رواية موضوع عائلي بيت الهنا الفصل 38بقلم رحاب القاضي

بتاعها ومسكت صورة باباها ومامتها وقالت بحزن..
هنا 
انا دلوقتي في اكتر وقت محتجالكم فيه لو انتو كنتو موجودين ما كنتش عمري هوافق اتجوز طارق وانا مش عايزاااه حتي لو كنت مفكره نفسي بحبه هو بطريقته دي بيخليني رفضااه اكتر...
بقلم_الكاتبه_رحاب_القاضي 
_وفي بيت راقي جدا وقفت رضوي بعربيتها قداامه وكلمت منه وقالتلها..
رضوي 
ايوه يا منه انا وصلت اهو..
منه 
طيب ادخلي احنا كلنا جوه اهووو..
رضوي 
اوكي حاااضر...
_قفلت معاها رضوي ونزلت من العربيه ودخلت البيت ولقيتهم فعلا كلهم قااعدين في الجنينه وفاطمه وكريم ومنه واقفين علي ترابيزة الاكل وحامد والاستاذ حسام وعبدالرحمن قاعدين قدام شاشه كبيره وييلعبو بلايستيشن...
_واول ما شافها الاستاذ حسام ابتسم بهدووء وقاام من جنب حامد وقال....
حسام
اهلا وسهلا يا رضوي كل ده تاخير...
رضوي 
معلش بس الطريق كان زحمه..
وراحلهة كريم ومنه اللي قالت
مش قولتلكم انها جايه اصلهم ما كانوش مصدقيني..
رضوي 
لا عادي جيت اهو..
كريم 
وايه اللي جابك انا ما عملتش حسابك في الاكل..
بصتله رضوي بأحراج ومنه ضحكت وقالت 
هههه انتي صدقتي ده بيهزر..
كريم 
لا انتي تتعودي عليا وعلي هزاري..
رضوي بغيظ 
هزارك رخمم ما تهزرش معايا كده تاني...
_ابتسم حامد وهو بيبصلها بهدوء من غير ما يقوم من مكاانه ومنه قالت بهدوء..
منه 
جدعه يا رضوي هو يستاهل عشان هزاره رخممم..
رضوي 
انا مش بتقبل الهزار بالطريقه دي واتفضل جيبتلك شوكلاته بما اني اول مره اجي بيتك يعني..
كريم 
ميرسي اتفضلي..
منه 
خليكم بقي قااعدين مع بعض وانا هاخد رضوي تجهز معانا باقي الاكل...
_وراحت فعلا رضوي مع منه ووقفت معاها هي وفاطمه وكريم راح قعد جنب حاامد وقال..
كريم 
شوفت ردت عليا ازاي دي بتخووف شوفت بصتلي ازاي ايه الشخصيه دي..
حامد بهدوء
ما ترخمش عليها تاني دي مختلفه ومش هتسكتلك..
كريم 
انا ھموت واعرف مين القااادر اللي خزوقها ده عملها ازاي ابن المفتريه...
اتنهد حامد بضيق وعبدالرحمن قال
خد يا كربم كمل لعب مع عمو حسااام انا مش قده الراجل ده..
كريم 
هات هقطعك يا عم حسام..
حسام
تعالي يا حبيبي وهنشوف مين فينا اللي هيقطع التاني..
فاطمه بصوت عالي 
حد منكم يجي يساعدنا مش جايين تقعدو انتو واحنا نخدمكم...
حسام 
قوم يا عبده ساعدهم..
عبدالرحمن 
لا لا بلاش عشان رضوي..
حامد 
مالها رضوي
عبدالرحمن بأحراج 
عشان ما تقرفش مني ولا تخاف من المړض بتاعي..
كريم 
يعم قووم يمكن تطلع نفسها حلوه زينا كده...
حسام 
اسكت يا كريم...
حامد 
خلاص انا قايم اشوفهم عايزين ايه خلاص..
