رواية موضوع عائلي بيت الهنا الفصل 38بقلم رحاب القاضي

بسرعه..
عز 
ان شاء الله اول ما توصلي شغلك كلميني..
فيروز
حاضر باي باي..
_قفل معاها عز واخد الشاي بتاعه واول ما خرج من المطبخ لقي عبدالله راجع من بره وملامحه كلها ڠضب فقاله بقلق.
عز 
يخربيتك انت مش نايم فوق....
عبدالله 
لا كنت عند خلف..
عز
قټلته ولا لسه
عبدالله 
مش طالبه هزارك يا خالي بقولك تعرف توصلني لسلطان العدوي
عز 
انت عايز الراجل ده في ايه
عبدالله 
عايزه مالوش دعوه باللي هيحصل في خلف وابنه
عز
هتدفع كتير الراجل ده ما بيتعاملش غير بالفلوس ده يعتبر هو اللي متحكم في الصعيد وو.. مش ده صوت كمال..
_دخل في الوقت ده كمال ومعاه روان واول ما شافهم عبدالله قال پحده..
عبدالله 
برضو يا كمال مش قولتلك ما تجيش..
كمال 
دي مش مشكلتك لوحدك انا وانت فيها سوا وانا مش هسيبك لوحدك يا عبدالله..
عز ابتسم وقال
طلع عنده ډم من امتي يا واد يا كمال الحنيه دي....
كمال 
ما بلاش انت يا خالي ده انا امي ديما لما تشتمني تقولي روح وانت شبه خالك...
ضحكو كلهم وعز قال 
اكيد تقصد حسن مش انا يعني بتضحكو علي ايه ولاد الجزم انتو....
قرب عبدالله من روان وقال بهدوء
مش قولتلك ما تجيش وانا لما هفضي هبقي اجي اخدك..
روان 
اول ما عرفت انك خرجت ما قدرتش ما اجيش يا عبدالله..
عز 
سبحااانه.. عامله ايه يا روان هوا انا قاااعد مش تسلمي علي عمك
مسك عبدالله ايد روان وقال 
جايه من السفر تعباانه يا خالي ومحتاجه ترتاح وانا طول الليل ما نمتش كويس وعايز ارتاح انا كمان..
روان بصتله پصدمه من كلامه وعز ضحك بهدوء وقال
فايق ورايق كأنك مش لسه جااي من بيت خلف.
كمال
انت كنت هناااك بتعمل ايه
عبدالله 
النااس اللي خلف خدهم يشغلهم في بيته وكانهم عبيد عنده كانو لازم يلاقو حد ينجدهم منه فروحت خلصت الموضوع ده..
ودخل في الوقت ده ماهر وقال
عبدالله بيه حضرة الظاابط علاء باعت عسكري وعايزك في القسم..
كمال 
انا هروح معاك
عز 
اطلع انت ارتاح يا كمال وانا هروح معاه ما تقلقش ما فيش حاجه القضيه خلصت خلاص والظابط علاء ناوي علي الخير معانا..
عبدالله بغيظ 
احتمال ارجع بالليل يا روان ما خالي عز حط عينه في الموضوع..
روان 
خلي بالك من نفسك وانا هستناك..
ابتسملها بهدوء وقال لكمال
خلي بالك منها يا كمال.....
ومشي عبدالله هو وعز وكمال قالها
بت يا روان اعمليلي قهوه دماغي ۏجعاني. ..
روان 
خدامة اهلك انا اعمل لنفسك انا طالعه انام..
كمال 
اومال فين الهدوووء اللي كان من شويه...
وقال وهو بيقلدها 
خلي بالك من نفسك هستناك..
روان 
يا ظريف ما تتكلمش معايا يا كمال والله لما يجي عبدالله لاقوله انك بتتنمر عليا..
_قالت كلامها وسابته وطلعت اوضتها وهو ضحك بهدوووء عليها وخرج وقعد في الجنينه..
بقلم_الكاتبه_رحاب_القاضي 
_وتاني يوووم الصبح في مكتب المحامي اسلام البحيري كان قااااعد حسن معاه في مكتبه وقاله..
حسن 
انا بعتذر جدا يا استاذ اسلام اني اتأخرت عليك المفروض الفلوس كانت تبقي عندك امبااارح..
اسلام
ولا يهمك يا استاذ حسن المهم ان القضيه خلصت علي خير..
حسن 
انا اسمع عنك ديما انك ما بتخسرش ولا قضيه بتدخلها وهو ده اللي مخليك تبقي اشهر محامي في البلد...
اسلام
متشكر جدا يا استاذ حسن عزالدين بيه ياما ساعدني وانا في بدايتي وعشان كده انا مش هاخد غير نص المبلع بس..
حسن 
الموضوع ده بينك وبينه انا جيبتلك فلوسك وكاااش زي ما طلبت هتاخدهم هتاخد نصهم بقي لما يبقي يرجع انتو حرين مع بعض..
اسلام ابتسم وقال 
تمام يا استاذ حسن علي خير.
قام حسن وقال 
وفرصه سعيده يا استاذ اسلام..
اسلام قاام وسلم عليه وقال
الله يسلمك يا استاذ حسن واتشرفت بمعرفة حضرتك..
