رواية المتناقض الفصل السادس والسابع بقلم حازم الباشا
المحتويات
كل القصه على مسامع انجي فقفزت من مكانها وقالت باندهاش وازاي الحرامي عرف موضوع البلاطه دي !!!
رد امجد بهدوء السيده زينب بالكامل عارفه قصه البلاطه دي
والبركه في سعيد
اللي ما سابش بني ادم في المنطقه
الا وحكى له حكايه البلاطه دي
قطع حوارهما رنين هاتف انجي بمكالمه من سعيد معلنا عن عثوره على هاتف امجد !!!
وفجأه دق باب غرفه امجد ففتحت انجي وكانت المفاجأه ... هبه اخت الراقصه سحر على الباب !!!
هبه هي الفتاه المحجبه على يمين غلاف القصه
بدت علامات السعاده على وجه امجد وهو يطلب من انجي ان تدخل الضيفه وتتركهم وحدهم
بل انه وبشكل لا شعوري دفع جسد أنجي بيده وكأنها كيس مهملات يود التخلص منه !!!
فخرجت انجي بكل غيظ وهي تتمنى لو انها اغلقت الباب على عنق هبه لتفصله عن جسدها !!!
تقدمت هبه ببطء ووضعت ورده كانت تحملها على طرف سرير امجد ثم قالت بصوت خجول الف سلامه عليك يا دكتور امجد
ارجوك اقبل اعتذاري
انا عارفه اني كنت في قمه السخافه
وقله الذوق مع حضرتك
قاطعها امجد وقد علت ملامحه ابتسامه ساخره قصدك ... قلة الادب !!!
كان رد امجد مستفزا لهبه مما دفعها لترد بصيغه اكثر استفزازا وقالت ارجوك سامحني
انا عارفه اني زودتها
ومسحت بكرامتك الارض
بس انا طمعانه في كرم اخلاقك
قرأ امجد ما يدور بعقل الفتاه الجميله فقد كان عقلها يكيل الشتائم لامجد انها تتمنى ان تقول له احترم نفسك واتكلم عدل يا جذمه انتا بدل ما اهزقك تاني
فضحك امجد ضحكه عاليه لم تستطيع هبه تفسيرها وقال بصوت حنون واضح انك لسه شايله مني
ردت هبه بتوتر سامحني حضرتك في اللي هاقوله
انا فعلا كنت جايه اعتذر لك
واطيب خاطرك
بس اسلوب حضرتك المستفز
بيجبرني ارد عليك بكلام دبش
وصدقني انا لساني
اطول من لسان حضرتك الف مره !!!
انبهر امجد من جراءة هبه فهي الشخص الوحيد الذي كان كلامه مطابقا لما بداخل عقله !!!
ولم يكن امجد قد قابل اي شخص خلال حياته يتمتع بذلك القدر من الوضوح والشفافيه
فرد عليها وهو ينظر لها بإعجاب واضح طيب يا هبه
خلينا ننسى اللي فات
ونفتح صفحه جديده
واحكي لي بقا
ايه اللي غير موقفك مني فجأه كده
ردت هبه انا كنت فاهمه ان حضرتك عارف ان جيت ليه وهتوفر عليا الاحراج
قاطعها امجد بسرعه شديده بعد ان قرأ ما يتردد داخل عقلها يعني دكتور شاطر وزي القمر بس الحلو ما يكملش طلعت حمار وغبي
فقال بصوت مفعم بالثقه طيب يا ستي
انا هأوفر عليكي الاحراج
انت عرفتي ان دكتور مصطفى ده حيوان
فبرغم انك حاولتي تحذريه مني
وان مالكيش اي ذنب في القضيه
اللي سحر اختك رفعتها عليه
الا انه خدك بذنبها
وحرمك من الامتحانات ومن دخول الكليه
اندهشت هبه من معرفه امجد بكل تلك التفاصيل وقالت بصوت يملأه الخجل هو حضرتك عرفت ازاي كل ده !!!
رد امجد بغروره المعتاد انا كنت متوقع ده
وكنت متأكد ان ضميرك هيوجعك
بسبب الكلام اللي قلتيهولي
هبه بنفس نبره الخجل انا كمان عرفت انه حرم حضرتك
من حقك في انك تبقى معيد في الكليه
وبجد انا اسفه اني ظلمتك
رد امجد بصوت تغمره نفس الثقه ويكسوه نفس الغرور ولا يهمك اللي فات ماټ
وهتدخلي الكليه وتكملي ڠصب عنه
ومن النهارده انتي هتتعيني عندي في المستشفى
بمرتب ٢٠ الف جنيه !!!
سعقت هبه من كلام امجد وقالت بصوت مبتهج ده كتير عليا اوي يا دكتور
ربنا يخليك ليا
وما يحرمنيش ابدا منك
بس انا هاشتغل ايه
ده انا لسه فاضلي سنتين على التخرج
رد امجد انتي هتبقي دراعي اليمين ...
وكلها كام سنه
وهأخليكي اكبر جراحه
متابعة القراءة