وقاام حامد ووقف جنب منه وقال 
عايزني اعمل ايه
فاطمه 
غريبه اول مره تعملها يا حامد وتيجي تساعدنا..
بصت منه لرضوي بخبث وقالت 
سبحااااانه ده احنا نجيب رضوي علي طول بعد كده عشان تتواضع معانا..
اتوترت رضوي من كلام منه وحامد قرب من رضوي وقالها 
هو انتي عندك مشكله مع عبدالرحمن
رضوي بعدم فهم 
لا طبعا انا اصلا دي تاني مره اشوفه فيها
بصولهم منه وفاطمه باهتمام وحامد قال 
هو حاسس انك ممكن تبقي مدايقه بسبب مرضه وعشان كده ما رضيش يجي يساعدكم خاف تقرفي منه..
رضوي 
لا طبعا... خلاص انا هتصرف..
_وراحت رضوي قعدت مكان حامد جنب عبدالرحمن اللي استغرب تصرفها وقالتله بهدوء..
رضوي 
انت بتاكل ايه
عبدالرحمن 
شوكلاته...
رضوي 
ممكن واحده..
عبدالرحمن 
العلبه قداامك اهي ده انتي اللي جيباها..
رضوي 
لا اديني انت اصلهم بيقولو انك بتقول ان انا قال ايه قرفاانه منك وهقرف منك ليه يعني..
عبدالرحمن بتوتر 
انا مقدر تعاطفك معايا بس..
رضوي 
من غير بس انا ما بتكسفش من حد لو في مشكله معايا من ناحيتك كنت هقولك.
_قالت كلاامها واخده الشوكلاته اللي في ايده واكلتها وفي الوقت ده بصلها حامد وابتسم بأعجاااب كبير ومنه قربت منه وقالت..
منه 
احم احمم عينيك فضحاااك علي فكره يا حمودي..
حامد بهدوء
عادي يعني بس هي شخصيه كويسه للاسف ما كانتش تستاهل انها تدخل في علاقه مع ابن عمي خالص..
منه 
بس ما تنكرش انك كنت معجب بيها وعايز تتقدملها لولا ان عمك وقف في الموضوع..
حامد 
الموضوع ده اتقفل بالنسبالي اصلا من زمان المهم عايزاني اعمل معاكم ايه..
منه 
هو انت بتعرف تعمل حاجه اصلا يا حامد رووح اقعد وابعتلنا رضوي..
حامد 
رضوي ضيفه ما تتعبيهاااش..
قال كلامه ومشي وضحكت منه هي وفاطمه اللي قالت 
حامد طيب وقف جنبنا كتير ايه رئيك نسااعده..
منه 
اخااف من رد. فعل رضوي لتزعله فاهمه
فاطمه بخبث
سيبي الموضوع ده عليا انا...
_وبعد شويه كانو كلهم قااعدين مع بعض معادا كريم وحساام اللي بيلعبو سوا وفجأه كريم قال پحده..
كريم 
ايه يا عم الرخامه دي..
عبدالرحمن 
مش قولتلك مش بيخلي حد. يكسبه..
حساام 
يا ده انا كنت معلم فيها لما انت كنت لسه بتتعلمها..
ضحكو كلهم وكريم قال 
عيب عليك تبقي راجل كبير وتقول كلام التكاتك ده..
حسام 
الواد خالد ابني بيقول حاجات اكتر من كده فبحاول اخليه يبطل يقول الكلام ده بقيت انا في الاخر بتكلم زيه..
كريم 
خليه يتابع الشيخ محمد ولا اقولك كان نفع ابنه..
حامد 
ولما اديك بالجزمه يا كريم دلوقتي هتبقي مبسوووط...
كريم 
خلاص حلاص مش هجيب سيرة الحج تاني قوليلي يا رضوي ما تحكيلنا الخازوق بتاعك بالتفصيل عشان نتعلم من تجربتك..
