رواية عهد الغرام الجزء الثالث أسيرة في مملكة عشقه الفصل السادس عشر16 بقلم سيليا البحيرى

رواية عهد الغرام الجزء الثالث أسيرة في مملكة عشقه الفصل السادس عشر بقلم سيليا البحيرى
أسيرة_في_مملكة_عشقه 
فصل 16
بعد عدة أيام في مقهى هادئ في وسط المدينة
جلست غزل في أحد الأركان تحرك ملعقة صغيرة داخل كوب قهوتها ببطء بينما تتأمل الطاولات من حولها. المكان مزدحم لكن ضجيجه لا يصل إلى عقلها فهي تفكر فيما ستقوله لغيث. وبعد دقائق قليلة دخل غيث يبحث عنها بنظراته حتى وقعت عيناه عليها. ابتسم بخفة وتقدم نحوها وجلس أمامها.
غيث مبتسما بلطف أهلا أتأخرت
غزل بهدوء وهي تنظر إلى ساعتها سبع دقائق وخمس ثوان بس مش مشكلة لسه متسامحة النهارده.
ضحك غيث بخفوت لكنه شعر أن هناك أمرا جديا يدور في عقلها. جلس مستقيما وأخذ رشفة من قهوته قبل أن ينظر إليها بتركيز.
غيث بهدوء طيب قلتيلي إنك عايزة تتكلمي معايا عن حاجة مهمة قبل الفرح.
غزل وضعت كوب القهوة أمامها وشبكت أصابعها ببعضها ثم نظرت إليه بجدية مصطنعة.
غزل أيوه بصراحة أنا عندي شوية شروط قبل ما نتجوز وحابة إنك تعرفها من دلوقتي عشان تبقى مستعد.
رفع غيث حاجبه قليلا لكنه لم يتفاجأ. توقع أن غزل لن تتزوج بهدوء مثل أي فتاة أخرى.
غيث بابتسامة خفيفة شروط تمام اسمعك.
تنحنحت غزل قليلا ثم بدأت في تعداد شروطها وكأنها تقرأ من ورقة رسمية.
غزل بجدية أولا مش هتناديني بمراتي أو زوجتي أو أي لقب تقليدي اسمي غزل مفهوم
غيث رافعا حاجبه طيب تمام
غزل ثانيا مش هتطلب مني أطبخ كل يوم لأن أنا مش طباخة ولو جعنا هنطلب دليفري ولو عايز أكل بيتي يبقى تتعلم معايا ونتعاون.
ضحك غيث بخفوت وهز رأسه موافقا.
غيث تمام نطبخ سوا.
غزل مكملة بجدية ثالثا لو اتخانقنا في المستقبل مش مسموح لك تنام برا البيت حتى لو كنت زعلان. ولو أنا اللي زعلانة هتسيبني على راحتي لحد ما أقرر أتصالح معاك.
غيث مازحا ولو حضرتك زعلانة لمدة شهر
غزل ببرود هتبقى تسأل نفسك إيه الغلطة اللي عملتها وتصلحها!
ضحك غيث لكن سرعان ما كتم ضحكته عندما رأى نظراتها الجادة.
غزل تكمل بشراسة رابعا يومين في الشهر لازم نسافر فيهم حتى لو مكان قريب أي حاجة تغير جو.
غيث معقول ده شرط ده طلب ممتاز!
غزل بصوت حاد خامسا مش مسموح إنك تحاول تتحكم في حياتي المهنية أنا عايزة أكمل شغلي وأسافر وقت ما أحتاج.
غيث بإيماءة جادة موافق طالما إن ده بيسعدك.
غزل وأخيرا مش مسموح أبدا تنسى عيد ميلادي أو ذكرى جوازنا ولو نسيت
غيث مقاطعا بابتسامة هتبقى کاړثة
غزل مھددة بمرح بل کاړثة كونية.
نظر إليها غيث للحظة ثم تنهد وهو يهز رأسه بابتسامة مستسلمة.
غيث بنبرة هادئة طيب أنا موافق على كل حاجة بس عندي شرط واحد.
ضيقت غزل عينيها بحذر.
غزل شرط إيه هو
غيث بنبرة جادة وناعمة في نفس الوقت إنك تكوني سعيدة معايا.
نظرت إليه غزل للحظة وشعرت بقلبها ينبض بسرعة لم تفهم سببها. أخذت رشفة من قهوتها محاولة إخفاء ارتباكها ثم أشاحت بوجهها بعيدا.
غزل بخفوت ماشي بس متنساش بقية الشروط.
غيث بابتسامة دافئة عمري ما هنسى.
المشهد يغلق على غزل وهي تنظر من النافذة بينما غيث يراقبها بابتسامة هادئة وكأنهما يبدآن رحلة جديدة مليئة بالمفاجآت
بعد لحظات من الصمت وضعت غزل كوب قهوتها على الطاولة ونظرت إلى غيث بجدية.
غزل طيب بما إننا خلصنا موضوع الشروط خلينا نتكلم عن التجهيزات.
غيث بهدوء تمام قوليلي إنت عايزة إيه وأنا هعمل كل اللي أقدر عليه.
تنهدت غزل قليلا ثم ابتسمت وهي تسند ذقنها على يدها.
غزل بص أنا عارفة ظروفك وظروف عيلتك وعارفة إنك راجل