبك من رضوي انا هقنعها خليه بس يجي وو..
طارق 
استني يا ماما علي فكره ده كان متجوز مرتين ومطلق منهم واحده عارضة ازيااء مشهوره وكانت ليها ڤضيحه معاه كمان وبعدين اتجوز مراته اللي ماټت دي
ليلي بأحباط 
انا مش فاهمه البت رضوي حظها عامل ليه كده..
حسن 
طيب قولو خلاص ما يجيش انا باخد رئيكم اهو..
طارق 
انا مش عارف بصراحه هو كويس وسمعته كويسه وخاېف نرفضه ما يجيش لرضوي حد احسن منه...
ليلي
طيب خليه يجي ونتكلم معاه يمكن يكون في سووء تفااهم ما انت لو بصيت علي موضوع رضوي من بعيد هتقلق يعني ايه ابن عمتها يسيبها وبعدها خطوبتها تتفسخ قبل الفرح باسبوع ناس كتير هتعيب فيها عشان ما يعرفوش الحقيقه فبلاش نحكم علي الناااس احنا كمان من بره وخليه يجي وتتكلم معاه ولو عنده طفل ولا اتنين مش مشكله يعني تربيهم وتاخد ثوابهم دول ايتام
حسن 
بقولك يا طارق انت تستنااه يكلمك هو الاول عشان يشووف ردنا عليه موافقين ولا لا وبعدين احدد معاه معاد...
ليلي
ياارب بقي المره دي الموضوع يتم وافرح بيها..
طارق 
بقولك يا ماما جوزك مش راضي علي موضوع جوازي انا وهنا..
حسن 
طارق اقفل الموضوع ده هنا مش هتتجوز غير لما تخلص الجامعه بتاعتها وتبقي هي موافقه بأرداتها مش بسبب ضغطك عليها..
ليلي 
يا حسن ما البنت موافقه بتعقدها ليه عايزين نفرح بقي..
حسن
حتي لو هي موافقه انا عارف مصلحتها اكتر منها يا ليلي ومش هقبل ان ابنك الاناني ده يتجوزها ويقعدها جنبه يبيع ويشتري فيها..
بصله طارق بحزن وليلي قالت 
يعني هو يقدر برضو يعمل كده يا حسن اومال احنا روحنا فين..
حسن 
وانا مش هعيشلهم العمر كله وزي ما بسعي احاافظ علي بناتي واخليهم يعتمدو علي نفسهم واطمن عليهم لازم كمان اطمن علي هنا انها تبقي معتمده علي نفسها ومش محتاجه لحد..
قام طارق وقال بغيظ 
انا رايح الكافي اشووف شغلي وهتجوزها يا بابا انا مش هستني حد يتحكم فيا وفي حياتي تاني..
قال كلامه ومشي وحسن قال پحده ل ليلي
شايفه قلة الادب..
ليلي 
ما انت مزودهم اووي يا حسن بص انا عارفه ان هنا متربيه وعمرها ما تغلط وطارق كمان بس الشيطان شاااطر وانت هتخليهم فوق الخمس سنين مخطوبين وهما قاعدين في بيت واحد..
حسن پحده 
انتي بتقولي ايه يا ليلي
ليلي 
مش قصدي حاجه بس كلام النااس وحش خليه يتجوزها ووالله هيخليها تكمل تعليمها طارق بيحبها ومش هيرضي يزعلها..
_في الوقت ده كانت هنا واقفه في اوضتها عند الباب وسمعت كلام ليلي ودموعها نزلت بحزن ورااحت قعدت علي السرير