رضوي 
مالكش دعوه..
ضحكو كلهم وكريم قال 
في ايه يا ولين قارشه ملحتي ليه كده..
فاطمه 
بس يا كريم ما تتكلمش تاني..
كريم 
والله احسن ليا الناااس تصااحب ناااس عاديه انا الشله بتاعتي شوية معقدين..
عبدالرحمن 
ما فيش فايده كلنا هنتعالج ونخف الا بوز الاخص ده..
رضوي 
هو مين اول حد كان في الجلسه دي
منه 
تتوقعي مين
رضوي 
ممكن الاستاذ حسام
حسام
اولا انا اسمي عمو حساام ثم ان انا مش اول واحد عند الدكتوره سلوي انا روحت في الاخر وبعد مني جه عبدالرحمن وبعدين انتي..
فاطمه 
انا وكريم كنا اول اتنين عند الدكتوره سلوي وفكرة الجلسه دي انا اللي طلبت من دكتوره سلوي تعملها وبعدين جات منه وبعدين حامد..
منه 
انتي عارفه المشاكل بتاعتنا كلها او سبب وجودنا عند الدكتوره سلوي..
رضوي 
مش كلكم بصرااحه يعني عرفت مشكلة كريم وعبدالرحمن وحامد..
كريم بخبث
ايييه يا حمووودي انت حكيتلها ولا ايه امتي احنا ما شوفنااش انك حكيتلها حاحه قدامنا..
حامد 
يا ابني اسكت بقي ما تبقااش رخمم..
حساام 
انا مشكلتي يا رضوي اني كنت متجوز واحده شايفه نفسها هي الراجل وانا الست..
كريم 
اوعي تفهمي غلط يا رضوي هو قصده في الحياه عموما..
رضوي پحده
انت مستفز علي فكره اسكت عشان انا قربت اجيب اخري منك..
مسك كريم في دراع حامد وقاله 
وربنا بتخووف بص بتبرقلي ازاي..
ضحك حامد بهدوء ورضوي قالت 
سمعاك يا عمو حسام اتفضل كمل..
حسام 
دي كل الحكايه انها فرضت شخصيتها عليا وانا عشان بحبها وكنت بخاف علي زعلها كنت بسكت لحد ما بقيت ضعيف الشخصيه اووي معاها ومع اهلي ومع صحابي واولادي وفي شغلي..
رضوي 
وحضرتك لسه مستمر معاها لحد دلوقتي
كريم 
لا طلقها وغارت وكنت بتحب فيها ايه دي كانت شبه وحيد القرن بمناخيرها اللي عشره متر دي..
حسام پحده 
اتلممم يا كريم دي ام ولادي برضو..
فاطمه 
انا مشكلتي بقي حماتي انا اتجوزت في سن صغير اووي كان عندي 18 سنه جوزي بيسافر كتر بره مصر وبيسيبني لامه عقدتني في حياتي انا عندي فوبيا منها للنهارده مجرد ما بسمع صوتها بټرعب بس مؤخرا بقيت بعرف اواجهها واقف قدامها واخد حقي وحق ولادي منها..
كريم 
انتي لو ست شااطره اصلا كنتي خليتي جوزك يقعد معاكي بدل ما سيباااه يتصرمح في بلاد الخوجات...
رضوي
انت بتشتغل ايه يا كريم عندي فضول اعرف..
عبدالرحمن 
من وجهة نظرك كده تفتكري هو شغال ايه
رضوي
شغال في بنك اصله نفس رخامة موظفين البنك
كريم 
ايه الخفه دي وبعدين انا شغال حاجه مهمه اووي..
رضوي 
هي ايه
كريم 
بيزنس مان..
ضحكو كلهم وحسام قال
البيه عاااطل بيصرف من فلوس ابوووه وامه...
كريم 
ما انا كل ما