_ومشي حسن من عنده وبعد شويه دخل يااسر صااحب اسلام عنده وقاله..
ياسر
فينك يا عممم بكلمك من بدري....
اسلام بهدوء
كانت عندي جلسه يا ياسر وزي ما انت شاايف مشغول.
جلس يااسر امامه قائلا
انت ديما كده مشغول والله صعبان عليا وعشان كده هنسهر سوا النهارده وعاملك حتت مفاجأه..
اسلام
لا يا عم الله الغني عنك وعن مفجآتك دي..
يااسر
ما تبقااش وش فقر كده دي ليله واحده..
تنهد اسلام بضيق واجابه قائلا
لا يا يااسر انا مش هخون مرااتي..
ياسر بسخريه
مرااتك! ما انت قايلي علي اللي فيها انت ونشوي جوازكم بقاله سنين علي ورق عيش حيااااتك يا صاااحبي وانبسط من الاخر كده بالليل هنتقابل ومالكش دعوه بحاجه تانيه هتدعيلي عمرك كله..
اسلام 
طيب يلا قووم امشي انا مش فاضيلك..
ياسر
همشي بس هنتقابل بالليل وفكك من نشوي دي خالص..
اسلام 
طيب وطي صوتك عشان اخوها بره.
ياااسر
قصدك عمر العصفوره ما تطرده من عندك الواد ده هي مشغلاه معاك عشان ينقلها اخبارك...
اسلام
انت مالك امشي يا ياسر انا مش فاضي..
بقلم_الكاتبه_رحاب_القاضي 
_وبالليل في بيت الصاوي كان قااعد. يووونس هو ويزن اللي قاله بجديه..
يزن 
كده انا خلصت كل الشغل اللي حضرتك طلبته مني..
يونس
تمام عامل ايه بقي في الشركه بتاعتك
يزن 
اهو شويه هنا وشويه هناك والدنيا ماشيه بس يوسف فين ليه ما بيجيش الشغل...
يونس
مش عارف من امبارح ما رجعش البيت بص انا غلبت معاه هو لو كان اتغير عشان رضوي بس يبقي هو كده ما اتغيرش لو ما بقاش شخص كويس لنفسه عمره ما هيبقي كويس..
يزن 
طيب وبعدين يا بابا ما هو اكيد مش هيفضل طول عمره كده ده لحد دلوقتي ما اتخرجش من الجامعه..
يونس
مش عارف اعمل معاه ايه قولت هيتجوز ويتلم مثلا ولما يبقي عنده طفل هيحس بالمسؤليه بس طلع همه اكبر من كده ومش ناوي يعقل..
يزن 
حاول بس تخليه ينزل الشغل معايا وانا هظبطه..
يونس
خدلك يومين راحه كده انت تعبت الفتره اللي عدت دي..
يزن 
لا مالوش لزوم انا ما بحبش اقعد كده من غير شغل هطلع بقي تصبح علي خير....
ابتسم يونس بهدوء وقال 
وانت من اهل الخير...
_وطلع يزن شقته وفضل يونس قااعد لوحده وجات شهد قعدت معاه وقالتله..
شهد 
انت تبطل تخرج يارا فااهم
يونس
في ايه مالك ومالي انا وبنتي..
شهد 
ما هي جات تعباانه ونامت وما فيش مذااكره خالص..
يونس 
بكره تبقي تذااكر وبعدين اخواتها مش فاضين ودي بنوته عايزه تخرج وتتفسح وتدلع..
شهد 
اشمعنا الكلام ده مع يارا هو انت عمرك اخدتني وخرجتني يا يونس
يونس
يادي ام النكد المهم نيللي كويسه
شهد بحزن 
لا طبعا البيه من امبارح ما جاش وهي اصلا من لما جات بيتنا هنا وعلي طول حزينه كده ومكتئبه بس حقها يوسف ما بيسبش فرصه غير لما يسمعها كلام زي السم..
يونس
الواد ده حاله هيتعدل امتي انا تعبت منه عملت ايه في حياتي بس عشان اخلف عيل يعمل فيا كده..
ضحكت شهد بسخريه وهو قال 
اتلمي طيب وبعدين لو الحل انه يتجوز رضوي هجوزهاله..
شهد پحده 
لا طبعا ونيللي
يونس
انا المهم عندي مصلحة ابني يتجوز الاتنين..
شهد 
جاتك نيله عليك وعلي ابنك هو انت ايه بنات النااس لعبه معاكم ذنبها ايه رضوي تتجوز واحد جرحها وخاڼها وكمان نيللي ليه يتجوز عليها وانت فاكر كده ان يوسف هيبقي مبسووط انت كده بتعوده انه يغلط وفي الاخر انت هتلم ورااه وهتعمله اللي هو عايزه
يونس
ومن امتي القلبه السودا دي علي ننوس عين امه
شهد بحزن 
من لما بقي يتمادي في الغلط خلينا متفقين انه غلط ولازم يتحمل نتيجة غلطته ولازم يحترم مراته عشان خاطر ابنه اللي جاي ده لكن هو مشيل نيللي الذنب لوحدها وكأنه هو الضحيه..
يونس 
طيب اعمل ايه معاه يا شهد
شهد 
سيبه يمكن اول ما نيللي تولد ويشووف ابنه يتغير من