رواية المتناقض الفصل السادس والسابع بقلم حازم الباشا

ريم الحديدي
وقد غلف ذلك الحب الم وحسره الفراق القهري لأن الله لم يأذن له ان يراها بعد ان اكتشفت سر قدرته على تبصر احداث المستقبل !!!
كانت نظرات ادهم تحمل كل معاني الاستسلام والقبول لما يريده امجد شريطة الا يخبر ريم عن تواجده بالمنزل !!!
ظل الصمت للحظات اثناء ما كان ادهم يفك وثاق امجد
قبل ان يهمس امجد في اذنه ما تخافش يا ادهم 
انا مش هاقول لريم هانم 
انك موجود في البيت هنا 
بس مجرد ما تمشي ريم 
عاوزك خرج من هنا 
ومش عاوز اشوف وشك تاني ابدا ...
مفهوم !!!
رد ادهم بتلعثم حاضر يا دكتور امجد 
انا هاختفي من حياتك للأبد
بس صدقني 
ده شيء مش في مصلحة اي حد
خرج امجد منتشيا وسار بخطوات سريعه الى بهو الفيلا ليستقبل ريم قائلا اهلا وسهلا ريم هانم 
نورتي فيلتي المتواضعه
ردت ريم اهلا بيك 
انا جيت زي ما حضرتك طلبت مني في المكالمه
عشان تقولي فين ادهم !!!
صمت امجد للحظه وهو يغوص داخل عقل ريم وقد صډمه انه اكتشف ان حب ريم لادهم لا يمكن وصفه فهو لم يرى ابدا انثى تحمل كل هذا الحب في قلبها !!!
استجمع امجد اتزانه وقال لا يا ريم هانم 
انا معرفش ادهم فين دلوقتي 
انا بس بنقلك رساله منه
ردت ريم بلهفه رساله ايه 
امجد هو بيقولك انه لا عمره حب 
ولا هيحب غيرك 
وانه كان يتمنى يقولك كده 
من اول لحظه اتقابلتوا فيها
انهمرت دموع ريم وهي تقول وانا عاوزاك تبلغه اني ....
ثم سكتت قليلا وقد تحول صوتها الحزين الى نبره متشككه هو انا ايه يضمن لي 
ان حضرتك فعلا تعرف ادهم 
وانه فعلا قالك الرساله دي !!!
رد امجد بكل هدوء انا وادهم معرفه قديمه 
وهو حكالي على كل اللي حصل بينكم 
بأمارة الحفره الي في طريق مصر السويس 
اللي كان مفروض ... يقتلك فيها !!!
ردت ريم وقد هدأ توترها بعض الشيء بس الموضوع ده مصر كلها عارفاه
امجد بثقه ويا ترى مصر كلها عارفه
انكم انتو الاتنين عيطوا 
وانتو ماسكين ايدين بعض جوا الحفره !!!
هنا هدأت ريم تماما فلم يكن هناك اي مخلوق على وجه الارض يعلم بتفاصيل تلك اللحظه
فاقتربت من امجد وقالت بصوت متضرع معاك حق يا دكتور
طمنت قلبي
ارجوك بلغ ادهم اني بعشقه 
وهافضل استناه يرجعلي 
لاخر لحظه في عمري
شعر امجد بقمه الحسد تجاه ادهم وتمنى لو انه يجد انثى تعشقه مثل هذا العشق حتى وان كلفه ذلك كل ما يملك !!!
انتهى اللقاء وودع امجد ريم حتى سيارتها وقد وعدها ان يظل مرسالا للحب بينها وبين ادهم الى ان يجمع الله بينهما من جديد
ء
كان ادهم يسترقق السمع وقد اعتصره الشوق لريم وما ان خرجت من الفيلا حتى ركض ليجلس مكانها ويستنشق من بقايا انفاسها التي عطرت الغرفه
الى ان دخل امجد وهو يقول بصوت هادر مخاطبا ادهم انت مچنون يا ابني !!!
حد يسيب واحده بتحبه كل الحب ده 
بجد انت عيل غبي جدا
رمقه ادهم بنظزه ناريه وهو يقول انت مش فاهم اي حاجه
ومش ممكن تفهم 
بس وربي وما اعبد 
لو حصل وحاولت ټأذي ريم 
فانا هاقتلك ... فاهم !!!
وما تزعلش نفسك اوي 
انا مش هاعترض طريق حياتك تاني 
انا حاولت اعمل منك بني ادم 
بس انت مفيش فايده فيك 
هتفضل كده ... انسان مغرور وتافه
قال ادهم تلك الكلمات ثم انطلق كالسهم مغادرا وقد ترك امجد وسعيد وقد غمرتهم حاله من الصمت التام
وقد تحضر سعيد لتلقي سخط امجد على ما بدر منه
وبالفعل استدار امجد وهو يرمق سعيد بنظره ناريه بينما كان يتسلل الى عقله ليعرف السر وراء انقلاب صديق عمره