رواية انتي دنيتي كامله
تلفون بهاء و سمعت كلمة امرك عرفت انها امو ...
بهاء : حبيبتي .
شيرين : نعم .
بهاء : رح تتاخر زيارتنا لامك .
شيرين : ليش
بهاء : بيت خالي عند امي و طلبت مني جبلها حلو و نروح نسهر عندهن .
شيرين : بس امي رح تسافر وجه الصبح وهلأ الساعة 8 بالليل يعني ايمتا بدنا نروح
بهاء : بس حبيبتي انا ما بقدر قول لامي هالحكي .
شيرين : ليش بدها تقص رقبتك
بهاء : شيرين ما تحكي معي هيك خلص امي هيك قالت وانا عليي نفذ يلي قالتو ساعة منقعد عند اهلي و بعدها لعند اهلك .
شيرين : متل ما بدك .
بقيت طول الوقت ساكتة مر 3 ساعات و كل ما بدنا نمشي حماتي ما تسمحلنا .... للساعة 12 حتى فكت اسرنا و سمحتلنا نمشي .
شيرين : ماما ما تتأخري عليي .
ام سعيد : ههه شبك عم تتصرفي متل الاطفال زوجك معك واذا تاخرت عند ابني شي شهرين تلاتة .
شيرين : لا ماما شهر بكفي وارجعي .
ام سعيد : حاضر حبيبتي دير بالك عليها صهري .
بهاء : بعيوني مرت عمي ولو .
ام سعيد : الله يحميكن و يسعدكن .
سافرت امي كنت كل يوم احكي معها واحكي مع اختي و زورها بس ضليت حس بنقص بدون امي ... مضى شهر و ما رضي اخي سعيد انها ترجع و قررت تبقى كمان شهر .
بهاء : شبك ليش هيك وجهك
شيرين : مافيني شي .
بهاء : فيكي شي وجهك اصفر .
شيرين : زعلانة من سعيد لانو ما قبل انو ترجع امي هلأ .
بهاء : الزعل بخلي الوجه اصفر
شيرين : اي .
بهاء : امشي نزور امي .
شيرين : تعبانة ما بدي شوف حدا .
بهاء : طيب اخدك نتمشى عند البحر
شيرين : قلتلك تعبانة تعبانة روح انت تمشى و اسهر عند امك انا بدي نام .
بهاء : ليش عم ترفعي صوتك واذا تعبانة يعني وانا تعبان من الشغل انتي طول وقتك بهالبيت .
شيرين : بهاء .
بهاء : نعم .
شيرين : انا حامل .
بهاء : حامل !!!
شيرين : اي .
بهاء : من ايمتا طيب ليش لهلأ لحتى خبرتيني هاد خبر حلو كتير و ما بيتخبا .
شيرين : اليوم لحتى تأكدت مشان هيك بدي امي تكون جنبي .
بهاء : طيب حبيبتي ارتاحي انتي انا رح احكي مع امك مشان تجي .
شيرين : لا مافي داعي انا ترجيتها كتير وهي تقلي ما بقدر اجي مشان اخوكي ما يزعل بس انت جنبي ما رح تتركني .
بهاء : اي يا عمري طبعا ما رح اتركك شو رايك نروح عالدكتور
شيرين : بكرى منروح .
بهاء : ماشي حبيبتي على راحتك .
باليوم التاني رحنا عالدكتور انا و بهاء لما شفت صورة ابني بالايكو حسيت بفرحة ما حسيتها بعمري ولو انو ما كان مبين منو شي بس حسيت انو هالطفل رح يخلي حياتي احلى و يمليها...
بهاء : طمنا دكتور شو وضع الجنين
الدكتور : بدي تراجعوني بعد اسبوع .
شيرين : اي اكيد .
الدكتور : كتبتلك على فيتامينات اشتريهن اليوم لازم تضلي تاخديهن كل فترة الحمل .
شيرين : ان شاء الله .
بهاء : اي مدام شيرين جبتلك الفيتامينات و فواكه و حليب شو ناقص لسا
شيرين : نزلني عند محل ببيع تياب بيبي .
بهاء : هههه من هلأ بدك تشتريلو تياب لسا كل عمرو شهر .
شيرين : بس قطعة وحدة بدي جيب .
بهاء : امرك حبيبتي .
اخدت قطعة تياب البيبي و رحنا انا و بهاء لعند حماتي دقيت الباب و حملت قطة التياب و وقفت ...
ام بهاء : اهلين بابني الغالي .
بهاء : اهلين فيكي امي .
ام بهاء : شو هاد يلي بايدك كنتي كنو حدا من الجيران موقع قطعة تياب البيبي عالارض و انتي حملتيها هههه .
بهاء : لا امي شيرين اشترتها لتخبرك انها حامل .
شيرين : اي مرت عمي حبيتك نشاركينا فرحتنا .
ام بهاء : الف مبروك يا ابني الله يجيبو بالسلامة و ان شاء الله يكون
