قصه أمنية كامله

..يلا.
بقى يسرح أكتر بعد الموقف دا..مش عارف ايه اللى حصل بس اللى يعرفه أنه مش هينفع يحس الاحاسيس دى دلوقتي لازم يثبت نفسه الاول ويقف على رجليه عشان يقدر يخلص أمه من عڈابها ...ورغم دا كله كان بيتتبع أخبارها وعرف أنها أصغر منه بسنتين فى كلية الحقوق شخصية قوية جريئة وقت اللزوم وفى نفس الوقت حيية ...شخصية يوما ما كانت خيالية بالنسبة ليه..
بعدما خرج من ذكريات وابتسامة عذبة على فمه وقلبه بينفطر شوقا لها ...
صحى على فونه وهو بيرن استغرب أن ياسر بيتصل عليه فى يوم أجازتهم ..متعود أنه هو بيقضيه مع عيلتهعمر فتح 
ياسر عمر ازيك!
استغرب عمر من نبرة صوته الحزينة الحمد لله مالك يا ياسر فى حاجة حصلت!
ياسر لأ متقلقش ..بس ممكن أجيلك اقعد معاك شوية.
عمر أيوة طبعا ..هبعتلك المكان فى رسالة.
وبعد ١٥ دقيقة كان وصل ياسر خبط على الباب وعمر فتحله
ياسر وهو داخل بإبتسامة بيحاول تطلع طبيعية أنا جبتلك فطار عشان عارف انك لسه صاحي.
عمر أخد منه الفطار ودخل عشان يحضره اتفضل المكان مكانك.
دخل ياسر الصالة واللى تقريبا كلها كتب ودفاتر سواء على المكتبة أو عالأرض يمكن مش باين غير الاثاث البسيط اللى فيها.
خرج عمر بالأكل لاقى ياسر مبهور من كمية الكتب الموجودة
ياسر عمر انت عايش ازاى وسط الكتب دى !
عمر بإستغراب مش فاهم ..تقصد ايه!
ياسر يعني كتيرة اووى أنا قعدت شوية وحاسس أنها بتتكاثر وبتضيق علينا المكان.
ابتسم له عمر وقال بمداعبة متخافش هى كائنات وديعة مش بټأذى حد.
خاف ياسر بتهزر هى ايه الكائنات !!
ضحك عمر عليه وبعدين هدى وقاله متخافش أنا بهزر..المهم كل بقى عشان نتكلم شوية.
وبعدما أكلوا..عمر بجدية ها ..بقى قولى مالك حزين ليه!
اتكلم ياسر بيأس مش حزين بس الدنيا صعبة اووى وانا تعبت من المعافرة النهاردة كنت فى انترڤيو لشغل وكنت خلاص حاسس اني هتعين لاقيت نفسي مرفوض واكتشفت بعديها أنهم عينوا حد تبعهم بس دى مجرد إجراءات روتينية. أنا مش ساخط على أمر ربنا واكيد الڤرج جاى ..بس انا فعلا تعبت بشتغل أكتر من شغل عشان أكون نفسي واقدر اتقدم للشخص اللى اختاره قلبي بس اظاهر كده مفيش نصيب ليا.
ربت عليه عمر وقال بحنية شوية متقلقش ياياسر أنا واثق أن ربنا شايلك الافضل ليك بس ليه مجربتش تتقدم دلوقتي وتفهم والدها ظروفك وان شاء الله يوافق.
ابتسم ياسر بسخرية ومين هيوافق يدي بنته لحد ملوش شغلانة ثابتة.
رد عمر أنا عارف أنه صعب بس انت مجربتش ..روح واحكيله ظروفك مش يمكن يوافق...زى ماانا عملت كده مع ورد كنت زيك لسه متخرج وبعافر فى الدنيا..ومعنديش حاجة اتسند عليها بس كنت محتاجها جنبي روحت وقولتله ظروفي كلها وهو وافق واللى عرفته بعديها أن ورد نفسها وقفت معايا عشان تخلي أهلها يوافقوا ..روح واتقدم مش يمكن البنت هى كمان بتحبك وتقف معاك وتقنع أهلها وتتجوزوا.
بصله ياسر بأمل تفتكر!
عمر وهو بيطمنه افتكر اووى خذ بالاسباب واتقدم وإن شاء الله لو ليك نصيب فيها هيوافقوا.
ياسر اتمنى بجد ..انت متعرفش هى بالنسبة ليا ايه.
عمر بص لصاحبه بنظرة حنان وكأنه بيقوله أنه مر بالمشاعر دى وعارف شعوره كويس.
ياسر لاحظ نظرة عمر له وحاسس بعشقه لمراته احم ..عمر ممكن اسألك سؤال بس لو مش عاوز تجاوب براحتك.
بصله عمر عارف انت هتسأل ايه طالما بحب ورد كدا ليه طلقتها ..صح!
ياسر هز رأسه..أما عمر فقام واخد علبة السچائر بتاعته للبلكونة وياسر راح وراه
رغم اختلاطي بناس