قصة قاسم وبسمه كامله

وهى بتشدني وبتقولي أن الدكتور دخل..بصيت لاقيته فعلا دخل وبصصلنا كمان بعصبية للحظة حسيت أن عينيه احمرت اتكلم بلهجة حازمة اتمنى تكونوا خلصتوا عشان ابدأ المحاضرة.
عمر _الشاب اللى كان بيشرحلي_ دا اتأسفله أما أنا فكنت مستغربة منه بس متكلمتش. خلصنا المحاضرة وخرجنا لاقيت هند بتقولي وكأنها بتكلم نفسها بس غريبة يعنى.
بصتلها بإستغراب ايه اللى غريبة !
بصتلي وقالتالي كانها المحقق كونان فى نفسه الدكتور مكنش طبيعي النهاردة كنت حاساه عصبي على غير الحالة خاصة بعد الموقف اللى حصل فأول المحاضرة بينكو مشفتيش نظرة العصبية الل كانت فى عينيه تجاه أكيد بيغير عليكي .
حطيت ايدي على رأسها اشوفها سخنة ولا لأ لأ ..مش سخنة هند حبيبتي أتمنى متتفرجيش على أفلام جواسيس كتير وتقعدى تحللي كل موقف قال بيغير قال.
ردت عليا بتعال أنا عمري تحليلي ما بيطلع غلط وبكرة تشوفي.
وفى نص كلامنا قاطعنا عمر أنسة بسمة !
التفته نعم
كمل أنا كنت سايب فى المكتبة نسخة من ورق فيه شرح للجزيئية اللى كنا بنتكلم فيها لو حابة تطلعي عليه وإن شاء الله يفيدك.
شكرته جدا على مساعدته ومشينا أنا والست هند نكمل باقي اليوم .
أمنية
يتبع
الجزء ٣
خلصنا أخيرا اليوم الطويل دا خارجين من الكلية المغرب وطبعا شكلنا يصعب على أي حد تعبانين وجعانين وعاوزين نعيط ليه بيعملوا فينا كدا !!! وفى وسط ما احنا مشغولين أنا وهند فى الندب والنواح لاقينا قاسم واقف جنب عربيته هند ميلت عليا وقالتلى اظاهر مستنيكي.
رديت عليها مش شرط.
وكملنا مشى بس هو نادى عليا بصينا له فقال تعالوا اركبي.
كانت هند هتمشى بس أصر أنه يوصلها معانا حتى لأقرب نقطة ممكن تركب لبيتها عشان الوقت اتأخر. وفعلا ركبنا والصمت كان سيد المكان ورغم كده كنت حاسة أنه مش على طبيعته متعصب كنت عاوزة أسأله إن كانت حاجة حصلت بس مقدرتش وآثرت السكوت وصلنا هند
وكمل هو بالعربية بس قررت إني أسأله هو فيه حاجة مضيقاك النهاردة حساك عصبي شوية.
وحقيقي ندمت على سؤال بعد ردة فعله بصلي كام ثانية ورجع بص للطريق مقدرتش أفسر نظرته دى اتنهدت ومع تنهيدته هدى العربية ووقفها على جنب ..الغريبة أنه تناه ساكت شوية وبعدين اتكلم بهدوء شبه الهدوء الذى يسبق العاصفة لما أنتي مش فاهمة شىء فى المنهج ليه مسألتنيش وأنا أشرحهالك عالأقل هكون فاهم أكتر من الزميل.
اتعجبت شوية بإن ايه العلاقة بين دا وبين الشىء اللى مخليه عصبي بس رديت عادى بطبيعتى عادى ! حصل أنه كان بيشرح نفس الجزيئية لواحد زميلنا وأنا اتدخلت فى الحوار بس دا اللى حصل ....بس دا شىء يخليك تضايق!
مردش عليا وشغل العربية ومشينا ..بس دلوقتي اللى اضايقت. 
فضلت أفكر ومحتارة من ردة فعله وفجأة جه فى دماغي كلام هند إنه بيغير ..معقول بس أكيد لأ يعنى.
حاولت مفكرش كتير فى أى حاجة وأركز على حياتي وبس. 
......
صاحية النهاردة مبسوطة لا إراديا لأن الربيع بدأ يهل وريحة تفتح الزهور بدأت تنتشر رغم أن الجو لسه متقلب فعشان كده بعد ما خلصت الكلية اللى ولله الحمد خلصت بدري قررت أتمشاها للبيت رغم المسافة الكبيرة بس أنا بحب المشى وخاصة فى الجو دا بس الجو كان له رأي تاني ويخليني أستمتع بشكل أخر وهو أنه بدأ يغيم والسما بالفعل بدأت تمطر...أنا بعشق المطر فكانت فرحتي أضعاف الأضعاف ولأن الحلو مبيكملش المطرة ازدات بشكل مخيف ومفيش عربيات راضية توقف ليا ..جريت أقف تحت اى سقف يحميني على ما اتصرف