قصة قاسم وبسمه كامله

لحضرتك.
رد بإستغراب حضرتك ! ..عالعموم لو احتاجتي أى مساعدة فأنا مستعد أشرحلك وبإبتسامة كمل زى زمان .
هنا قومت ورديت عليه بقوة وفى نفس الوقت بهدوء إذا سمحت يا قاسم الوضع دلوقتي اتغير عن زمان مبنقناش أطفال فيه حدود لازم تتحط ..وأظن أن أربع سنين كافيين أووى أنهم يكبروا الإنسان ويغيروه ...عن إذنك.
حقيقي مش عارفة أنا رديت عليه كده ليه! مع إنه كان بيعرض المساعدة بلطف يمكن لأني كنت محتاجة أسمع الكلام دا قبل منه أسمعه كويس لنفسي وأحط حد لتخبط وتيه مشاعري من ساعة رجوعه.
أمنية
يتبع
الجزء ٢ 
بعد كلامي ليه آخر مرة بقتش أشوفه تقريبا غير أثناء محاضرته بس _ أصل لما رجع اتعين فى نفس الكلية اللى بدرس فيها وكمان بيدرسلنا مادة _ الأيام بتعدى بروتينها الملل والمتعب لحد ما أمي فاتحتني فى موضوع العريس وإنه شخص كويس وو كلام كتير غزل فيه أما أنا فأخدت نفس عميق ورديت بهدوء ياماما أنتي عارفة كويس اني قافلة الموضوع دا دلوقتي بسبب الدراسة غير إني مش حاسة إني مؤهلة لموضوع الزواج عالأقل دلوقتي.
وكالعادة اتعصبت من كلامي لأنه مش بيعجبها رأيي ماهو اللى زيك فى الدراسة بردو ومخطوبين عادى وبعدين ايه مش مؤهلة دى! ليه ناقصة إيد ولا رجل.
مردتش عليها وأخدت شنطتي تاني ونزلت اتمشى يمكن أهدى بعاني دائما من مشكلة إن أمي مش فاهماني مش من دلوقتي لأ من صغرينفسي دائما ألاقي جسر حوار نتقابل عليه بس لإسف ...مشيت لحد أما وصلت لعربية الأيس كريم بتاع عمو حسام اللى لسه موجودة من وأنا صغيرة وداىما بجيب منه جبت واحدة أيس كريم وقعدت جنبه عالرصيف حسيت إني عاوزة أبكي ..مش عارفة من زعلي من ماما ولا إني افتكرت قاسم اللى كان دائما بيجي فالأوقات دى ويشاركني حزني ويقعد جنبي وميسبنيش إلا وأنا فرحانة ونجيب أيس كريم واحنا مروحين بس دلوقتي مش موجود!  
قعدت أعيط لحد ما سمعت صوته رفعت راسي له هتفضلي طول عمرك صغيرة مهما كبرتي كل أما تزعلي تيجي هنا تشتري الأيس كريم واللى بردو بيقع منك كل مرة. لما قال كده بصيت على إيدي لاقيت فعلا أنه الايس كريم وقع مني زعلت أكتر  
مدلي ايديه بمنديل وهو بيقعد جنبي متزعليش هبقى أجيبلك غيره.
أخدت المنديل امسح إيدي ورديت عليه من غير ما بصله ايه اللى عرفك إني هنا.
قالي أنا معرفش أنا كنت جاى أجيب أيس كريم من عمي حسام لاقيتك قاعدة.
عم الصمت بينا شوية لحد أما قطعه هو كلامك كان صح أننا كبرنا وكل واحد فينا بقى له شخصية أحدث من شخصيته القديمة بس فى حاجات هتفضل جوانا وعمرها ما هتتغير وبعدين بصلي وابتسم بضحكة زى كل أما تزعلي تجي هنا وتجيبي أيس كريم وبردو يقع منك.
ابتسمت له بهدوء بس سمعت همهمة منه _ واللى عرفت بعدين أنه كان بيقول _ أو إني اجي دائما ليكي أشاركك اللحظة دى .
سألته ساعتها أنت بتقول ايه.
رد وهو رايح يجيب أيس كريم ولا حاجة يلا بينا.
ومشينا ناكل فالأيس كريم كريم ونسيت زعلي كله مش عارفة إذا كان بسبب الأيس كريم فعلا ولا حد تاني. 
.....
وفى يوم داخل المدرج وقبل مامحاضرته تبدأ سمعت شابين قدامي واحد بيشرح للتاني عن موضوع عندنا اتدخلت فى الحوار عشان أسأله فيه لأني مكنتش فاهماه كويس قعدنا نتناقش مع بعض لحد أما انتبهت ل هند صاحبتي