رواية موضوع عائلي بيت الهنا الفصل 38بقلم رحاب القاضي

اروح اشتغل بتطرد اعمل ايه
منه 
ما هو من لسااانك لما تبطل تنمر علي الناااس هتلاقي النااس كلها بتحبك
كريم بخبث 
ما انا ما بتنمرش عليكي علي فكره..
اتوترت منه وقالت 
قولي يا حامد ايه رئيك لو رضوي تيجي معانا في العرض الجديد..
رضوي 
عرض ايه
حامد 
استني بس رضوي هتيجي تعمل ايه بالظبط
منه 
بص يا سيدي من شويه وريتها الكاميرا بتاعتي ولقيتها بتعرف تستخدمها كويس وبحرافيه فلو جات ممكن نستفااد منها في حوار التصوير زيي يعني وكده كده هي فاضيه..
رضوي 
لا انا مش فاضيه..
حامد 
انتي مش قولتي انك سيبتي الشغل تعالي اهو تتسلي شويه..
رضوي 
بس انا مش معايا كاميرا
حامد 
موجود عندي وبعدين منه اهي بقيت بتشتغل معايا ومبسووطه مش هبقي المدير الرخم ما تقلقيش..
منه 
خلاص هي وافقت المهم انا مجهزالكم حتت فيلم هنقضي عليه باقي السهره..
رضوي 
انا كان نفسي اقعد معاكم اكتر من كده بس انا لاوم امشي عشان ما اتأخرش..
كريم 
بطلي رخامه واقعدي لسه الساعه ما جاتش 11..
رضوي 
ما انا يا سكر ما ينفعش اقعد بره البيت ل فلازم اروح دلوقتي..
فاطمه
خلاص سيبوها براحتها وان شاء الله بعد كده هنتجمع سوا بدري شويه عن كده عشان تقدري تقعدي معانا براحتك..
رضوي 
ان شاء الله بعد اذنكم..
مشيت رضوي وعبدالرحمن قال
لطيفه اووي رضوي مع انها تبان تنكه ورخمه بس طلعت بنت متواضعه وجميله
حسام 
فعلا وطيبه اووي كمان..
بصت فاطمه لمنه وغمزتلها وقالت 
ايه ده رضوي نسيت المفاتيح بتاعتها معلش يا حامد روح اديهم ليها..
حامد اخد منها المفاتيح وقال 
حاضر..
خرج حامد وكريم قال 
انتو بتخططو لايه انتو الاتنين
منه 
بنوفق راسين في الحلال يا كيمو..
كريم 
امممم ربنا يقدركم علي فعل الخير..
حسام 
الفيلم فين يا منه..
منه 
ايوه دقيقه واحده هشغله..
_وفي الوقت ده بره البيت كانت رضوي واقفه جنب عربيتها مدايقه وهي بتدور علي المفاتيح بتوعها في شنطتها ووقف حامد جنبيها وقال..
حامد 
المفاتيح اهمم خلي بالك من حاجتك بعد كده
رضوي 
شكلهم وقعو مني وبعدين انا مش عارفه اين اللي حصل للعربيه الاربع فرد علي الارض مع اني جايه بيها كويسه..
حامد 
ازاي ده حصل.. تلاقيه حد رخمم عمل الحركه دي ما تقلقيش تعالي انا هوصلك..
رضوي 
لا لا خلاص انا هطلب اوبر..
حامد 
كده هتتأخري علي البيت يلا انا كده كده مروح انا كمان..
رضوي 
مش عايزه اتقل عليك..
حامد 
احنا مش اتفقنا نبقي اصدقاااء يبقي ما فيش بينا الكلام ده يا رضوي يلا بينا..
بقلم_الكاتبه_رحاب_القاضي 
_وفي بيت يونس الصاوي كان راجع يووسف من بره وكانت نيللي قااعده في الجنينه وقدامها اللابتوب بتاعها وجنبيها يارا...
يوسف 
في حاجه ولا ايه
يارا 
نيللي طلعت شاطره اووي يا يوسف دي بتشرحلي حاجات عندي احسن من المدرسين نفسهم..
قعد يوسف معاهم وقال 
ما تتغريش فيها هي تبان كده وفي الاخر هتصدمك فيها..
نيللي 
خلاص يا يارا نكمل وقت تاني..
يارا 
ماشي وشكرا اووي يا نيللي..
واخدت يارا اللابتوب بتاعها ومشيت ونيللي قالتله پحده 
انت ليه بتعمل كده وليه ديما بتحرجني قدام اهلك..
يوسف 
انا كده عاجبك ولا لا ولو مش عاجبك اۏلعي..
نيللي 
اوقات بتبقي كويس معايا وسعات بتقلب فجأه وبتعاملني بطريقه وحشه من غير ما اعملك حاجه مش بقولك كده عشان مستنيخ منك حاجه بس علي الاقل الفتره دي خلينا كويسين مع بعض لحد ما كل واحد فينا يروح لحاله وافتكر اني ما عملتلكش حاجه وحشه..
يوسف بسخريه 
شووف مين بيتكلم ده انا حياتي اټدمرت بسببك انا لولا انك ظهرتي في حياتي تاني كان زماني متجوز البنت الوحيده اللي حبيتها وفي قمة سعادتي مش معاكي انتي..
