قصة قاسم وبسمه كامله

الموبايل بردو مش موصل شبكة مكنتش خاېفة بس بردو مش عارفة اتصرف ...خلتني واقفة وبدعي ربنا أنه ينجدني وبالفعل استجاب لما لاقيت عربية قاسم وقفت قدامي ونزل منها اخويا أحمد وهو اللى اول ما شافوني نزلوا جري عليا ابتسمت ليهم لأنهم دائما موجودين جنبي.
بس قاسم زعقلي ازاى تمشى فى الجو ده مش هتبطلي عنادك وإنك تمشى بدماغك.
أحمد حاول يهديه خلاص ياقاسم مش وقته يلا يابسمة اركبي العربية.
وإحنا ماشين أحمد قالي احنا قلقنا عليكي جامد لما بنتصل عليكي وفونك فاصل مع إنك مكلمانا من حوالي ساعتين أنك خلصتي وخارجة من الكليةوقلقنا أكتر لما الجو ازداد فالمطرة فقررنا احنا نخرج ندور عليكي بالعربية.
رديت عليه بتأسف أنا أسفة نسيت اقلكوا اني هاجى مشى...بس عرفتوا اني جاية من الشارع دا ازاى !
أحمد بإبتسامة ناحية قاسم اظاهر أن قاسم فعلا عارف دماغك كويس هو اللى اقترح نمشى من الشارع دا لأنه فكر أن ممكن تكوني حبيتي تتمشى بما إن كان الجو حلو حتى لما بدأ يمطر بردو اتمشيتي فيه وفعلا قد كان.
فرحت من جوايا جدا إنه عارف تفاصيلي بالشكل دا ودائما موجود فيها .
وأكيد لما روحت أخدت وصلة التهزيق التمام من أمي وعتاب من باقي أفراد الأسرة الكريمة وبس دخلت أخدت شاور ساخن وشربت حاجة سخنة ونمت شوية.
....
صحيت عالساعة ٩ كدا بالليل ملقتش حد فى البيت بس سمعت أصوات من ناحية البلكونة خرجت وعرفت أنهم عند عم حسن ابو قاسم قررت أروح اقعد معاهم شوية
خبطت طنط ليلى مامت قاسم فتحتلي وطبعا بالأحضان يا بلدنا دخلت عمو حسن مع بابا بيلعبوا دومينو قعدت اهزر معاهم شوية ومع طنط ليلى اللى يعتبر صاحبتي أكتر ما هى طنط حمدت ربنا أن قاسم مش موجود فاتسللت للبلكونة اللى زارع فيها النباتات بتاعته وحشتني أووى من ساعة ما جه مادخلتهاش كل حاجة فيها بتأسرني واللى بيأسرني أكتر طريقة تعامله معاها كأن شخص بيتعامل مع حبيبته بكل رومانسية 
ماخدتش باله من وجوده إلا بعد ما حمحم 
قاسم نسيت صحيح اشكرك على اعتنائك واهتمامك بنباتاتي فى غيابي.
رديت لا شكر على واجب ثم إني معملتش حاجة حتى مكنتش عارفة اديلهم ربع اهتمامك.
رد بتلقائية ازاى! كفاية وجودك جنبهم.
اتوترت بسبب كلمته ومعرفتش أرد ...بس قررت أشكره على اللى عمله النهاردة 
أنا احم هو ..أنا أسفة على اللى عملته النهاردة بس صدقني مكنتش أعرف أنها هتمطر وشكرا لأنكم جيتوا ودورتوا عليا.
ابتسم ابتسامة هادية ممكن متعتذريش تاني وبعدين دا واجبنا ناحيتك ..ثم أنا بردو لازم أعتذر لأني عليت صوتي و ..
قاطعته بعطستي فضحك وقال واضح انك أخدت ادخلى لأن الجو لسه برد اشربي حاجة سخنة وادفى كويس.
بس أنا معندي...
مكملتش كلامي بسبب العطسة التانية فضحك اكتر فدخلت طبعا وأنا مكسوفة بس حاسة اني فرحانة.
أمنية
يتبع
الجزء ٤ والأخير 
بعد يومين أمي دخلت عليا الأوضة وقالتالى أن فيه عريس متقدملك وهو شاب محترم وعاوزاني اقعد معاه ..إصرار أمي المرة دى خلاني أستسلم اني اقعد معاه عشان مدخلش معاها فى أى مجادلات.
جه اليوم الموعود وحانت اللحظة وأنا بعترف لنفسي اني طلعت عيلة ومش قد الكلام دا أمي دخلت وقالتالي أنهم جم خرجت وراها بس لاقيت أن عمي حسن وطنط ليلى وقاسم هم اللى موجودين سلمت عليهم وقعدت جنب أحمد ..ميلت عليه أسأله هو العريس فين! مش قولتوا أنه جه.
ضحك عليا وبصوت عالي كمان خلاني استغربت منه واتكسفت فى نفس الوقت لحد