قصه أمنية كامله
جديد
هى بريئة فى ملامحها بس فى نفس الوقت قوية
تبان حزينة لكن عليها اجمل ضحكة ممكن تشوفها فى حياتك ناعمة فى تفاصيلها ..طفلة وفتاة وسيدة كبيرة كلهم تحسهم مجتمعين فى وقت واحد.
رد عليه صاحبه لما هى كده أمال سيبتها ليه !
ساب السېجارة من إيديه وهو بيقوم لأني أسوء شخص فى العالم.
فضل يمشى بتوهان فى الشوارع لحد ما رجله تتعب ويروح بيته ..يفتح الباب ولسه قلبه على أمل أن يلاقيها مقابلاه بإبتسامتها الجميلة وبعدين تلومه براحة أنه أتأخر وهى مش بتحب تقعد لوحدها..ولما ميلاقيش حد والشقة ظلام وباردة زى قلبه يدخل ينام.
صحى عالساعة ١١ كده..عمل لنفسه شاى بالنعناع وخرج عالبلكونة فتحهاوخلى الشيش موارب عشان يدخل نور ربنا ودخل على مكتبه ومسك دفتره وقلمه ..
هى أنت لازم تقفل كله كده حتى البلكونة ..طب سيب الشيش مفتوح يدخل منه نور ربنا !
هو أنتي عارفة اني مش بعرف أكتب وفيه صوت ودوشة والبلكونة بتجيب دوشة وزحمة مش بحبهم.
هى مش بعرف اقنعك بحاجة ابدا وباسته على خده وقامت أنا هقوم أعمل الغدا واروق شوية كده بالتوفيق ياجميل.
أما هو فبيبتسم بهدوء ويكمل كتابة.
فاق من ذكرياته وساب قلمه قبل ما يخط أى كلمة ونزل لشغله.
وصل شغله اللى هو مطعم بيشتغل فيه جرسون وخلص لبس الزى وخرج يشوف الزباين قابله صاحبه اللى اتعرف عليه فالشغل
صاحبه بمرح دائما منضبط فى مواعيدك!
رد عليه بإبتسامة هادية عقبالك..ومشى
وبعد ساعات أما خلص شغله على ١١ بالليل عرض عليه صاحبه يتمشوا ويكمل حكايته مع حبيبته وهو وافق ..يمكن لأنه بقاله سنين مكنش بيتكلم عن نفسه إلا معاها ووقت أما مشيت حاسس إنه محپوس وعاوز يخرج ومش عارف ..وقت أما اتعرف على صاحبه ده لاقى نفسه بيتكلم ..
صاحبه ايه ياعم ساكت بقالك كتير وسرحان كده!
أما هو فقال زمان لما اتولدت كنت آخر العنقود على ولدين أكبر مني والدي كان دائما يزعق ويضرب كبرت وأنا لقيت نفسي واخواتي بننضرب على ايه حتى كان عادى يضربها وقدامنا كبرنا وبقى أخويا الكبير يطلع شبه فالقسۏة والفتوة والتاني كان بيلعب على كله أما أنا فكنت منطوي على نفسه بخاف من الناس عشان كده كنت بټضرب كتير من أبويا
أنا عاوزك تبقى راجل كده بقى عندك ١٢ سنة والعيال تضربك ...عيل خرع
ولما حاولت امي تدافع عني زى كل مرة خليكي كده دافعي عنه ..لما طلع بنت پتخاف ويجيلك كل يوم مضړوب
وحكاوى كتيرة معاه يمكن كان ملجئي الوحيد بعد أمي هى الكتابة اللى اكتشفها أستاذ اللغة العربية فيا
عمر! أنت موهوب فى الكتابة وحاسس إن هيكون ليك أسلوبك الخاص لو نمتها ..فحاول تقرأ كتير وتكتب علطول.
فكنت بحوش على أجيب كتب أقرأها ودفاتر أكتب فيها..عن أى شىء وطبعا كان فى خناقات كتير على حكاية الكتب دى وتريقة من أخواتي ووالدى بس الوحيدة اللى كانت بتدعمني هى أمي ..واللى كانت بتشجعني أني أكتب داىما...
صاحبه بحزن عليه هو فيه ابهات بالقسۏة دى وبعدين ثواني انت بتعرف تكتب ..يعني لسه بتكتب دلوقتي!
أما هو رد بشرود كاان زمان.
صاحبه بإحباط ياخسارة المهم ايه اللى حصل كمل مع والدك ! وامتى قابلت حبيبتك!
كفاية كلام النهاردة أنا هروح سلام !
روح بيته دخل عالسرير عشان ينام..شوية وقام مڤزوع بينهج كأن روحه كانت بتطلع ولسه آخر مشهد بينه وبين والده بيتكرر قدامه
نتيجة الثانوية بانت وجاب مجموع فى نظرهم قليل ومش هيدخل طب _ اللى فى الأساس رغبتهم هم مش رغبته_