نيللي پحده 
لما كلمتك وقفلت في وشي كنت بقولك تساعدني انزل الطفل ونخلص من الموضوع ده بس انت وقتها ما هانش عليك تسمعني انا ما كنتش اتمني ابوظ علاقتك انت ورضوي الموضوع كان ڠصب عني انا كمان صدقني....
جات في الوقت ده ريناد وهي ماسكه ايد تيا وقالت 
سوري يا جماعه لو هزعجكم..
يوسف 
لا عادي في حاجه ولا ايه
ريناد 
يزن سافر اسكندريه عشان عنده شغل وانا عايزه اروح بيت اهلي بس هو قالي ما اروحش مع السواق لوحدي بالليل كده فممكن تيجي توصلني يا يوسف..
قام يوسف بسرعه وقال 
اوكي يلا بينا قوليلي الاول هي رضوي في البيت..
بصت ريناد لنيللي اللي بان علينا الاحراج وقالت 
مش عارفه يا يوسف وبعدين انت مالك ومال رضوي هتيجي توصلني ولا اكلم طارق يجي ياخدني..
يوسف
خلاص خلاص ما تتعصبيش كده يلا بينا..
_ومشي مع ريناد وبنتها ونيللي بصتله بدموع وحزن وقااامت طلعت اوضتها وكلمت ريم وقالتلها..
نيللي 
ايوه يا ريم عملتيلي ايه في الحجز
ريم. 
ما عملتش حاجه ازاي يعني يا نيللي عايزه تسيبي كل حاجه وتمشي مش هينفع..
نيللي
انتي مالك انتي كمان انتو ما حدش فيكم عايش مكاني كلكم شايفين الموضوع من بره..
ريم 
طيب ممكن تهدي وخلينا نتقابل ونتكلم الاول..
نيللي
مش عايزه اتكلم ومش عايزه منك حاجه انا هتصرف وميرسي اووي يا ريم انتي كمان مش عايزه تسااعديني...
بقلم_الكاتبه_رحاب_القاضي 
_وفي الوقت ده في عربية حامد كانت رضوي قااعده جنبيه وهي ساااكته وهو قالها بهدوء..
حامد 
مش لايق عليكي خالص انك تبقي ضعيفه كده يا رضوي..
رضوي 
ومين قالك اني ضعيفه..
حامد 
الحاله اللي انتي فيها دي وانك تلجأي لدكتور نفسااني ايه اللي حصل يعني جوازه ما تمتش لسه نصيبك ما جاش مش مشكله. 
رضوي بحزن 
الموقف كان صعب عليا زي ما تقول كده اټصدمت واتخزلت من واحد عمري ما تخيلت انه ممكن يعمل فيا كده....
حامد 
خلاص هو شااف حياته انتي كمان شوفي حياتك شغلك ومستقبلك ده اهم حاجه انا لما شوفتك كنت معجب اووي بشخصيتك القويه ودلوقتي مش مرتاح وانا شايفك كده..
رضوي بدموع 
انا بحاول انسااه واتخطي واكمل بس هو قدامي علي طول وسيرته بتتفتح قدامي باستمرار من اهلي لاننا نسايب اصلا..
حامد
وفيها ايه انتي لو عايزه يوسف يرجع شخص عادي مش مؤثر بالنسبالك هتعملي ده الموضوع كله هيتوقف علي شخصيتك من رأيي انتي لازم تثبتي للكل انه شخص عادي وقتها الموضوع هيبدأ يتنسي وهترجعي لحياتك الطبيعيه من غير ما يبقي الموقف اللي هو عمله معاكي مأثر عليكي..
رضوي بهدووء 
طيب ادخل يمين الشارع اللي جااي بيتنا..
حامد 
حاضر..
ووصلها فعلا قدام البيت وقبل ما تنزل قال بهدوء
انا اسف لو كنت دايقتك بكلامي يا رضوي..
رضوي ابتسمت بهدوء وقالت 
لا بالعكس انت معاك حق..
وفي الوقت ده جه يوسف بعربيته وهو معاه ريناد واتحولت ملامحه للڠضب بقوه اول ما شافها مع حامد في عربيته ونزل من العربيه بسرعه وقرب من حامد وفتح الباب بتاع العربيه وقاله..
يوسف پحده
انت بتعمل ايه هنا ومالك ومالها...
_نزلت رضوي بسرعه من العربيه وهي متفاجأه من وجوده وحامد كمان نزل ورد عليه بهدوء وقال..
حامد 
زي ما انت شايف بوصلها...
يوسف پحده 
وتوصلها ليه انت مالك بيها اصلا وانتي بتقابليه ليه انتي كمان
حامد 
وطي صوتك يا يوسف ما حصلش حاجه يعني..
ريناد 
خلاص يا يوسف بلاش فضاايح..
رضوي بهدوء
انا بعتذرلك جدا يا حامد علي الموقف السخيف ده وشكرا انك تعبت نفسك ووصلتني..
اتجاهل حامد وجود. يوسف وابتسم بهدوء ورد عليها وقال
لا ولا يهمك انا في الخدمه ديما وما تنسيش الموضوع اللي منه قالتلك عليه انا في انتظارك..
رضوي 
اكيد ان شاء الله هاجي..
حامد 
ان شاء الله تصبحي علي خير..
وشال ايد يوسف من علي باب العربيه وقاله
ايدك يا يوسف معلش..
_واخد عربيته ومشي بهدووء مستفز خلي يوسف يتعصب اكتر وكانت لسه رضوي هتدخل البيت فقرب منها ومسك ايدها جامد وقال