رواية عهد الغرام الجزء الثالث أسيرة في مملكة عشقه الفصل العشرون 20 بقلم سيليا البحيرى

على كتف زينب
زينب يا حبيبتي إنت عارفة إننا في قعدة عائلية جميلة واللي حصل ده مش موضوع نقاش إحنا فرحانين بحمل غزل وبخطوبة حفيدنا سليم مالوش داعي نبوظ الجو.
زينب تتملص من يده وتتحدث بنبرة حادة
يعني أنت شايف إن اللي بقوله غلط ما هو إنتو كلكم طيبين أوي على قلوبكم ماشي أنا بس قلت رأيي واللي مش عاجبه عنده الباب يفوت جملين مش واحد!
حاول سليم الأب التدخل لإنهاء الموقف بينما نادر الجد الأكبر كان يراقب بصمت لكن نظرته القوية كانت كافية لجعل الجميع يدرك أنه لن يسمح لزينب بتجاوز حدودها أكثر.
نادر بحزم ونبرة قاطعة
زينب كفاية كلام فاضي. غزل بنتي وهي اختارت غيث وأنا وافقت واللي عنده اعتراض يتفضل يشرب مية!
نظرت زينب إلى نادر بغيظ لكنها لم تجرؤ على الرد بل اكتفت برفع حاجبها والتقاط حقيبتها الفاخرة قبل أن تهمس ببرود
أوكي تمام بس لما تتأكدوا من الحقيقة ابقوا افتكروا كلامي.
ثم استدارت وغادرت الغرفة بخطوات غاضبة تاركة وراءها جوا مشحونا بينما محمد تنهد بأسف ومسح على وجهه قبل أن يلتفت إلى الجميع قائلا بحرج
محمد
أنا آسف والله إنتو عارفين طبعها ولسانها بس متقصدش حاجة...
لكن الجميع تجاهله تقريبا حيث بدأت ميار وحور في محاولة إعادة البهجة للمكان بينما رمزي وشيرلين قررا تجاهل الكلام تماما والتركيز على سعادة ابنهما
بعد دقائق من مغادرتها عادت زينب إلى الغرفة لكن هذه المرة بنبرة مختلفة تماما. كانت ملامحها مليئة بالتصنع وكأنها قررت فجأة أن تغير رأيها جلست على الأريكة برفاهية ونظرت إلى الجميع بنظرة جديدة تماما ثم ابتسمت بخفة وهي تتحدث بنبرة مختلفة عن سخريتها السابقة.
زينب بابتسامة مريبة
طيب بعد ما فكرت شوية أنا شايفة إن خطوبة سليم وميار حاجة حلوة جدا!
الټفت الجميع نحوها باندهاش فقد كانت منذ لحظات تثير المشاكل والآن أصبحت تدعم الخطوبة رفع محمد حاجبيه بذهول وهو ينظر إليها بحذر.
محمد
إنت كويسة يا زينب فجأة غيرتي رأيك
زينب تبتسم بمكر وتعدل من جلستها
أكيد بخير! ميار بنت عيلة الصاوي الراقية واحدة من أغنى العائلات يعني حفيدي مش هيروح بعيد أبدا بالعكس ده جوازه ده أنسب حاجة ليه!
نظرت إلى الجميع ثم أردفت بنبرة متفاخرة
يعني بصراحة لو نقارن بين زواج سليم وميار وبين زواج حد تاني الفرق واضح! سليم هيتجوز بنت عز بنت ناس مش حد أقل من مستواه!
ساد صمت ثقيل وكانت شيرلين على وشك الرد لكن سليم الأب سبقها ببرود وهو ينظر إلى زينب بحدة.
سليم الأب
قصدك إيه يا زينب
زينب تتظاهر بالبراءة وهي ترفع يدها
لا أبدا أنا بس بقول الحقيقة يعني حد يتجوز بنت مليونيرات وحد تاني يتجوز حد الله أعلم جه منين!
التوى فم رمزي بمرارة بينما غيث الذي كان لا يزال على اتصال مع العائلة عبر مكالمة فيديو شعر بالانزعاج من حديثها مكالمة الفيديو لسه مفتوحة و غيث و غزل سمعوا كل حاجة قالتها زينب لكن قبل أن يتمكن من الرد تدخل نادر الجد الأكبر بصوته العميق الذي جعل الجميع يصمتون.
نادر بحزم
زينب كفاية بقى. الجواز مش بفلوس العيلة الجواز بالعشرة والاحترام. غيث راجل وأثبت نفسه وغزل بتحبه وده اللي يهمني. أما ميار وسليم فهم بيحبوا بعض وده برده اللي يهمني. فلو عندك كلام تاني غير الفلوس اتفضلي قولي ولو معندكيش يبقى اسكتي.
حدقت زينب في نادر لكنها لم تستطع الرد عليه فالتفتت إلى محمد وكأنها تنتظر منه دعما لكنه اكتفى بهز رأسه بحرج.
محمد
بصراحة يا زينب الموضوع بقى ممل. سيبينا نفرح بدل ما نضيع