رواية انتي دنيتي كامله

يخلق بيصير بحبو هاد ابنو لو بكون مشوه ما بس منغولي رح يحبو .

شيرين : بعيد الشړ عن قلبو شو مشوه ابني مريض مو مشوه و في كتير اطفال بيخلقو مرضى ما بس ابني .

ام سعيد : يا حبيبتي يا بنتي .

شيرين : بكرى بدي روح جبلو اغلى تياب بالسوق بدي جهزلو احلى غرفة هاد حبي هاد دنيتي .

 صارت تمضى الايام و علاقتي صارت سطحية ببهاء ما نحكي مع بعض و ما يهتم فيني و لا يسالني عن شي كان عم يراقبني بهدوء كيف عم جهز لحالي غرفة ابني .

 كنت بالبيت لحالي بلشت حس بمغص قوي صرت اتصل على بهاء وهو ما يرد...

ام بهاء : الف مبروك ابني .

بهاء : الله يبارك فيكي امي .

ام بهاء : الف مبروك حبيبتي رنا .

رنا : الله يبارك فيكي خالتي .

ام مؤيد : من زمان قلتلك يا اختي كان لازم يتزوجو هن خلقو لبعض .

ام بهاء : الحمدلله هلأ كتبو كتابهن و العرس الاسبوع الجاية من بعد موافقة ابو مؤيد .

ابو مؤيد : طبعا موافق .

بهاء : عن اذنكن بدي رد على تلفوني .

بهاء : شو بدك شيرين 

شيرين : بهاء تعال خدني عالمشفى بسرعة شكلي عم اولد .

بهاء : طيب جاي .

بهاء : امي بدي روح ودي شيرين عالمشفى .

ام بهاء : روح وديها و ارجاع .

بهاء : حاضر امي .

رنا : لا تتاخر .

بهاء : ولو ليش انا بقدر اتأخر على هالعيون الحلوة .

 ولدت و لما طالعوني عالجناح ما كان في غير امي و اختي ليلى .

ليلى : الحمدلله على سلامتك حبيبتي .

ام سعيد : الحمدلله على سلامتك يا عمري .

شيرين : وينو بهاء 

ام سعيد : بيرجع بعد شوي .

شيرين : يعني كان هون طول الوقت 

ام سعيد : اي و راح من شوي .

 سمعت صوت ابني حملتو و ضميتو لصدري .

شيرين : يا ملاكي انت يا حبيبي مأحلاك ماما شوفي والله ابني حلو .

ام سعيد : ما شاء الله بجنن .

ليلى : يا عمر خالتك انت مأحلاك خليني احملو .

شيرين : لا خليه بين ايديي هلأ .

 صرت اتأمل ملامح ابني الحلو انا شفتو حلو حتى لو مريض هو رجع السعادة لقلبي و البسمة عشفافي .

 بعد ساعتين من انتظار بهاء غفيت و بهاء لسا ما اجا...باليوم التاني اجا بهاء لحتى يخرجني من المشفى...

شيرين : بهاء شوف ابنا شو حلو .

بهاء : احمليه يلا مشان نطلع .

شيرين : بهاء شو حابب تسميه 

بهاء : سميه انتي .

شيرين : بس هاد ابننا ما ابني لحالي .

بهاء : سبق و قلتلك انا ما مسؤول عنو سميه شو ما بدك .

شيرين : رح سميه وسيم لانو بنظري هو وسيم و احلى طفل بهالدنيا .

 حملت ابني و رحنا على بيتنا اجت امي معي لتشتغل فيني هاد قلب الام لو بصير عمر ابنها 50 سنة بتضل پتخاف عليه و بتعمل جهدها لتهتم فيه ...

 مضى اسبوع و بهاء ما تطلع بوسيم و لا اهتم فيه حسيت انو بيكرهو و حسيت هالولد رح يربى بدون اب .

بهاء : شو هالولد ما بيسكت .

شيرين : يمكن ممغوص .

بهاء : خرسييييييه ما بدي اسمع صوتو .

شيرين : خرسو ! هاد ابنك بتقول عنو هيك لك انت مافي بقلبك جنس الرحمة .

بهاء : لا من يوم شفت خلفتك القسۏة سيطرت على قلبي .

شيرين : خلفتي ! خلفتي لحالي لانو عم تتعامل و كاني جايبتو من بيت اهلي ما كانك انت ابوه .

بهاء : ابوه عالورق بس لا انتي ولا هو تستنو مني كون اب و بكل الاحوال انا بكرى بيجيني احسن منو .

شيرين : ما فهمت شو يعني بيجيك احسن منو 

بهاء : يعني انا رح اتزوج و المفروض بكرى يكون عرسي بس اجلتو كم يوم لخبرك و احمدي ربك اني عطيتك قيمة و خبرتك .

شيرين : تتزوج ! اسفة مافي داعي تأخر زواجك خلي عرسك بكرى و الله يبعتلك ولاد