رواية انتي دنيتي كامله
هالدنيا غير توصل بالسلامة و كحل عيوني بشوفتك .
ادم : معناها رح جبلك ياه على ذوقي لاني بعرفك ما رح تختاري .
شيرين : بحبك .
ادم : انا بعشقك .
ليلى : لك شيرين فارت القهوة وين عقلك
شيرين : عمليها انتي انا بدي احكي تلفون ضروري .
ليلى : ضروري قلتيلي لك مافي غيرو ادم يلي اخدلك عقلك .
شيرين : اي اخدلي عقلي يا غيورة .
ليلى : من شو بدي غار الله يخليلي حبيبي عماد .
شيرين : هههه امين .
مضى الاسبوع و جهزت حالي على اكمل وجه بقيت صاحية طول الليل عم اتخيل اللحظة يلي رح شوف فيها ادم و احضنو عم فكر شو بدي احكيلو وكيف بدي عبرلو عن حبي الو بس متاكدة شو ما عملت ما رح اقدر وصلو كل يلي بقلبي...
شيرين : نمت
ادم : لا لساتني صاحي .
شيرين : باقي ساعتين لتطلع ليش لهلأ ما نمت
ادم : عم فكر فيكي .
شيرين : شو عم تفكر
ادم : عم فكر اديش بحبك و كيف رح يكون لقائنا بعد غيابي عنك لمدة سنة مبسوط كتير و حاسس الساعات سنين .
شيرين : وانا عم فكر نفس التفكير .
ادم : يلا روحي نامي بدي شوفك بكرى متل الوردة .
شيرين : وانت نام كمان تصبح على خير .
ادم : وانتي بخير حبيبتي .
ام ادم : حبيبي بدنا نطلع انا و ابوك و اخوك عالمطار نجيبك .
ادم : لا امي مافي داعي بجي لحالي بعرف الطريق و كلها ساعة و بكون بالبيت .
ام ادم : يا ابني انا مشتاقتلك .
ادم : وانا مشتقلكن كتير امي بس مافي داعي لطلعتكن .
ام ادم : متل ما بدك .
صحيت بعد 3 ساعات بلشت رتب شعراتي و رتب حالي مبسوطة كتير حاسة حالي طايرة من الفرحة و الدنيا مو واسعتني الي سنة ناطرة هاللحظة يلي رح تجمعني بحبي الاول و الاخير ادم .... بعد ساعة اتصل فيني ادم .
شيرين : وصلت
ادم : هلأ نزلت من الطيارة بس حبيت طمنك اني وصلت بخير وبس اختم الجواز بحكي معك .
شيرين : الحمدلله على سلامتك .
ادم : الله يسلمك حبيبتي .
شيرين : خبرت امك انك وصلت
ادم : اي خبرتها هلأ بدي اختم عشر دقايق و برجع بحكي معك لحتى اوصل على باب البيت و العصر بجي بشوفك يا ملكتي .
شيرين : اوكي حبيبي .
ادم : سلام .
شيرين : الله معك .
مضت العشر دقايق و مضى ربع ساعة و مضى نص ساعة .... حملت تلفوني و اتصلت بادم بس كان مغلق كل ما اتصل يطلع مغلق .... ما لقيت غير حل واحد اتصل على مرت عمي .
شيرين : مرت عمي ادم حكاكي شي بعد ما ختم
ام ادم : لا والله يا حبيبتي بس هو على وصول اكيد .
شيرين : من نص ساعة قلي عشر دقايق و بتصل فيكي ولهلأ ما اتصل .
ام ادم : لا ينشغل بالك حبيبتي يمكن ما بدو يتصل بدو يشوفك وجه لوجه .
شيرين : ماشي مرت عمي بس اذا اتصل فيكي خبريني .
ام ادم : من عيوني .
مضيت ساعة و ساعتين و تلفون ادم مغلق والمفروض يكون من زمان بالبيت ...
شيرين : شو خبرك عماد
ليلى : قلي فتلت المطار وما لقيتو .
شيرين : يا ربي وين بدو يكون راح هو ما ولد صغير ليضيع .
ليلى : اهدي اختي اهدي رجع عماد يدور و بدو يشوف المسؤولين عن الكاميرات بالمطار يمكن يشوف صورتو وهو طالع .
شيرين : يا رب يكون بخير .
ام ادم : شو يا ابني ما رد
احمد : لا لسا تلفونو مغلق .
ابو ادم : رح احكي مع ولاد اخواتي يدورو عليه .
ام ادم : الله يحميك يا ابني ان شاء الله تكون بخير .
يتبع...
الجزءالثانيوالثالث. ٢و٣
عماد : يعطيك العافية .
الموظف : الله يعافيك .
عماد : في شخص بخصني وصل على المطار لهون و بعدها ما عاد بين بدي شوف
